Latest News
സാമൂഹിക കണക്ഷന്‍ ‘നെറ്റ്‌വര്‍ക്ക്’ ആക്കി ഒരു സ്‌കൂള്‍; ഓണ്‍ലൈന്‍ പഠനത്തിന് ഒരുക്കുന്നത് 250 വൈഫൈ കേന്ദ്രങ്ങള്‍
ഡെല്‍റ്റ പ്ലസ് വകഭേദം: ഇന്ത്യയില്‍ 40 കേസുകള്‍ റിപ്പോര്‍ട്ട് ചെയ്തു
രാജ്യദ്രോഹ കേസ്: ഐഷ സുൽത്താനയെ ചോദ്യം ചെയ്യുന്നു
കോവിഡ് മരണം തടയുന്നതില്‍ ഒരു ഡോസ് വാക്സിന് 82 ശതമാനം ഫലപ്രദം

കോവിഡ്-19: രോഗികളുടെ എണ്ണത്തിലെ വർധന; ക്രമാതീതമല്ലെന്ന് ആരോഗ്യ മന്ത്രാലയം

ഇന്ത്യയിൽ കോവിഡ് സമൂഹവ്യാപനം ഉണ്ടായതായുളള റിപ്പോർട്ടുകൾ ആരോഗ്യ മന്ത്രാലയം നിഷേധിച്ചു

corona virus, ie malayalam

ന്യൂഡൽഹി: രാജ്യത്ത് കൊറോണ വൈറസ് ബാധിതരുടെ എണ്ണം ഉയർന്നുവെങ്കിലും ക്രമാതീതമല്ലെന്ന് ആരോഗ്യ മന്ത്രാലയം. കഴിഞ്ഞ 24 മണിക്കൂറിനുളളിൽ പുതിയ 42 കേസുകളും നാലു മരണങ്ങളുമാണ് റിപ്പോർട്ട് ചെയ്തത്. ഇതോടെ രോഗബാധിതരുടെ എണ്ണം 649 ആയെന്ന് ആരോഗ്യമന്ത്രാലയം ജോയിന്റ് സെക്രട്ടറി ലാവ് അഗർവാൾ പറഞ്ഞു. കോവിഡ്-19 ബാധിതരെ ചികിത്സിക്കാനായി 17 സംസ്ഥാനങ്ങളിൽ ആശുപത്രികൾ ഒരുക്കുന്നതിനുളള നടപടികൾ തുടങ്ങിയതായും അദ്ദേഹം പറഞ്ഞു.

കൊറോണ കേസുകളുടെ എണ്ണം കൂടുമ്പോഴും രോഗബാധിതരുടെ നിരക്ക് സ്ഥിരതയാർന്നതായി തോന്നുന്നുവെന്ന് അദ്ദേഹം പറഞ്ഞു. ഇത് ആദ്യഘട്ട ട്രെൻഡ് മാത്രമാണ്. കോവിഡ് -19 ചലഞ്ചിനായി ഇന്ത്യ ഒരുങ്ങുകയാണെന്നും അദ്ദേഹം അഭിപ്രായപ്പെട്ടു.

അതേസമയം, ഇന്ത്യയിൽ കോവിഡ് സമൂഹവ്യാപനം ഉണ്ടായതായുളള റിപ്പോർട്ടുകൾ ആരോഗ്യ മന്ത്രാലയം നിഷേധിച്ചു. ഇന്ത്യയിൽ കൊറോണ സമൂഹവ്യാപനം ഉണ്ടായെന്നതിന് ഒരു തെളിവുമില്ലെന്നും മന്ത്രാലയം അറിയിച്ചു.

Read Also: കോവിഡ്-19: 1.7 ലക്ഷം കോടിയുടെ സാമ്പത്തിക പാക്കേജ് പ്രഖ്യാപിച്ച് കേന്ദ്ര സർക്കാർ

ഇന്ത്യയിൽ കോവിഡ്-19 ന്റെ പശ്ചാത്തലത്തിൽ 21 ദിവസം പ്രധാനമന്ത്രി നരേന്ദ്ര മോദി ലോക്ക്ഡൗൺ പ്രഖ്യാപിച്ചിട്ടുണ്ട്. രാജ്യത്ത് എവിടെയാണെങ്കിലും ജനങ്ങൾ അവിടെ തന്നെ തുടരണം. കോവിഡ്-19 വ്യാപനത്തിൽനിന്നും മുക്തി നേടാൻ സാമൂഹിക അകലം മാത്രമാണ് പോംവഴിയെന്നും ജനങ്ങൾ സഹകരിക്കണമെന്നും രാജ്യത്തെ അഭിസംബോധന ചെയ്തു സംസാരിക്കവേ പ്രധാനമന്ത്രി ആവശ്യപ്പെട്ടിരുന്നു.

ആഗോളതലത്തിൽ കോവിഡ്-19 ബാധിച്ച് മരിച്ചവരുടെ എണ്ണം 21,287 ആയി. ഇറ്റലിയിലാണ് ഏറ്റവും കൂടുതൽ പേർ മരിച്ചത്, 7,503 പേർ. സ്‌പെയിനിൽ 3,647 പേരും ചൈനയിൽ 3,163 പേരും, ഇറാനിൽ 2,077 പേരും, ഫ്രാൻസിൽ 1,331 പേരുമാണ് മരിച്ചത്. ലോകമാകമാനം കൊറോണ വൈറസ് സ്ഥിരീകരിച്ചവരുടെ എണ്ണം 4,71,407 ആയിട്ടുണ്ട്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Covid 19 cases rising but rate seems to have stabilised says health ministry

Next Story
കോവിഡ്-19: സാമ്പത്തിക പാക്കേജ് ശരിയായ ദിശയിലേക്കുള്ള ആദ്യ ചുവടുവയ്‌പെന്ന് രാഹുൽ ഗാന്ധിRahul Gandhi, Rahul Gandhi news, Rahul Gandhi news in Malayalam, UDF, LDF, Kerala Elections, Kerala Election news, BJP, Rahul Gandhi in Kerala, Indian Express Malayalam, IE Malayalam, രാഹുല്‍ ഗാന്ധി, രാഹുല്‍ ഗാന്ധി വാര്‍ത്തകള്‍, എല്‍ഡിഎഫ്, യുഡിഎഫ്, തിരഞ്ഞെടുപ്പ് വാര്‍ത്തകള്‍, ഇന്ത്യന്‍ എക്സ്പ്രസ് മലയാളം, ഐഇ മലയാളം
The moderation of comments is automated and not cleared manually by malayalam.indianexpress.com