scorecardresearch
Latest News

രാജ്യത്തിന് വേണ്ടത് ബുള്ളറ്റ് പ്രൂഫ് ജാക്കറ്റുകളാണ്, ബുള്ളറ്റ് ട്രെയിനുകളല്ല: അഖിലേഷ് യാദവ്

പുല്‍വാമ ഭീകരാക്രമണത്തിലേക്ക് നയിച്ച രഹസ്യാന്വേഷണ വീഴ്ച വിശദീകരിക്കണമെന്ന് കേന്ദ്രത്തോട് അഖിലേഷ് യാദവ്

രാജ്യത്തിന് വേണ്ടത് ബുള്ളറ്റ് പ്രൂഫ് ജാക്കറ്റുകളാണ്, ബുള്ളറ്റ് ട്രെയിനുകളല്ല: അഖിലേഷ് യാദവ്

ന്യൂഡല്‍ഹി: പുല്‍വാമ ഭീകരാക്രമണത്തിലേക്ക് നയിച്ച രഹസ്യാന്വേഷണ വീഴ്ച വിശദീകരിക്കണമെന്ന് കേന്ദ്രത്തോട് സമാജ്‌വാദി പാര്‍ട്ടി അധ്യക്ഷന്‍ അഖിലേഷ് യാദവ്. ബുള്ളറ്റ് ട്രെയിനിനേക്കാളും, ബുള്ളറ്റ് പ്രൂഫ് ജാക്കറ്റുകളാണ് രാജ്യത്തിന് വേണ്ടതെന്നും അദ്ദേഹം പറഞ്ഞു.

‘പാക്കിസ്ഥാനെ ഒരു പാഠം പഠിപ്പിക്കാന്‍ രാഷ്ട്രീയ പാര്‍ട്ടികളും ജനങ്ങളും സര്‍ക്കാരിനൊപ്പം ഒത്തു ചേര്‍ന്നിട്ടുണ്ട്. സര്‍ക്കാരിന്റെ ഭാഗത്ത് നിന്നുളള രഹസ്യാന്വേഷണ വീഴ്ചയാണ് അക്രമത്തിലേക്ക് നയിച്ചത്. അതിന് ആരാണ് ഉത്തരവാദി? ഇത്രയും കാലം ഭരിച്ചിട്ടും രഹസ്യാന്വേഷണ വിവരങ്ങള്‍ ശേഖരിക്കാന്‍ സര്‍ക്കാരിന് കഴിഞ്ഞില്ലേ?,’ അഖിലേഷ് യാദവ് ചോദിച്ചു.

‘രാജ്യത്തിന് തിരഞ്ഞെടുപ്പിനെ അഭിമുഖീകരിക്കേണ്ടതുണ്ട്. അതേസമയം അതിര്‍ത്തിയും കാക്കണം. ഇതിന് എന്താണ് സര്‍ക്കാര്‍ ചെയ്യാന്‍ പോകുന്നതന്ന് വ്യക്തമാക്കണം. സൈന്യത്തിന് ഒപ്പമാണ് രാജ്യത്തെ ഓരോ ജനങ്ങളും,’ അദ്ദേഹം പറഞ്ഞു.

Stay updated with the latest news headlines and all the latest News news download Indian Express Malayalam App.

Web Title: Country needs bulletproof jackets not bullet train akhilesh yadav