Latest News
സംസ്ഥാനത്ത് കൂടുതല്‍ ഇളവുകള്‍ നാളെ മുതല്‍
UEFA EURO 2020: സ്കോട്ട്ലന്‍ഡിനെ കീഴടക്കി ക്രൊയേഷ്യ; ഇംഗ്ലണ്ടിനും ജയം
ഡെൽറ്റ പ്ലസ് വകഭേദം: കേരളം അടക്കം മൂന്ന് സംസ്ഥാനങ്ങൾക്ക് ജാഗ്രതാ നിർദേശം
രാജ്യദ്രോഹ കേസ്: ഐഷ സുല്‍ത്താനയെ വീണ്ടും ചോദ്യം ചെയ്യും
രാജ്യത്തെ കോവി‍ഡ് കേസുകള്‍ മൂന്ന് കോടി കവിഞ്ഞു

ബിജെപി എംഎൽഎയുടെ നാക്ക് അരിയുന്നവർക്ക് 5 ലക്ഷം രൂപ പാരിതോഷികം പ്രഖ്യാപിച്ച് കോൺഗ്രസ് നേതാവ്

ഇഷ്ടപ്പെടുന്ന പെൺകുട്ടിയെ വിവാഹം ചെയ്തു തരാൻ മാതാപിതാക്കൾ വിസമ്മതിച്ചാൽ അവളെ തട്ടിക്കൊണ്ടുവന്ന് വിവാഹം നടത്തിത്തരുമെന്ന് ബിജെപി എംഎൽഎയായ റാം കടം പറഞ്ഞിരുന്നു

മുംബൈ: ബിജെപി എംഎൽഎ റാം കടമിന്റെ നാക്ക് അരിയുന്നവർക്ക് 5 ലക്ഷം രൂപ പാരിതോഷികം നൽകുമെന്ന് കോൺഗ്രസ് നേതാവും മഹാരാഷ്ട്ര മുൻമന്ത്രിയുമായ സുബോദ് സയോജി. പ്രണയവിവാഹത്തിന് മാതാപിതാക്കൾ എതിർത്താൽ പെൺകുട്ടിയെ തട്ടിക്കൊണ്ടുപോയി വിവാഹം നടത്തിക്കൊടുക്കുമെന്ന ബിജെപി നേതാവിന്റെ പരാമർശത്തോട് പ്രതികരിക്കവേയാണ് കോൺഗ്രസ് നേതാവിന്റെ പ്രഖ്യാപനം.

”ഒരു എംഎൽഎയ്ക്ക് അനുയോജ്യമല്ലാത്ത പ്രസ്താവനയാണ് റാം കടമിന്റെ ഭാഗത്തുനിന്നുണ്ടായത്. മഹാരാഷ്ട്രയിലെ ജനങ്ങളിലാരെങ്കിലും ബിജെപി എംഎഎയുടെ നാക്ക് അരിഞ്ഞാൽ അവർക്ക് 5 ലക്ഷം രൂപ പാരിതോഷികം നൽകുമെന്ന് ഞാൻ വാഗ്‌ദാനം ചെയ്യുന്നു”, എംഎൽഎ പറഞ്ഞതായി എഎൻഐ റിപ്പോർട്ട് ചെയ്യുന്നു.

ഇഷ്ടപ്പെടുന്ന പെൺകുട്ടിയെ വിവാഹം ചെയ്തു തരാൻ മാതാപിതാക്കൾ വിസമ്മതിച്ചാൽ അവളെ തട്ടിക്കൊണ്ടുവന്ന് വിവാഹം നടത്തിത്തരുമെന്ന് ബിജെപി എംഎൽഎയായ റാം കടം പറഞ്ഞിരുന്നു. മഹാരാഷ്ട്രയിലെ സുബർബാൻ ഗാട്കോപറിൽനിന്നുളള എംഎൽഎയായ റാം കടം തന്റെ നിയോജക മണ്ഡലത്തിൽ നടന്ന പരിപാടിയിൽവച്ച് യുവാക്കളോടായി ഇങ്ങനെ പറഞ്ഞത്.

Read: മാതാപിതാക്കൾ എതിർത്താൽ പെൺകുട്ടിയെ തട്ടിക്കൊണ്ടു വന്ന് വിവാഹം നടത്തിത്തരുമെന്ന് ബിജെപി എംഎൽഎ

”യുവാക്കൾക്ക് എന്തു കാര്യത്തിനുവേണ്ടിയും എന്റെ അടുത്തക്ക് വരാം. നിങ്ങളെ 100 ശതമാനം ഉറപ്പായും ഞാൻ സഹായിക്കും. പ്രണയ വിവാഹത്തിന് സഹായിക്കണം എന്നാവശ്യവുമായി നിരവധി യുവാക്കൾ എന്റെ അടുത്ത് വരുന്നുണ്ട്. നിങ്ങൾ നിങ്ങളുടെ മാതാപിതാക്കളെയും കൂട്ടി എന്റെ അടുത്ത് വരിക. മാതാപിതാക്കൾ സമ്മതിച്ചില്ലെങ്കിൽ പെൺകുട്ടിയെ തട്ടിക്കൊണ്ടുവന്ന് നിങ്ങളുടെ കൈകളിൽ ഏൽപ്പിക്കും”, റാം കടം പറഞ്ഞു. അവിടെ കൂടിയിരുന്നവർക്ക് തന്റെ മൊബൈൽ നമ്പർ പറഞ്ഞു കൊടുക്കുകയും ചെയ്തു എംഎൽഎ.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Congress leader subodh saoji announces five lakh reward for chopping off bjp mla ram kadam tongue

Next Story
ചാകരക്കോളിൽ മനംനിറഞ്ഞ് മത്സ്യത്തൊഴിലാളികൾ, തിരയ്ക്കൊപ്പം മത്സ്യക്കൂട്ടവും തീരത്തേക്ക്-വീഡിയോ
The moderation of comments is automated and not cleared manually by malayalam.indianexpress.com