ന്യൂഡൽഹി: കോൺഗ്രസ്സ് പാർട്ടി നേതൃത്വത്തിൽ സുപ്രധാന പുനസംഘടനയുമായി പാർട്ടി ഇടക്കാല അധ്യക്ഷ സോണിയ ഗാന്ധി. സംഘടനാപരമായും പ്രവർത്തവുമായും ബന്ധപ്പെട്ട വിഷയങ്ങളിൽ തന്നെ സഹായിക്കുന്നതിന് ആറംഗ സമിതിക്ക് കോൺഗ്രസ അധ്യക്ഷ രൂപം നൽകി.
എ കെ ആന്റണി, അഹമ്മദ് പട്ടേൽ, അംബിക സോണി, കെ സി വേണുഗോപാൽ, മുകുൾ വാസ്നിക്, രൺദീപ് സിംഗ് സുർജെവാല എന്നിവരെ സമിതി അംഗങ്ങളായി നിയമിച്ചു. ഓഗസ്റ്റ് 24 ന് നടന്ന കോൺഗ്രസ് പ്രവർത്തക സമിതിയുടെ (സിഡബ്ല്യുസി) അവസാന യോഗത്തിൽ 23 നേതാക്കൾ കത്തിൽ ഉന്നയിച്ച വിഷയങ്ങൾ പരിശോധിക്കാൻ സോണിയ ഗാന്ധിയെ സഹായിക്കാൻ ഒരു സമിതി രൂപീകരിക്കാൻ തീരുമാനിച്ചിരുന്നു. കോൺഗ്രസിൽ ഉടച്ചുവാർക്കാൽ അനിവാര്യമാണെന്നായിരുന്നു കത്തിൽ നേതാക്കൾ ആവശ്യപ്പെട്ടത്.
Read More National News: ദേശീയ സുരക്ഷാ നിയമം: യുപിയിലെ കേസുകളിൽ പകുതിയിലധികവും ഗോവധത്തിൽ
ഗുലാം നബി ആസാദ്, മല്ലികാർജുൻ ഖാർഗെ, മോത്തിലാൽ വോറ, അംബിക സോണിയ, ലൂയിസിൻഹോ ഫലീറോ എന്നിവരെ പാർട്ടി ജനറൽ സെക്രട്ടറി സ്ഥാനത്ത് നിന്നും ഒഴിവാക്കി. പകരം മുകുൾ വസ്നിക്, ഹരീഷ് റാവത്ത്, ഉമ്മൻ ചാണ്ടി, താരിഖ് അൻവർ, പ്രിയങ്ക ഗാന്ധി വാദ്ര, സുർജേവാല, ജിതേന്ദ്ര സിംഗ്, അജയ് മാക്കൻ, കെ സി വേണുഗോപാൽ എന്നിവരെ പുതിയ ജനറൽ സെക്രട്ടറിമാരായി നിയമിച്ചു.
അഞ്ച് മുൻ മുഖ്യമന്ത്രിമാർ, നിരവധി കോൺഗ്രസ് വർക്കിംഗ് കമ്മിറ്റി അംഗങ്ങൾ, സിറ്റിംഗ് എംപിമാർ, നിരവധി മുൻ കേന്ദ്രമന്ത്രിമാർ എന്നിവരുൾപ്പെടെ കോൺഗ്രസിന്റെ 23 മുതിർന്ന നേതാക്കളാണ് പാർട്ടിയിൽ മാറ്റം ആവശ്യപ്പെട്ട് സോണിയ ഗാന്ധിക്ക് കത്തയച്ചത്. കത്തയച്ച് രണ്ടാഴ്ചയ്ക്കുള്ളിലാണ് പാർട്ടിയിൽ പുതിയ പുനസംഘടന.
Read More National News: കൊറോണ കഴിഞ്ഞു, മമത ലോക്ക്‌ഡൗണ്‍ നീട്ടുന്നത് ബിജെപി റാലികൾ തടയാൻ: ദിലീപ് ഘോഷ്
കോൺഗ്രസ് പ്രവർത്തക സമിതിയെയും (സിഡബ്ല്യുസി) പാർട്ടി അധ്യക്ഷ പുനസംഘടിപ്പിച്ചു. സോണിയാ ഗാന്ധിക്ക് പുറമെ മുൻ പ്രധാനമന്ത്രി മൻ‌മോഹൻ സിംഗ്, മുൻ കോൺഗ്രസ് പ്രസിഡന്റ് രാഹുൽ ഗാന്ധി, എകെ ആന്റണി, അഹമ്മദ് പട്ടേൽ, അംബിക സോണി, ഗുലാം നബി ആസാദ്, ആനന്ദ് ശർമ, ഹരീഷ് റാവത്ത്, കെസി വേണുഗോപാൽ, ഖാർജ്, വാസ്നിക്, ചാണ്ടി, മകെൻ, പ്രിയങ്ക ഗാന്ധി, പി ചിദംബരം ജിതേന്ദ്ര സിംഗ്, അൻവർ, സുർജേവാല, ഗൈഖംഗം, രഘുവീർ സിംഗ് മീന, തരുൺ ഗോഗോയ് എന്നിവരെ സിഡബ്ല്യുസി അംഗങ്ങളായി നിയമിച്ചു.
ദിഗ്‌വിജയ് സിംഗ്, മീരാ കുമാർ, ആദിർ രഞ്ജൻ ചൗധരി, ജയറാം രമേശ്, സൽമാൻ ഖുർഷിദ്, അവിനാശ് പാണ്ഡെ, കെ എച്ച് മുനിയപ്പ, പ്രമോദ് തിവാരി, താരിഖ് ഹമീദ് കാര, പവൻ കുമാർ ബൻസൽ, രാജാനി പാട്ടീൽ, രാജ് ശിവിവ്, രാജ് സാവിൽ , ജിതിൻ പ്രസാദ, ദിനേശ് ഗുണ്ടു റാവു, മാണികം ടാഗോർ, ചെല്ലകുമാർ, എച്ച് കെ പാട്ടീൽ, ദേവേന്ദ്ര യാദവ്, വിവേക് ബൻസൽ, മനീഷ് ചത്രത്ത്, ഭക്ത ചരൺ ദാസ്, കുൽജിത് സിംഗ് നാഗ്ര എന്നിവരാണ് സിഡബ്ല്യുസിയിലെ സ്ഥിര ക്ഷണിതാക്കൾ.
കഴിഞ്ഞ സിഡബ്ല്യുസി യോഗത്തിൽ, സോണിയ ഗാന്ധി ഇപ്പോൾ പാർട്ടിയുടെ ഇടക്കാല പ്രസിഡന്റായി തുടരുമെന്നും അടുത്ത 6 മാസത്തിനുള്ളിൽ ഒരു പുതിയ മേധാവിയെ തിരഞ്ഞെടുക്കുമെന്നും സിഡബ്ല്യുസി തീരുമാനിച്ചിരുന്നു
Read More: Congress makes organisational reshuffle, appoints six-member panel to assist Sonia Gandhi
