scorecardresearch
Latest News

ആത്മവിശ്വാസത്തോടെ ഖാര്‍ഗെ, പ്രതീക്ഷയോടെ തരൂര്‍; പുതിയ അധ്യക്ഷനായി വോട്ട് ചെയ്യാന്‍ കോണ്‍ഗ്രസ്

ബെംഗളൂരുവിലെ പിസിസി ഓഫീസിലാണ് ഖാര്‍ഗെ വോട്ട് ചെയ്യുക. തരൂര്‍ കേരളത്തില്‍ വോട്ട് ചെയ്യും

ആത്മവിശ്വാസത്തോടെ ഖാര്‍ഗെ, പ്രതീക്ഷയോടെ തരൂര്‍; പുതിയ അധ്യക്ഷനായി വോട്ട് ചെയ്യാന്‍ കോണ്‍ഗ്രസ്

ന്യൂഡല്‍ഹി:കോണ്‍ഗ്രസ് അധ്യക്ഷ തെരഞ്ഞെടുപ്പിന് മണിക്കൂറുകള്‍ ശേഷിക്കുമ്പോള്‍ നേതൃത്വത്തിന്റെ അനൗദ്യോഗിക പിന്തുണയുണ്ടെന്ന വിശ്വാസത്തില്‍ ശക്തമായ വിജയം നേടുമെന്ന ആത്മവിശ്വാസത്തിലാണ് മല്ലികാര്‍ജുന്‍ ഖാര്‍ഗെ. അതേസമയം എതിരാളിയായ ശശി തരൂരിന്റെ പ്രതീക്ഷകള്‍ രഹസ്യ ബാലറ്റിലാണ്, അല്ലെങ്കില്‍ അദ്ദേഹത്തിന്റെ ക്യാമ്പ് പറയുന്നതുപോലെ പാര്‍ട്ടിയില്‍ മാറ്റത്തിനായി ആഗ്രഹിക്കുന്നവരുടെ മറഞ്ഞിരിക്കുന്ന അല്ലെങ്കില്‍ നിശബ്ദമായ പിന്തുണയിലാണ്.

25 വര്‍ഷത്തിനു ശേഷം ഗാന്ധി കുടുംബത്തിന് പുറത്തുള്ള ആദ്യത്തെ അധ്യക്ഷനെ തിരഞ്ഞെടുക്കാന്‍ കോണ്‍ഗ്രസ് തിങ്കളാഴ്ച വോട്ടുചെയ്യുമ്പോള്‍ ഖാര്‍ഗെയുടെയും തരൂരിന്റെയും പ്രചാരണ ടീമുകളിലെ വികാരങ്ങള്‍ തീര്‍ത്തും വ്യത്യസ്തമായിരുന്നു. ഒരു വശത്ത് പരമമായ ആത്മവിശ്വാസവും മറുവശത്ത് ജാഗ്രതയോടെയുള്ള ശുഭാപ്തിവിശ്വാസവുമായി വേണം ഇതിനെ വിലയിരുത്താന്‍.

സംസ്ഥാനങ്ങളിലെ വിസില്‍-സ്റ്റോപ്പ് പര്യടനങ്ങള്‍, മള്‍ട്ടിമീഡിയ കാമ്പെയ്നുകള്‍, സോഷ്യല്‍ മീഡിയ പ്രമോഷനുകള്‍, നിവേദനകളും പ്രഖ്യാപനങ്ങളും, മാധ്യമ ഇടപെടലുകള്‍, അഭിമുഖങ്ങള്‍, സമ്മേളനങ്ങള്‍ എന്നിവയില്‍ നിന്ന് ഇരുവര്‍ക്കും പര്യടനം തിരക്കേറിയതും ആവേശകരവും ആയിരുന്നു. രാജ്യത്തുടനീളം വോട്ട് ചെയ്യാന്‍ യോഗ്യതയുള്ള 9,850-ഓളം പാര്‍ട്ടി പ്രതിനിധികളെ സമീപിക്കാന്‍ ഖാര്‍ഗെയും (80), തരൂരും (66) കഴിഞ്ഞ പത്ത് ദിവസമായി തങ്ങളാല്‍ കഴിയുന്നതെല്ലാം ശ്രമിച്ചു.

അതേസമയം തെരഞ്ഞെടുപ്പിന്റെ വോട്ടിങ് രീതിയില്‍ മാറ്റം വരുത്തിയിട്ടുണ്ട്. സ്ഥാനാര്‍ത്ഥിക്ക് വോട്ട് ചെയ്യാന്‍ പേരിനടുത്ത് ടിക് മാര്‍ക്ക് രേഖപ്പെടുത്തിയാല്‍ മതി. ശശി തരൂര്‍ നല്‍കിയ പരാതിയുടെ അടിസ്ഥാനത്തിലാണ് തെരഞ്ഞെടുപ്പ് സമിതി വോട്ടിങ് രീതി മാറ്റിയത്. ”ബ്രേക്കിംഗ് ന്യൂസ്: @incIndia ഇലക്ഷന്‍ അതോറിറ്റി തിരഞ്ഞെടുക്കുന്ന സ്ഥാനാര്‍ത്ഥിയുടെ പേരിന് നേരെ ‘1” എന്ന് എഴുതുന്നതില്‍ നിന്ന് ടിക്ക് മാര്‍ക്കിലേക്ക് മാറ്റി. പ്രതിനിധികള്‍ ദയവായി ശ്രദ്ധിക്കുക – എന്റെ പേരിന് അടുത്തുള്ള ബോക്‌സില്‍ ഒരു ടിക്ക് മാര്‍ക്ക് ആവശ്യമാണ്!’ ബാലറ്റ് പേപ്പറിന്റെ ചിത്രം ട്വീറ്റ് ചെയ്തുകൊണ്ട് തരൂര്‍ ട്വിറ്റില്‍ കുറിച്ചു.

ഖാര്‍ഗെയുടെ സീരിയല്‍ നമ്പര്‍ ‘1’ ഉം തരൂരിന്റെ ‘2’ ഉം ആയതിനാല്‍ ബാലറ്റില്‍ ഇഷ്ടപ്പെട്ട സ്ഥാനാര്‍ഥിയുടെ പേരിനെതിരെ ‘1’ എന്ന് എഴുതണമെന്ന നിബന്ധന ആശയക്കുഴപ്പം സൃഷ്ടിക്കുമെന്ന് ചൂണ്ടിക്കാട്ടി തരൂര്‍ ക്യാമ്പ് കഴിഞ്ഞ ദിവസം പാര്‍ട്ടി തിരഞ്ഞെടുപ്പ് അതോറിറ്റിയെ സമീപിച്ചിരുന്നു. ബുധനാഴ്ചയാണ് വോട്ടെണ്ണല്‍.

അവസാനം വരെ ആവേശത്തോടെയുള്ള പ്രചാരണം തരൂര്‍ നടത്തുമെന്ന് പ്രതീക്ഷിച്ചിരുന്നു. സോഷ്യല്‍ മീഡിയയിലെ അദ്ദേഹത്തിന്റെ സാന്നിധ്യം, എഴുത്തുകാരന്‍, പൊതു പ്രഭാഷകന്‍ എന്നീ നിലകളില്‍ പ്രശസ്തി, ഒരു വിമതന്‍ എന്ന പ്രതിച്ഛായയും കാരണം കോണ്‍ഗ്രസിന് പുറത്ത് അദ്ദേഹത്തിന് കൂടുതല്‍ പിന്തുണയുണ്ട്.

മറുവശത്ത്, മത്സരത്തിലെ വ്യക്തമായ മുന്‍നിരക്കാരനായ ഖാര്‍ഗെ ഇത്രയും തിരക്കുള്ള പ്രചാരണം നടത്തുമെന്ന് മിക്കവാറും ആരും കരുതിയിരുന്നില്ല. 20-ലധികം സംസ്ഥാനങ്ങളില്‍ നിന്നും കേന്ദ്ര ഭരണ പ്രദേശങ്ങളില്‍ നിന്നുമുള്ള പിസിസി പ്രതിനിധികളെ കണ്ടുകൊണ്ട് പത്ത് ദിവസത്തിനുള്ളില്‍ 14 സംസ്ഥാന തലസ്ഥാനങ്ങളിലേക്ക് മുതിര്‍ന്ന നേതാവ് യാത്ര ചെയ്തു. ചെന്നൈ മുതല്‍ ശ്രീനഗര്‍ വരെയും ഗുവാഹത്തി വരെയും അഹമ്മദാബാദ് വരെയും അദ്ദേഹം ഒരു വേഗ പര്യടനം നടത്തി.

തരൂരും പത്ത് സംസ്ഥാനങ്ങള്‍ സന്ദര്‍ശിച്ചെങ്കിലും മധ്യപ്രദേശ് ഒഴികെയുള്ള പാര്‍ട്ടിയുടെ ഉന്നത നേതാക്കള്‍ അദ്ദേഹത്തിന് തണുത്തു സ്വീകരണമാണ് നല്‍കിയത്. നേരെമറിച്ച്, ഏതാണ്ട് മുഴുവന്‍ സംസ്ഥാന നേതൃത്വവും – പിസിസി പ്രസിഡന്റുമാരും സിഎല്‍പി നേതാക്കള്‍ മുതല്‍ സംസ്ഥാന ഭാരവാഹികള്‍ വരെ – ഖാര്‍ഗെയെ കേള്‍ക്കാന്‍ ഒത്തുകൂടി.

വോട്ടര്‍ പട്ടികയിലെ പൊരുത്തക്കേടുകളുടെ പേരില്‍ തരൂര്‍ തെരഞ്ഞെടുപ്പ് സമീപിച്ചിരുന്നു. കോണ്‍ഗ്രസ് ഭാരവാഹികള്‍ ഖാര്‍ഗെയ്ക്ക് പരസ്യമായി പിന്തുണ അറിയിച്ചു, ഒടുവില്‍ രാജസ്ഥാന്‍ മുഖ്യമന്ത്രി അശോക് ഗെ്ലോട്ടായിരുന്നു. തുല്യതയുടെ അഭാവത്തെക്കുറിച്ച് തരൂര്‍ സംസാരിച്ചു.

ഖാര്‍ഗെ തന്റെ രാജാജി മാര്‍ഗിലെ വസതിയിലും ബെംഗളൂരുവിലെ രണ്ട് കണ്‍ട്രോള്‍ റൂമുകളും ഉപയോഗിച്ച് ഒരു പ്രൊഫഷണല്‍ കാമ്പെയ്ന്‍ നടത്തി, പ്രതിനിധികള്‍ക്ക് വ്യക്തിഗത ഫോണ്‍ കോളുകള്‍, ഐവിആറുകള്‍, വാചക സന്ദേശങ്ങള്‍, ഹ്രസ്വ വീഡിയോ ക്ലിപ്പുകള്‍ എന്നിവ അയച്ചു. രമേശ് ചെന്നിത്തല, പ്രമോദ് തിവാരി, ദീപേന്ദര്‍ ഹൂഡ, സയ്യിദ് നസീര്‍ ഹുസൈന്‍, ഗൗരവ് വല്ലഭ്, ഗൗരവ് ഗൊഗോയ് തുടങ്ങിയ നേതാക്കളുടെ സംഘം വിവിധ സംസ്ഥാനങ്ങളില്‍ അദ്ദേഹത്തെ അനുഗമിച്ചു.

അദ്ദേഹത്തിന്റെ മാധ്യമ ഇടപെടലുകളും പത്രസമ്മേളനങ്ങളും യാത്രകളും ഏകോപിപ്പിക്കുന്ന ടീമുകളുണ്ടായിരുന്നു. അദ്ദേഹത്തിന്റെ പ്രചാരണം പ്രാദേശിക നേതാക്കളെ അവരുടെ മാതൃഭാഷകളില്‍ പ്രതിനിധികളോട് സംസാരിക്കാന്‍ ഉള്‍പ്പെടുത്തി. അദ്ദേഹത്തിന്റെ 136 ഇലക്ഷന്‍ ഏജന്റുമാരുമായി അദ്ദേഹത്തിന്റെ ടീം രണ്ട് സൂം മീറ്റിംഗുകളും നടത്തി. ‘ഖാര്‍ഗെ പ്രചാരണത്തെ വളരെ ഗൗരവത്തോടെയാണ് കണ്ടത്. പരിചയസമ്പന്നനായ ഒരു പ്രചാരകനാണ് അദ്ദേഹം. 11 തെരഞ്ഞെടുപ്പുകളില്‍ വിജയിച്ച അദ്ദേഹത്തിന് ഒരു തിരഞ്ഞെടുപ്പില്‍ എങ്ങനെ പോരാടണമെന്ന് അറിയാം, അദ്ദേഹത്തിന്റെ പ്രചാരണ സംഘത്തിലെ ഒരു പ്രധാന അംഗം പറഞ്ഞു.

പ്രചാരണം ഏറെക്കുറെ സ്വയം മനസ്സോടെ വന്നവരാണെന്ന് തരൂര്‍ ക്യാമ്പ് പറഞ്ഞു. സല്‍മാന്‍ അനീസ് സോസും സന്ദീപ് ദീക്ഷിതും ചേര്‍ന്ന് പ്രവര്‍ത്തനങ്ങള്‍ ഏകോപിപ്പിച്ചു. വന്‍തോതില്‍ വാട്ട്സ്ആപ്പ് സന്ദേശങ്ങളും ഇമെയിലുകളും ഐവിആറുകളും അയയ്ക്കുകയും ഫോണ്‍ കോളുകള്‍ ചെയ്യുകയും ചെയ്തു. തന്റെ സോഷ്യല്‍ മീഡിയ സാന്നിധ്യം പ്രയോജനപ്പെടുത്തുന്നതിനു പുറമേ, തരൂര്‍ തന്റെ വാഗ്ദാനങ്ങള്‍ പട്ടികപ്പെടുത്തുന്ന പ്രകടന പത്രികയും പുറത്തിറക്കി.

”തിരഞ്ഞെടുപ്പ് സ്‌കെയിലിനെക്കുറിച്ച് ഞങ്ങള്‍ക്ക് ഉറപ്പില്ലെങ്കിലും ഒരു അത്ഭുതം സൃഷ്ടിക്കുമെന്ന് ഞങ്ങള്‍ക്ക് ഉറപ്പുണ്ട്. മാറ്റത്തിനായി കൊതിക്കുന്നു. പല സംസ്ഥാനങ്ങളിലും, നിലവിലുള്ള സംസ്ഥാന നേതൃത്വം ജനപ്രീതിയില്ലാത്തതാണ്… ആളുകള്‍, പ്രത്യേകിച്ച് യുവ നേതാക്കള്‍, അസന്തുഷ്ടരാണ്, ഈ വിയോജിപ്പ് പ്രകടിപ്പിക്കാനുള്ള വാഹനം തരൂരായിരിക്കുമെന്ന് ഞങ്ങള്‍ക്ക് തോന്നുന്നു, ”തരൂരിന്റെ പ്രചാരണ ങ്ങള്‍ക്ക് നേതൃത്വം നല്‍ുകന്നയാള്‍ പറഞ്ഞു.

തങ്ങള്‍ നിഷ്പക്ഷത പാലിക്കുമെന്ന് ഗാന്ധിമാര്‍ തന്നോട് പറഞ്ഞതായി തരൂര്‍ ആവര്‍ത്തിച്ച് ഉദ്ധരിക്കുകയും രഹസ്യ വോട്ടിന് ഊന്നല്‍ നല്‍കുകയും ചെയ്തു – ഒന്നാമത്തേത്, ഖാര്‍ഗെക്ക് നെഹ്റു-ഗാന്ധി കുടുംബത്തിന്റെ അനുഗ്രഹം ഉണ്ടെന്ന ധാരണ ഇല്ലാതാക്കാനും രണ്ടാമത്തേത് സാധ്യമായ പ്രതിരോധം കെട്ടാനും.

വോട്ടിങിനായി എല്ലാ ക്രമീകരണങ്ങളും പൂര്‍ത്തിയായി. 2000-ല്‍ ജിതേന്ദ്ര പ്രസാദ് സോണിയാ ഗാന്ധിയെ നേരിട്ടതിന് ശേഷം ഇത്തരമൊരു മത്സരം. സംസ്ഥാന തലസ്ഥാനങ്ങളിലും ഡല്‍ഹിയിലെ എഐസിസി ആസ്ഥാനത്തും സജ്ജീകരിച്ചിട്ടുള്ള 67 പോളിങ് ബൂത്തുകളില്‍ പ്രതിനിധികള്‍ക്ക് വോട്ട് രേഖപ്പെടുത്താം.

ബെംഗളൂരുവിലെ പിസിസി ഓഫീസിലാണ് ഖാര്‍ഗെ വോട്ട് ചെയ്യുക. തരൂര്‍ കേരളത്തില്‍ വോട്ട് ചെയ്യും. പാര്‍ട്ടി അധ്യക്ഷ സോണിയ ഗാന്ധിയും കോണ്‍ഗ്രസ് ജനറല്‍ സെക്രട്ടറി പ്രിയങ്കാ ഗാന്ധിയും എഐസിസി ആസ്ഥാനത്ത് വോട്ട് ചെയ്യുമെന്ന് പ്രതീക്ഷിക്കുന്നു, രാഹുല്‍ ഗാന്ധി കര്‍ണാടകയിലെ ബല്ലാരിയിലെ സംഗനകല്ലുവിലുള്ള ഭാരത് ജോഡോ യാത്രാ ക്യാമ്പ്‌സൈറ്റില്‍ വോട്ട് ചെയ്യും, അദ്ദേഹത്തോടൊപ്പം മറ്റ് 40 ഓളം പേരും വോട്ട് രേഖപ്പെടുത്തും.

Stay updated with the latest news headlines and all the latest News news download Indian Express Malayalam App.

Web Title: Confident kharge or hopeful tharoor congress votes for new president