ന്യൂ​ഡ​ൽ​ഹി: ഇന്ത്യയിലെ പരമോന്നത നീതിപീഠത്തിലേക്ക് ചരിത്രപരമായ പ്രവേശനം നേടി വനിത അഭിഭാഷക. സുപ്രീം കോടതിയിലെ മുതിർന്ന വനിത അഭിഭാഷക ഇന്ദു മൽഹോത്രയാണ് നേരിട്ട് സുപ്രീം കോടതി ജസ്റ്റിസായി നിയമിക്കപ്പെടുന്നത്. മ​ല​യാ​ളി​യാ​യ ജ​സ്റ്റീ​സ് കെ.​എം ജോ​സ​ഫി​നെ​യും ഇന്ദു മ​ൽ​ഹോ​ത്ര‍യെയും സു​പ്രീം കോ​ട​തി ജ​ഡ്ജി​മാ​രാ​യി നി​യ​മി​ക്കാ​ൻ ചീ​ഫ് ജ​സ്റ്റീ​സ് അ​ധ്യ​ക്ഷ​നാ​യ കൊ​ളീ​ജി​യം ശുപാർശ ചെയ്തു.

ആ​റ് ഒ​ഴി​വി​ലേ​ക്കാ​ണ് ഇ​പ്പോ​ൾ ചീ​ഫ് ജ​സ്റ്റീ​സ് ദീ​പ​ക് മി​ശ്ര അ​ധ്യ​ക്ഷ​നാ​യ കൊ​ളീ​ജി​യം ര​ണ്ടു പേ​രെ ശു​പാ​ർ​ശ ചെ​യ്തി​രി​ക്കു​ന്ന​ത്. ഇതാദ്യമായാണ് വനിത അഭിഭാഷകയ്ക്ക് സുപ്രീം കോടതിയിൽ ജഡ്ജിയായി നേരിട്ട് നിയമനം ലഭിക്കുന്നത്. ഏഴ് വർഷം മുൻപ് ഇന്ദുവിനെ സുപ്രീം കോടതിയിലെ മുതിർന്ന അഭിഭാഷകരിലൊരാളായി പ്രഖ്യാപിച്ചിരുന്നു. ഈ പദവിയിലെത്തിയ രണ്ടാമത്തെ അഭിഭാഷകയായിരുന്നു അവർ.

സുപ്രീം കോടതിയിൽ 25 ജസ്റ്റിസുമാരിൽ, ജസ്റ്റിസ് ആർ.ഭാനുമതി മാത്രമാണ് വനിത സാന്നിദ്ധ്യം. 2014 ഓഗസ്തിലാണ് ഭാനുമതിക്ക് നിയമനം ലഭിച്ചത്. മ​ല​യാ​ളി​യാ​യ ജ​സ്റ്റീ​സ് ഫാ​ത്തി​മാ ബീ​വി​യാ​ണ് ആ​ദ്യ​ത്തെ സു​പ്രീം കോ​ട​തി വ​നി​താ ജ​ഡ്ജി. സുപ്രീം കോടതി ജസ്റ്റിസാകുന്ന ആറാമത്തെ വനിതയാണ് ഭാനുമതി. ഏഴാമത്തെയാളായി ഇന്ദു മൽഹോത്ര അധികാരമേറ്റേക്കും.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook