സ്കൂളിൽവച്ച് ഒന്നാം ക്ലാസുകാരനെ ആറാം ക്ലാസുകാരി കത്തികൊണ്ട് കുത്തി പരുക്കേൽപ്പിച്ചു

വാഷ്റൂമിലേക്ക് കുട്ടിയെ കൂട്ടിക്കൊണ്ടുപോയശേഷം പെൺകുട്ടി കത്തി ഉപയോഗിച്ച് പരുക്കേൽപ്പിക്കുകയായിരുന്നുവെന്ന് പൊലീസ്

ലക്‌നൗ: ഒന്നാം ക്ലാസുകാരനെ ആറാം ക്ലാസിൽ പഠിക്കുന്ന പെൺകുട്ടി കുത്തി പരുക്കേൽപ്പിച്ചു. ലക്‌നൗവിലെ ബ്രൈറ്റ്‌ലാൻഡ് സ്കൂളിലാണ് സംഭവം. വാഷ്റൂമിലേക്ക് കുട്ടിയെ കൂട്ടിക്കൊണ്ടുപോയശേഷം പെൺകുട്ടി കത്തി ഉപയോഗിച്ച് പരുക്കേൽപ്പിക്കുകയായിരുന്നുവെന്ന് പൊലീസ് പറഞ്ഞു. സംഭവം മറച്ചുവച്ചതിന് സ്കൂൾ പ്രിൻസിപ്പലിനെ പൊലീസ് അറസ്റ്റ് ചെയ്തു.

കുട്ടിയുടെ കഴുത്തിലും വയറിലും ആഴത്തിൽ മുറിവേറ്റിട്ടുണ്ട്. അതേസമയം, കുട്ടിയുടെ പരുക്ക് ഗുരുതരമല്ലെന്ന് ഡോക്ടർ സന്ദീപ് തിവാരി പറഞ്ഞു. ചൊവ്വാഴ്ച രാവിലെയാണ് പെൺകുട്ടി വാഷ്റൂമിൽവച്ച് ആക്രമിച്ചതെന്ന് ഒന്നാം ക്ലാസുകാരന്റെ മാതാപിതാക്കൾ പറഞ്ഞു. ഇന്നലെയാണ് മാതാപിതാക്കൾ പരാതിയുമായി പൊലീസിനെ സമീപിച്ചത്.

യുപി മുഖ്യമന്ത്രി യോഗി ആദിത്യനാഥ് കുട്ടിയെ ആശുപത്രിയിലെത്തി സന്ദർശിച്ചു. അതേസമയം, സംഭവത്തിനു പിന്നിൽ ബ്ലൂ വെയ്‌ൽ ഗെയിം ആണെന്ന് സംശയിക്കുന്നതായി സ്കൂൾ അധികൃതർ വ്യക്തമാക്കി. റയാൻ സ്കൂളിലെ കൊലപാതകത്തിനു പിന്നാലെ വലിയ മുൻകരുതലുകളാണ് എടുത്തിട്ടുളളത്. ബ്ലൂ വെയ്‌ൽ ഗെയിമാണോ ഇപ്പോഴത്തെ സംഭവത്തിനു പിന്നിലെത്തു പരിശോധിക്കുന്നുണ്ടെന്നും സ്കൂൾ ഡയറക്ടർ വീണ വ്യാസ് പറഞ്ഞു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Class i student attacked with sharp weapon in school washroom

Next Story
ത്രിപുര, നാഗാലാൻഡ്, മേഘാലയ തിരഞ്ഞെടുപ്പ് ഫെബ്രുവരിയിൽelection commission, op rawat, loksabha, niyamasabha,
The moderation of comments is automated and not cleared manually by malayalam.indianexpress.com