ന്യൂഡൽഹി: എം.നാഗേശ്വര റാവിവുനെ ഇടക്കാല സിബിഐ ഡയറക്ടറായി നിയമിച്ച കേസില്‍ വാദം കേള്‍ക്കുന്നതില്‍ നിന്നും ചീഫ് ജസ്റ്റിസ് രഞ്ജൻ ഗൊഗോയ് പിന്മാറി. പുതിയ സിബിഐ ഡയറക്ടറെ നിയമിക്കുന്ന സെലക്ഷന്‍ കമ്മിറ്റിയില്‍ അംഗമായതിനാലാണ് സ്വമേധയാ പിന്‍മാറുന്നതെന്ന് അദ്ദേഹം അറിയിച്ചു.

അലോക് വർമയെ മാറ്റി എം.നാഗേശ്വർ റാവുവിന് താത്കാലിക ചുമതല നൽകിയ നടപടി ചോദ്യം ചെയ്ത് കോമൺ കോസ് എന്ന സംഘടന സമർപ്പിച്ച പൊതു താത്പര്യ ഹർജി പരിഗണിക്കുന്ന ബെഞ്ചിൽ നിന്നാണ് ചീഫ് ജസ്റ്റിസ് പിന്മാറിയത്. നാഗേശ്വർ റാവുവിന്‍റെ നിയമനത്തിനെതിരായ ഹർജി ജസ്റ്റിസ് എ.കെ.സിക്രി അധ്യക്ഷനായ ബെഞ്ച് പരിഗണിക്കുമെന്നും ചീഫ് ജസ്റ്റിസ് അറിയിച്ചു.

പ്രധാനമന്ത്രി നരേന്ദ്ര മോദി അദ്ധ്യക്ഷനായ സെലക്ഷന്‍ കമ്മിറ്റിയാണ് നാഗേശ്വര റാവുവിനെ രണ്ടാമതും ഇടക്കാല സിബിഐ ഡയറക്ടറായി നിയമിച്ചത്. പുതിയ സിബിഐ ഡയറക്ടറെ നിയമിക്കാനായി സമിതി ജനുവരി 24ന് വീണ്ടും ചേരുന്നുണ്ട്. മോദിയേയും രഞ്ജന്‍ ഗൊഗോയിയേയും കൂടാതെ കോണ്‍ഗ്രസ് നേതാവ് മല്ലികാര്‍ജുന്‍ ഗാർഖെയും സമിതിയിലുണ്ട്.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook