Latest News
കോവിഡ്: പ്രതിദിന കേസുകളിൽ മുന്നിൽ കേരളം
ലോക്ക്ഡൗൺ ഇളവുകൾ ആൾക്കൂട്ടങ്ങൾക്ക് ഇടയാകരുത്, കേന്ദ്രത്തിന്റെ മുന്നറിയിപ്പ്
പ്രവാസികള്‍ക്കു പുതുക്കിയ വാക്സിനേഷന്‍ സര്‍ട്ടിഫിക്കറ്റ് നാളെ മുതല്‍; ബാച്ച് നമ്പറും തിയതിയും ചേര്‍ക്കും
ന്യൂസിലൻഡിന് ടോസ്; ഇന്ത്യയെ ബാറ്റിങിനയച്ചു
ഇന്ത്യയുടെ മിൽഖ, മിൽഖയുടെ ഇന്ത്യ
സുധാകരന്റെ കത്തി പരാമര്‍ശം വേദനിപ്പിക്കുന്നത്, മാപ്പ് പറയണം: ഫ്രാന്‍സിസിന്റെ മകന്‍

പൗരത്വ ബില്‍ ലോക്സഭയില്‍ പാസായി; കോണ്‍ഗ്രസ് ഇറങ്ങിപ്പോയി, പ്രതിഷേധം അറിയിച്ച് തൃണമൂലും

രാജ്‌നാഥ് സിങിന്റെ പ്രസംഗത്തിനിടെ കോണ്‍ഗ്രസ് ലോകസഭയില്‍ നിന്നും ഇറങ്ങിപ്പോയി. ബില്‍ സെലക്ട് കമ്മിറ്റിക്ക് വിടണമെന്നായിരുന്നു കോണ്‍ഗ്രസിന്റെ ആവശ്യം. ബില്‍ കാരണം നോര്‍ത്ത് ഈസ്റ്റ് മേഖല കത്തുമെന്ന് തൃണമൂല്‍ കോണ്‍ഗ്രസ് മുന്നറിയിപ്പു നല്‍കി.

ന്യൂഡല്‍ഹി: പ്രതിഷേധങ്ങള്‍ക്കിടെ പൗരത്വ ബില്‍ ലോകസഭയില്‍ പാസാക്കി. അഫ്ഗാനിസ്ഥാന്‍, ബംഗ്ലാദേശ്, പാക്കിസ്ഥാന്‍ എന്നിവടങ്ങളില്‍ നിന്നും കുടിയേറിയവര്‍ക്ക് ഇന്ത്യന്‍ പൗരത്വം നല്‍കാനാണ് നിയമത്തില്‍ ഭേദഗതി വരുത്തുന്നത്.

ബില്ലുമായി ബന്ധപ്പെട്ട അഭിപ്രായ ഭിന്നതയെ തുടര്‍ന്ന് എജിപി ഇന്നലെ ബിജെപിയ്ക്ക് പിന്തുണ നല്‍കുന്നത് പിന്‍വലിച്ചിരുന്നു. അതേസമയം, ബില്‍ അസമിന് മാത്രമല്ലെന്നും അസമിന്റെ ഭാരം ഇന്ത്യയുടെ ഭാരമാണെന്നും കേന്ദ്രമന്ത്രി രാജ്‌നാഥ് സിങ് പറഞ്ഞു.

”പൗരത്വ ബില്‍ അസമിന് മാത്രമുള്ളതല്ല. പടിഞ്ഞാറന്‍ അതിര്‍ത്തി കടന്നു വരുന്ന അഭയാര്‍ത്ഥികള്‍ക്ക് കൂടി വേണ്ടിയുള്ളതാണ്. കുറേ നാളുകളായി അസം അനധികൃത കുടിയേറ്റത്തെ നേരിടുകയാണ്. അസമിന്റെ ഭാരം ഇന്ത്യയുടെ ഭാരമാണ്” രാജ്‌നാഥ് സിങ് പറഞ്ഞു.

രാജ്‌നാഥ് സിങിന്റെ പ്രസംഗത്തിനിടെ കോണ്‍ഗ്രസ് ലോകസഭയില്‍ നിന്നും ഇറങ്ങിപ്പോയി. ബില്‍ സെലക്ട് കമ്മിറ്റിക്ക് വിടണമെന്നായിരുന്നു കോണ്‍ഗ്രസിന്റെ ആവശ്യം. ബില്‍ കാരണം നോര്‍ത്ത് ഈസ്റ്റ് മേഖല കത്തുമെന്ന് തൃണമൂല്‍ കോണ്‍ഗ്രസ് മുന്നറിയിപ്പു നല്‍കി.

”പൗരത്വ ബില്‍ അസമിനേയും നോര്‍ത്ത് ഈസ്റ്റിനേയും കത്തിക്കും. അഭയാര്‍ത്ഥികളോട് വിയോജിപ്പില്ല. പക്ഷെ ബില്ലിനെ സെക്കുലര്‍ ആക്കണം. എന്തിനാണ് ആറ് മതങ്ങളെ മാത്രം ബില്ലില്‍ പറയുന്നത്. മൂന്ന് രാജ്യങ്ങളെ മാത്രം തിരഞ്ഞെടുക്കരുത്” തൃണമൂല്‍ എംപി സൗഗന്ദ റായ് പറഞ്ഞു.

അഫ്ഗാനിസ്ഥാന്‍, ബംഗ്ലാദേശ്, പാകിസ്ഥാന്‍ എന്നീ രാജ്യങ്ങളില്‍ നിന്നും കുടിയേറിയ ന്യൂനപക്ഷങ്ങള്‍, ഹിന്ദുക്കള്‍, സിക്ക്, ബുദ്ധമതം, ജൈനന്‍മാര്‍, പാഴ്‌സികള്‍, ക്രിസ്ത്യാനികള്‍ എന്നിവര്‍ക്ക് പൗരത്വം നല്‍കുക എന്ന ലക്ഷ്യത്തോടെയാണ് 1985ലെ പൗരത്വ നിയമത്തെ ഭേദഗതി ചെയ്യാന്‍ തീരുമാനമായത്. അസം ഉടമ്പടിക്ക് ബില്‍ വിരുദ്ധമാണെന്ന വാദവുമായി അസം സ്വദേശികള്‍ ഇന്നലെ നഗ്‌ന പ്രതിഷേധം നടത്തിയിരുന്നു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Citizenship bill passed in lok sabah amid opposition protests

Next Story
‘തിരഞ്ഞെടുപ്പ് തന്ത്രം’; സാമ്പത്തിക സംവരണത്തിനെതിരെ സിപിഎം പോളിറ്റ് ബ്യൂറോ
The moderation of comments is automated and not cleared manually by malayalam.indianexpress.com