scorecardresearch

തേജസ്വി സഹോദരനെപ്പോലെ; സഖ്യത്തെക്കുറിച്ച് പിന്നീട് തീരുമാനിക്കുമെന്ന് ചിരാഗ് പാസ്വാൻ

ലോക് ജനശക്തി പാർട്ടിയും രാഷ്ട്രീയ ജനതാദളുമായി (ആർ‌ജെഡി) സഖ്യമുണ്ടാക്കാൻ ചിരാഗ് പാസ്വാനെ തേജസ്വി യാദവ് ക്ഷണിച്ചിരുന്നു

Chirag Paswan, ljp, Chirag Paswan on Tejashwi Yadav, ljp rjd alliance, ljp bjp alliance, indian express, ആർജെഡി, എൽജെപി, ചിരാഗ് പാസ്വാൻ, തേജസ്വി യാദവ്, ie malayalam

ന്യഡൽഹി: ആർ‌ജെ‌ഡി നേതാവ് തേജസ്വി യാദവ് തന്റെ അനുജനെപ്പോലെയാണെന്നും ആർ‌ജെഡി-എൽജെപി സഖ്യസാധ്യത സംബന്ധിച്ച് സംസ്ഥാനത്ത് തിരഞ്ഞെടുപ്പ് അടുത്ത സമയത്ത് തീരുമാനമെടുക്കുമെന്നും എൽജെപി നേതാവ് ചിരാഗ് പാസ്വാൻ.

ലോക് ജനശക്തി പാർട്ടിയും (എൽജെപി) രാഷ്ട്രീയ ജനതാദളുമായി (ആർ‌ജെഡി) സഖ്യമുണ്ടാക്കാൻ ചിരാഗ് പാസ്വാനെ തേജസ്വി യാദവ് ക്ഷണിച്ചിരുന്നു.

“എന്റെ പിതാവ് രാം വിലാസ് പാസ്വാനും തേജസ്വിയുടെ പിതാവ് ലാലു ജിയും എപ്പോഴും ഉറ്റസുഹൃത്തുക്കളായിരുന്നു. ആർ‌ജെ‌ഡി നേതാവ് തേജസ്വി യാദവിനും എനിക്കും കുട്ടിക്കാലം മുതൽ പരസ്പരം അറിയാം. ഞങ്ങൾ ഉറ്റ ചങ്ങാതിമാരാണ്. അവൻ എന്റെ അനുജനാണ്. ബീഹാറിൽ തിരഞ്ഞെടുപ്പ് സമയം വരുമ്പോൾ പാർട്ടി സഖ്യത്തെക്കുറിച്ച് അന്തിമ ആഹ്വാനം നടത്തും,” ജാമുയിയിൽ നിന്നുള്ള എംപിയായ ചിരാഗ് പറഞ്ഞു.

Read More: ബിജെപി സർക്കാർ കേന്ദ്ര ഏജൻസികളെ ദുരുപയോഗം ചെയ്യുന്നു: അവർക്കെതിരെ പോരാടുമെന്ന് എൻസിപി

ബിജെപിയുടെ കൂടെ നിന്നത് ബിഹാർ മുഖ്യമന്ത്രി നിതീഷ് കുമാറല്ലെന്നും എൽജെപി നേതാവ് പറഞ്ഞു. 2020 ലെ നിയമസഭാ തെരഞ്ഞെടുപ്പിൽ ബിജെപിയുടെ പിന്തുണയോടെയാണ് നിതീഷ് കുമാറിന്റെ പാർട്ടിയായ ജെഡിയു വിജയിച്ചത്.

“ഞാൻ ഓരോ ഘട്ടത്തിലും ബിജെപിക്കൊപ്പം നിന്നു, സി‌എ‌എ, എൻ‌ആർ‌സി എന്നിവയുൾ‌പ്പെടെ. എന്നിരുന്നാലും, നിതീഷ് ജി ഇതിനോട് വിയോജിച്ചു. വരും ദിവസങ്ങളിൽ എന്നെയോ നിതീഷ് കുമാറിനെയോ ആരെയാണ് പിന്തുണയ്ക്കേണ്ടതെന്ന് തീരുമാനിക്കേണ്ടത് ബിജെപിയാണ്,” ചിരാഗ് പാസ്വാൻ പറഞ്ഞു.

ബിജെപിയുമായുള്ള സഖ്യം ഒഴിവാക്കുമെന്ന് ചിരാഗ് പാസ്വാൻ ഇതിനകം വ്യക്തമായ സൂചനകൾ നൽകിയിരുന്നു. തനിക്ക് നഷ്ടപ്പെട്ട രാഷ്ട്രീയ മേൽക്കൈ വീണ്ടെടുക്കാൻ ജൂലൈ അഞ്ച് മുതൽ ബിഹാർ യാത്ര ആരംഭിക്കാനിരിക്കുകയാണ്.

Read More: ‘അക്കൗണ്ടിലേക്ക് ഒരു മണിക്കൂറോളം പ്രവേശനം നിഷേധിച്ചു’; ട്വിറ്ററിനെതിരെ രവിശങ്കര്‍ പ്രസാദ്

2010 ൽ എൽ‌ജെ‌പിക്ക് എം‌പിമാരും എം‌എൽ‌എമാരും ഇല്ലാതിരുന്നപ്പോൾ ലാലു പ്രസാദ് യാദവാണ് രാം വിലാസ് പാസ്വാനെ രാജ്യസഭയിലേക്ക് നാമനിർദ്ദേശം ചെയ്യാൻ സഹായിച്ചതെങ്ങനെയെന്ന് ഓർമ്മപ്പെടുത്തിയ തേജസ്വി ചിരാഗിനോട് തന്നോടൊപ്പം ചേരാൻ ബുധനാഴ്ച ആവശ്യപ്പെട്ടിരുന്നു. “ഗുരു ഗോൽവാൾക്കറുടെ ‘ചിന്തകളുടെ’ അനുയായികൾക്കൊപ്പമോ ഇന്ത്യയുടെ ഭരണഘടനാശിൽപിയായ ബി ആർ അംബേദ്കറുടെ അനുയായികൾക്കൊപ്പമോ തുടരേണ്ടതെന്നത് തീരുമാനിക്കേണ്ടത് ചിരാഗാണ്,” തേജസ്വി പറഞ്ഞു.

Stay updated with the latest news headlines and all the latest News news download Indian Express Malayalam App.

Web Title: Chirag paswan tejashwi yadav rjd lip bjp jdu alliance bihar