ചന്ദ്രയാന്‍-2 ഭൂമിയുടെ ഭ്രമണപഥം വിട്ടു; ചന്ദ്രനിലേക്ക് യാത്ര തുടങ്ങി

ഓഗസ്റ്റ് 20 നാണ് ചന്ദ്രയാന്‍-2 ചന്ദ്രന്റെ ഭ്രമണപഥത്തിലെത്തുക

ബെംഗളൂരു: ഇന്ത്യയുടെ ചന്ദ്രയാന്‍-2 പേടകം ഭൂമിയുടെ ഭ്രമണപഥം വിട്ടു. പേടകം ചന്ദ്രനിലേക്ക് യാത്ര തുടങ്ങി. ഭൂമിയുടെ ഭ്രമണപഥത്തില്‍ നിന്ന് മാറി ചന്ദ്രനിലേക്കുള്ള യാത്ര വിജയകരമായി എന്ന് ഐഎസ്ആര്‍ഒ അറിയിച്ചു. പുലര്‍ച്ചെ 2.21 നാണ് ഭ്രമണപഥമുയര്‍ത്തല്‍ നടന്നത്. ഇന്ത്യയുടെ രണ്ടാം ചാന്ദ്രദൗത്യമാണ് ചന്ദ്രയാന്‍-2. ഓഗസ്റ്റ് 20 നാണ് ചന്ദ്രയാന്‍-2 ചന്ദ്രന്റെ ഭ്രമണപഥത്തിലെത്തുക. സെപ്റ്റംബര്‍ ഏഴിന് ലൂണാര്‍ സര്‍ഫേസില്‍ ലാന്‍ഡ് ചെയ്യും

‘ട്രാന്‍സ് ലൂണാര്‍ ഇന്‍ജക്ഷന്‍’ എന്ന കൃത്യം വിജയിക്കുന്നതോടെ ഭൂമിയെ ചുറ്റിയുള്ള പേടകത്തിന്റെ 23 ദിവസത്തെ യാത്ര അവസാനിക്കും. ഇതോടെ ദൗത്യപേടകം ചന്ദ്രന്റെ സ്വാധീനവലയത്തിലാവും. തുടര്‍ന്ന് ചന്ദ്രയാന്‍-2-ലെ യന്ത്രം ജ്വലിപ്പിച്ച് ആറുദിവസംകൊണ്ട് ചന്ദ്രന്റെ ഏറ്റവും അകലെയുള്ള ഭ്രമണപഥത്തിലെത്തിക്കും. തുടര്‍ന്ന് പേടകത്തെ ഘട്ടംഘട്ടമായി ചന്ദ്രനില്‍നിന്ന് 100 കിലോമീറ്റര്‍ അകലെയെത്തിക്കുകയാണ് ചെയ്യുക.

Read Also: ചന്ദ്രയാൻ-2 ഭ്രമണപഥത്തിൽ, വിക്ഷേപണം വിജയകരമെന്ന് ഐഎസ്ആർഒ

ജൂലൈ 25 ഉച്ചയ്ക്ക് 2.43 ന് സതീഷ് ധവാൻ സ്പേസ് സെന്ററിലെ രണ്ടാം വിക്ഷേപണത്തറയിൽ നിന്നാണ് ജിഎസ്എൽവി മാർക്ക് 3 റോക്കറ്റ് ചന്ദ്രയാൻ പേടകവുമായി കുതിച്ചുയർന്നത്. ഇന്നലെ വിക്ഷേപണത്തിന്റെ കൗണ്ട്ഡൗണ്‍ ആരംഭിച്ചിരുന്നു. ജൂലൈ 15 തിങ്കൾ നടക്കേണ്ടിയിരുന്ന വിക്ഷേപണം സാങ്കേതിക തകരാറുകൾ മൂലം മാറ്റിവയ്ക്കുകയായിരുന്നു.​

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Chandrayaan 2 leaves earths orbit moves to moon

Next Story
തികച്ചും ഭരണഘടന വിരുദ്ധം: 370-ാം വകുപ്പ് റദ്ദാക്കിയതിനെതിരെ ആഞ്ഞടിച്ച് പ്രിയങ്ക ഗാന്ധിLok Sabha Election 2019, ലോക്സഭാ തിരഞ്ഞെടുപ്പ് 2019 Priyanka Gandhi's audio clip,പ്രിയങ്ക ഗാന്ധിയുടെ ഓഡിയോ സന്ദേശം Congress workers കോണ്‍ഗ്രസ് പ്രവര്‍ത്തകര്‍ BJP, ബിജെപി Exit Poll, എക്സിറ്റ് പോള്‍ ഫലങ്ങള്‍, ie malayalam, ഐഇ മലയാളം
The moderation of comments is automated and not cleared manually by malayalam.indianexpress.com