scorecardresearch

കോവിഡ് ബാധിച്ച് മരിച്ചവരുടെ കുടുംബത്തിന് നഷ്ടപരിഹാരം നല്‍കാനാകില്ല; കേന്ദ്രം സുപ്രീം കോടതിയില്‍

സംസ്ഥാനങ്ങള്‍ വലിയ തോതില്‍ സാമ്പത്തിക പ്രതിസന്ധിയിലാണെന്ന് കേന്ദ്രം

കോവിഡ് ബാധിച്ച് മരിച്ചവരുടെ കുടുംബത്തിന് നഷ്ടപരിഹാരം നല്‍കാനാകില്ല; കേന്ദ്രം സുപ്രീം കോടതിയില്‍

ന്യൂഡല്‍ഹി: കോവിഡ് ബാധിച്ച് മരണപ്പെട്ടവരുടെ കുടുംബങ്ങള്‍ക്ക് നല് ലക്ഷം രൂപ വച്ച് കൊടുക്കാനാകില്ലെന്ന് കേന്ദ്ര സര്‍ക്കാര്‍ സുപ്രീം കോടതിയില്‍. ദുരന്ത നിവാരണ ഫണ്ട് മുഴുവനായി വിനിയോഗിക്കേണ്ടി വരുമെന്നും നിലവിലെ സാഹചര്യത്തില്‍ അത് സാധ്യമല്ലെന്നും കേന്ദ്രം കോടതിയില്‍ വ്യക്തമാക്കി. കോവിഡ് പ്രതിരോധ പ്രവര്‍ത്തനങ്ങളെ അത് പ്രതികൂലമായി ബാധിക്കുമെന്നും കേന്ദ്രം കൂട്ടിച്ചേര്‍ത്തു.

കോവിഡ് മൂലവും, ബ്ലാക്ക് ഫംഗസ് മൂലവും മരണപ്പെട്ടവരുടെ കുടുംബങ്ങള്‍ക്ക് നഷ്ടപരിഹാരം നല്‍കാന്‍ സംസ്ഥാനങ്ങള്‍ക്കും കേന്ദ്രത്തിനും നിര്‍ദേശം നല്‍കണമെന്ന് ആവശ്യപ്പെട്ട് സമര്‍പ്പിച്ച ഹര്‍ജിയിലാണ് കേന്ദ്രം നിലപാട് വ്യക്തമാക്കിയത്. അഡ്വക്കേറ്റ് ഗൗരവ് കുമാര്‍ ബന്‍സാല്‍, രീപക് കന്‍സാല്‍ എന്നിവരാണ് 2005 ദുരന്തനിവാരണ ആക്ടിലെ സെക്ഷന്‍ 12 ചൂണ്ടിക്കാണിച്ച് ഹര്‍ജി സമര്‍പ്പിച്ചത്.

നിലവിലെ സാമ്പത്തിക സ്ഥിതിയനുസരിച്ച് നാല് ലക്ഷം നല്‍കാനുള്ള കെല്‍പ്പ് സംസ്ഥാനങ്ങള്‍ക്കില്ല. സംസ്ഥാനങ്ങളും കേന്ദ്രവും വലിയ തോതില്‍ സാമ്പത്തിക പ്രതിസന്ധി നേരിടുകയാണ്. നികുതി വരുമാനം കുറഞ്ഞതും മഹാമാരി മൂലം ആരോഗ്യ രംഗത്ത് വലിയ രീതിയില്‍ പണം ചിലവഴിക്കേണ്ട സാഹചര്യവുമുണ്ടെന്നും കേന്ദ്രം വ്യക്തമാക്കി.

Also Read: ഉത്പാദനം വര്‍ധിച്ചു; ജൂലൈയില്‍ 13.5 കോടി വാക്സിന്‍ ഡോസ് ലഭ്യമാകും

Stay updated with the latest news headlines and all the latest News news download Indian Express Malayalam App.

Web Title: Centre on rs four lakh compensation plea for covid victims

Best of Express