Latest News

ജസ്നയുടേതെന്ന് കരുതുന്ന സിസിടിവി ദൃശ്യങ്ങള്‍ പൊലീസിന് ലഭിച്ചു

മുണ്ടക്കയത്തെ ഒരു വസ്ത്രസ്ഥാപനത്തിലെത്തിയ ദൃശ്യങ്ങളാണ് ലഭിച്ചത്

തിരുവനന്തപുരം: പത്തനംതിട്ട എരുമേലിയിൽ നിന്നും കാണാതായ ജസ്നയുടേതെന്ന് സംശയിക്കുന്ന സിസിടിവി ദൃശ്യങ്ങൾ പുറത്തായി. മുണ്ടക്കയത്തെ ഒരു വസ്ത്രസ്ഥാപനത്തിലെത്തിയ ദൃശ്യങ്ങളാണ് ലഭിച്ചത്. സ്ഥാപനത്തിലേക്ക് കയറുന്നതും റോഡിലൂടെ പോകുന്നതുമായ ദൃശ്യങ്ങളാണ് ലഭിച്ചത്. കഴിഞ്ഞയാഴ്‌ചയാണ് ദൃശ്യങ്ങള്‍ ലഭിച്ചത്.

ഇക്കാര്യത്തിൽ സൈബർ വിദഗ്‌ധരുടെ സഹായത്തോടെ കൂടുതൽ അന്വേഷണം നടത്താനാണ് പൊലീസ് ഉദ്ദേശിക്കുന്നത്. ദൃശ്യങ്ങളിൽ കാണുന്നത് ജസ്നയാണെന്ന് ചില സുഹൃത്തുക്കൾ സംശയം പ്രകടിപ്പിച്ചിട്ടുണ്ട്. മാര്‍ച്ച് 22ലെ ദൃശ്യങ്ങളാണ് ലഭിച്ചത്. ജസ്ന വീട്ടില്‍ നിന്ന് പോവുമ്പോഴുളള വസ്ത്രമല്ല പെണ്‍കുട്ടി ധരിച്ചതെങ്കിലും ജസ്നയോട് സാമ്യമുളള പെണ്‍കുട്ടിയാണ് ദൃശ്യങ്ങളിലുളളത്.

ഇതിന്റെ അടിസ്ഥാനത്തിൽ ദൃശ്യങ്ങളിൽ കാണുന്ന മുഴുവൻ പേരെയും വിളിച്ചുവരുത്തി മൊഴിയെടുക്കാനാണ് പൊലീസ് ഉദ്ദേശിക്കുന്നത്. എന്നാൽ ദൃശ്യങ്ങളിലുള്ളത് ജസ്നയാണോയെന്ന് ഉറപ്പിക്കാൻ കുടുംബത്തിന് കഴിഞ്ഞിട്ടില്ല. തലയില്‍ ഷാള്‍ ഇട്ടതും മുകളില്‍ നിന്നുളള ദൃശ്യവും ആയത് കൊണ്ട് ഇതുവരെയും സ്ഥിരീകരണം ആയിട്ടില്ല.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Cctv visuals believed to be of missing student jesnas found

Next Story
കാണ്ടാമൃഗ വേട്ടക്കാര്‍ കയറി ചെന്നത് സിംഹത്തിന്റെ മടയില്‍; മൂന്ന് പേരെ സിംഹങ്ങള്‍ ഭക്ഷിച്ചു
The moderation of comments is automated and not cleared manually by malayalam.indianexpress.com