scorecardresearch

സിവിൽ സർവ്വീസ് പ്രായപരിധി വെട്ടിച്ചുരുക്കാൻ നീതി ആയോഗ് നിർദ്ദേശം

സിവിൽ സർവ്വീസിലേക്ക് ലാറ്ററൽ എൻട്രിക്കും ശുപാർശ

സിവിൽ സർവ്വീസ് പ്രായപരിധി വെട്ടിച്ചുരുക്കാൻ നീതി ആയോഗ് നിർദ്ദേശം
niti Ayog, Civil Service, Civil service exam, NITI Ayog, നീതി ആയോഗ്, സിവിൽ സർവ്വീസ് പരീക്ഷ, സിവിൽ സർവ്വീസ് പ്രായപരിധി

ന്യൂഡൽഹി: കേന്ദ്രസർക്കാരിന്റെ ഭരണ നയങ്ങളുടെ ആസൂത്രകരായ നീതി ആയോഗ് സിവിൽ സർവ്വീസ് പരീക്ഷയെഴുതാനുളള ഉയർന്ന പ്രായപരിധി വെട്ടിച്ചുരുക്കാൻ നിർദ്ദേശിച്ചു. നിലവിൽ 32 എന്ന പ്രായം 27 ആക്കി കുറയ്ക്കണം എന്നാണ് നീതി ആയോഗ് നിർദ്ദേശിച്ചിരിക്കുന്നത്.

ജനറൽ കാറ്റഗറിയിലാണ് ഈ മാറ്റത്തിന് നിർദ്ദേശിച്ചിരിക്കുന്നത്. 2022-23 കാലയളവിനുളളിൽ ഈ തീരുമാനം നടപ്പിലാക്കണം എന്നാണ് അറിയിച്ചിരിക്കുന്നത്. ഇപ്പോഴത്തെ സിവിൽ സർവ്വീസ് വിഭാഗങ്ങളുടെ എണ്ണം കുറയ്ക്കുക, വ്യക്തികളെ അവരുടെ മികവനുസരിച്ച് വിവിധ ജോലികൾക്ക് പരിഗണിക്കുക, എല്ലാ വിഭാഗത്തിലേക്കുമായി ഇന്റഗ്രേറ്റഡ് പരീക്ഷ നടത്തുക തുടങ്ങി നിർദ്ദേശങ്ങൾ പലതാണ്.

കേന്ദ്ര-സംസ്ഥാന സർക്കാരുകൾക്ക് കീഴിൽ 60 ഓളം സിവിൽ സർവ്വീസുകളാണ് ഇപ്പോഴുളളത്. ഇപ്പോഴത്തെ സിവിൽ സർവ്വീസ് ഉദ്യോഗാർത്ഥികളുടെ ശരാശരി പ്രായം 25 വയസും ആറ് മാസവുമാണ്. ഇതിന് പുറമെ ഇന്ത്യയിലെ നിലവിലെ ജനസംഖ്യയുടെ മൂന്നിലൊന്ന് 35 വയസിൽ താഴെയുളളവരാണ് എന്നതും നീതി ആയോഗിന്റെ ഈ തീരുമാനത്തിന് പിന്നിലുണ്ടെന്നാണ് സൂചന.

വിവിധ സർക്കാർ മേഖലകളിലേക്ക് സ്വകാര്യ മേഖലയിൽ മികച്ച പ്രവർത്തന പരിചയമുളളവരുടെ ലാറ്ററൽ എൻട്രിക്കും അവസരം ഒരുക്കാനും നിർദ്ദേശിച്ചിട്ടുണ്ട്.

Stay updated with the latest news headlines and all the latest News news download Indian Express Malayalam App.

Web Title: Cap civil services entry age at 27 years niti aayog