Latest News
തെക്കന്‍ ജില്ലകളില്‍ ശക്തമായ മഴയ്ക്ക് സാധ്യത; ദുരന്ത നിവാരണ സേനയുടെ ഒന്‍പത് സംഘങ്ങള്‍ എത്തി
ഓക്സിജന്റെ അളവ് കുറഞ്ഞു; ഗോവയില്‍ 15 കോവിഡ് രോഗികള്‍ക്ക് ദാരുണാന്ത്യം
വാക്സിന്‍ സ്വീകരിച്ചവര്‍ മാസ്ക് ധരിക്കേണ്ട, നിര്‍ണായക തീരുമാനവുമായി അമേരിക്ക

മനുഷ്യ മുഖവുമായി യുപിയില്‍ പശു പിറന്നു: വിഷ്ണുവിന്റെ അവതാരമെന്ന് നാട്ടുകാര്‍; സ്ഥലത്ത് ക്ഷേത്രം പണിയുമെന്ന് റിപ്പോര്‍ട്ട്

പശുക്കുട്ടി ചത്തുപോയെങ്കിലും ചില്ലിട്ട് വെച്ച് വിശ്വാസികള്‍ക്ക് ആരാധിക്കാനുള്ള അവസരമൊരുക്കിയിരിക്കുകയാണ് മുസാഫര്‍നഗറിലെ പച്ചെണ്ടയില്‍

ലക്നൗ: ഉത്തര്‍പ്രദേശില്‍ മനുഷ്യന് സമാനമായ മുഖവുമായി ജനിച്ച പശുക്കുട്ടി വിഷ്ണു ഭഗവാന്റെ അവതാരമാണെന്ന് വിശ്വാസികള്‍. മനുഷ്യന്റേതിന് സമാനമായ വായയും കണ്ണുകളും ചെവികളുമായി ജനിച്ച പശുക്കുട്ടി ചത്തുപോയെങ്കിലും ചില്ലിട്ട് വെച്ച് വിശ്വാസികള്‍ക്ക് ആരാധിക്കാനുള്ള അവസരമൊരുക്കിയിരിക്കുകയാണ് മുസാഫര്‍നഗറിലെ പച്ചെണ്ടയില്‍. വിഷ്ണു ഭഗവാന്റെ അവതാരമായ ഗോകരനാണ് ജന്മമെടുത്തതെന്നാണ് വിശ്വാസികളുടെ പക്ഷം.

കഴുത്തിന് ചുറ്റും പൂക്കള്‍ കൊണ്ട് അലങ്കരിച്ച് ഒരു ചില്ല് പെട്ടിക്കകത്താണ് പശുവിനെ സൂക്ഷിച്ചിരിക്കുന്നത്. വരുന്നവര്‍ വരുന്നവര്‍ പണവും മറ്റ് വിലകൂടിയ വസ്തുക്കളും സംഭാവനയായി നല്‍കുന്നുമുണ്ട്.
പശുവിനെ അടക്കം ചെയ്തതിന് ശേഷം ആ സ്ഥലത്ത് ഒരു അമ്പലം പണിയാനും നാട്ടുകാര്‍ പദ്ധതിയിടുന്നതായി ഇന്ത്യ ടുഡെ റിപ്പോര്‍ട്ട് ചെയ്യുന്നു.

എന്നാല്‍ ജനന വൈകല്യം മാത്രമാണ് ഇതെന്ന് മൃഗഡോക്ടര്‍മാര്‍ വ്യക്തമാക്കിയെങ്കിലും വിശ്വാസികള്‍ വിട്ടുകൊടുത്തില്ല. ദൈവം ഒരു പശുവിന്റ ശരീരത്തിലൂടെ പിറവി എടുത്ത് അവതരിച്ചുവെന്നാണ് പ്രദേശവാസിയായ മഹേഷ് കത്തൂരിയ പറയുന്നത്. ഭഗവത പുരാണത്തില്‍ പറഞ്ഞ അവതാരമാണിതെന്നും അനുഗ്രഹം തേടിയാണ് താന്‍ വന്നതെന്നും അദ്ദേഹം പറയുന്നു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Calf born with human face hailed as incarnation of lord vishnu

Next Story
മധ്യപ്രദേശില്‍ കര്‍ഷക പ്രക്ഷോഭത്തിനിടെ വെടിവെപ്പ്; രണ്ട് പേര്‍ കൊല്ലപ്പെട്ടു, നാല് പേര്‍ക്ക് പരുക്ക്
The moderation of comments is automated and not cleared manually by malayalam.indianexpress.com