Latest News

മികച്ച സ്‌കൂളിൽ ഫീസിളവോടെ മകന് പഠിക്കാൻ രേഖകൾ തിരുത്തി; ബിസിനസുകാരൻ പിടിയിൽ

ഉയർന്ന പഠന നിലവാരമുളള സ്‌കൂളിൽ ഫീസിളവോടെ മക്കളെ പഠിപ്പിക്കാനാണ് വ്യാജരേഖ ചമച്ചത്

ന്യൂഡൽഹി: രാജ്യതലസ്ഥാനത്തെ പ്രധാനപ്പെട്ട സ്കൂളുകളിലൊന്നിൽ നാല് വർഷം മുൻപ് മകന് അഡ്‌മിഷൻ ശരിയാക്കാൻ വ്യാജ വരുമാന സർട്ടിഫിക്കറ്റ് സംഘടിപ്പിച്ച ബിസിനസുകാരൻ പിടിയിലായി. ചാണക്യപുരി സംസ്‌കൃത സ്‌കൂളിന്റെ പരാതിയിലാണ് പൊലീസ് നടപടി.

ഗൗരവ് ഗോയൽ എന്നയാളാണ് മകന് ഫീസിളവിന് വേണ്ടി തന്റെ വീട് ചേരിപ്രദേശത്താണെന്ന വ്യാജ സർട്ടിഫിക്കറ്റ് ഹാജരാക്കിയത്. ഇതിന് പുറമേ വ്യാജ വരുമാന സർട്ടിഫിക്കറ്റും വരുമാന നികുതി രേഖകളും ഹാജരാക്കിയിരുന്നു. ഡൽഹിയിൽ 200 സ്കൂളുകളിലായി ആയിരത്തോളം വിദ്യാർത്ഥികൾ ഇത്തരത്തിൽ പ്രവേശനം നേടിയതായാണ് റിപ്പോർട്ട്.

ഒരു എംആർഐ സെന്ററിലാണ് തനിക്ക് ജോലിയെന്നും പ്രതിവർഷം 67000 രൂപ മാത്രമാണ് വരുമാനം എന്നുമാണ് ഇയാൾ സ്‌കൂൾ അധികൃതരെ അറിയിച്ചത്. തുടക്കത്തിൽ തന്നെ സ്‌കൂൾ അധികൃതർക്ക് ഇക്കാര്യത്തിൽ സംശയമുണ്ടായിരുന്നതായാണ് എഎൻഐ റിപ്പോർട്ട് ചെയ്തിരിക്കുന്നത്.

പിന്നീട് തന്റെ രണ്ടാമത്തെ മകനെ ഇതേ കാറ്റഗറിയിൽ പ്രവേശിപ്പിക്കാൻ ശ്രമിച്ചതോടെയാണ് ഇയാളെ സ്കൂൾ അധികൃതർ പിടികൂടിയത്. ഇവരുടെ ചോദ്യങ്ങൾക്ക് മറുപടി പറഞ്ഞ ഗോയൽ തന്റെ സാമ്പത്തിക നിലവാരം മെച്ചപ്പെട്ടുവെന്നും മൂത്ത മകനെ ജനറൽ കാറ്റഗറിയിലേക്ക് മാറ്റിക്കൊളളൂവെന്നും പറഞ്ഞു. പുതിയ വീട്ടുവിലാസവും നൽകിയതോടെയാണ് പൊലീസ് പരാതിയുമായി സ്‌കൂൾ അധികൃതർ മുന്നോട്ട് പോയത്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Businessman fakes poverty to get son admitted to delhi school under ews quota arrested

Next Story
ഏഴു വയസുകാരിയെ പീഡിപ്പിച്ചയാളെ കെട്ടിയിട്ട് കല്ലെറിഞ്ഞ് കൊന്നു
The moderation of comments is automated and not cleared manually by malayalam.indianexpress.com
Best of Express