ബജറ്റ് മാറ്റി വയ്‌ക്കില്ല; അരുണ്‍ ജയ്റ്റ്‌ലി പാര്‍ലമെന്റിലേക്ക് പുറപ്പെട്ടു

ന്യുഡല്‍ഹി: ഇ.അഹമ്മദ് എംപിയുടെ നിര്യാണത്തെ തുടർന്ന് ബജറ്റ് അവതരിപ്പിക്കുന്നത് നാളത്തേക്ക് മാറ്റിയേക്കുമെന്ന ഊഹാപോഹങ്ങളെ തള്ളി ധനമന്ത്രി അരുണ്‍ ജയ്റ്റ്‌ലി പാര്‍ലമെന്റിലേക്ക് പുറപ്പെട്ടു. ബജറ്റ് അവതരിപ്പിക്കുന്നത് മാറ്റി വയ്ക്കണമെന്ന് ലോക്‌സഭാ സെക്രട്ടേറിയറ്റും പ്രതിപക്ഷ പാർട്ടികളും ആവശ്യപ്പെട്ടിട്ടുണ്ടെങ്കിലും ധനമന്ത്രി ഇതിനോട് അനുകൂല നിലപാട് എടുത്തില്ല.

ലോക്‌സഭയുടെ പ്രവർത്തനരീതിയും പാരമ്പര്യവുമനുസരിച്ച് സമ്മേളനകാലയളവിൽ സിറ്റിങ് അംഗം മരിച്ചാൽ സഭ ചേർന്ന് അതിൽ അനുശോചനം രേഖപ്പെടുത്തി പിരിയുകയാണ് പതിവെന്ന് പ്രതിപക്ഷം വ്യക്തമാക്കി. എന്നാല്‍ പാര്‍ലമെന്റില്‍ ചരിത്രത്തില്‍ ബജറ്റ് അവതരണം മാറ്റിവച്ച ചരിത്രമില്ലെന്ന് അരുണ്‍ ജയ്റ്റ്‌ലി പറഞ്ഞു. ബജറ്റ് അവതരണം മാറ്റി വയ്ക്കാന്‍ തയ്യാറായില്ലെങ്കിൽ ബജറ്റ് ബഹിഷ്കരിക്കുമെന്ന് പ്രതിപക്ഷം വ്യക്തമാക്കിയിട്ടുണ്ട്.