ല​ണ്ട​ൻ: ബ്രി​ട്ടീ​ഷ് പ്ര​ധാ​ന​മ​ന്ത്രി തെ​രേ​സ മേ ​കൊ​ണ്ടു​വ​ന്ന ബ്രെ​ക്സി​റ്റ് ധാ​ര​ണ വോ​ട്ടി​നി​ട്ട് ത​ള്ളി. 286നെ​തി​രെ 344 വോ​ട്ടു​ക​ൾ​ക്കാ​ണ് ബ്രെ​ക്സി​റ്റ് ധാ​ര​ണ ത​ള്ളി​യ​ത്. ബ്രെ​ക്സി​റ്റി​ലെ പി​ൻ​വാ​ങ്ങ​ൽ ക​രാ​ർ മാ​ത്ര​മാ​ണ് വോ​ട്ടി​നി​ട്ട​തെ​ന്നാ​ണു സൂ​ച​ന. ര​ണ്ടാം ഭാ​ഗ​മാ​യ രാ​ഷ്‌​ട്രീ​യ ക​രാ​റി​ന്മേ​ൽ വോ​ട്ടിം​ഗു​ണ്ടാ​യി​ല്ലെ​ന്നാ​ണ് വി​വ​രം. ഇ​ത് മൂ​ന്നാം ത​വ​ണ​യാ​ണ് ബ്രി​ട്ടീ​ഷ് പാ​ർ​ല​മെ​ന്‍റ് ബ്രെ​ക്സി​റ്റ് ക​രാ​റി​ന്മേ​ലു​ള്ള ധാ​ര​ണ​ക​ൾ വോ​ട്ടി​നി​ട്ട് ത​ള​ളു​ന്ന​ത്.

രണ്ട് തവണ പാർലമെന്റിൽ തഴയപ്പെട്ട തന്റെ ബ്രെക്സിറ്റ്‌ ഉടമ്പടി അംഗീകരിച്ചാൽ താൻ രാജി വെച്ച് ഒഴിയാമെന്നായിരുന്നു കഴിഞ്ഞ ദിവസം മേ പ്രഖ്യാപിച്ചത്. ബദൽ മാർഗങ്ങളായ ഹിത പരിശോധന, നോർവേ മാതൃകയിലുള്ള ഉടമ്പടി, കസ്റ്റം യൂണിയൻ, ഉടമ്പടി ഇല്ലാത്ത അവസ്ഥ മുതലായ നിർദ്ദേശങ്ങളൊക്കെ ചർച്ചയിൽ ഉയർന്നു വന്നിരുന്നെങ്കിലും ഈ നിർദേശങ്ങൾക്കൊന്നും തന്നെ മതിയായ ഭൂരിപക്ഷം ലഭിച്ചിരുന്നില്ല.

ബ്രെക്സിറ്റ്‌ ചർച്ചകളുടെ നിയന്ത്രണം സർക്കാരിൽ നിന്നും പാർലമെന്റ് ഏറ്റെടുക്കാനുള്ള പ്രമേയം തിങ്കളാഴ്ച്ചയാണ് പാർലമെന്റ് പാസ്സാക്കിയത്. പ്രമേയത്തിനായുള്ള അഭിപ്രായ വോട്ടെടുപ്പിന്റെ സമയത്ത് കൺസർവേറ്റിവ് പാർട്ടിയിലെ 30 എംപിമാർ സർക്കാരിനെതിരെ വോട്ട് ചെയ്തിരുന്നു. സർക്കാരിൽ നിന്ന് നിയന്ത്രണം അടിയന്തിരമായി പാർലമെന്റിലേക്ക് മാറ്റാനുള്ള തീരുമാനത്തിന് 302 ന് എതിരെ 329 വോട്ടുകളാണ് ലഭിച്ചത്.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook