ഇവൻ ഭാഗ്യവാൻ; മോദിയെയും ട്രംപിനെയും ഒറ്റഫ്രെയിമിലാക്കി കൊച്ചുമിടുക്കൻ

ട്രംപിനൊപ്പം സെൽഫിയെടുക്കണമെന്ന മോഹം ബാലൻ അറിയിച്ചു. സമ്മതം മൂളിയ ട്രംപ് ഒപ്പം നരേന്ദ്ര മോദിയെയും ക്ഷണിച്ചു

Written by WebDesk

September 23, 2019 16:16 IST

ഇവൻ ഭാഗ്യവാൻ; മോദിയെയും ട്രംപിനെയും ഒറ്റഫ്രെയിമിലാക്കി കൊച്ചുമിടുക്കൻ

ഇന്ത്യൻ പ്രധാനമന്ത്രി നരേന്ദ്ര മോദിക്കും യുഎസ് പ്രസിഡന്റ് ഡോണൾഡ് ട്രംപിനുമൊപ്പം കിടിലൻ സെൽഫിയെടുത്ത ബാലനാണ് സോഷ്യൽ മീഡിയയിലെ താരം. ഹൂസ്റ്റണിലെ ‘ഹൗഡി മോദി’ പരിപാടിയിൽ പങ്കെടുക്കാനെത്തിയപ്പോഴാണ് ഇരുരാജ്യങ്ങളിലെ തലവന്മാരെ ഈ കൊച്ചുമിടുക്കൻ ഒരൊറ്റ ഫ്രെയിമിൽ പകർത്തിയത്.

പരിപാടിയിൽ വൈവിധ്യമാർന്ന കലാ പ്രകടനങ്ങൾ അവതരിപ്പിച്ച യുവകലാകാരികളെ മോദിയും ട്രംപും അഭിനന്ദിച്ചശേഷം നടന്നുനീങ്ങി. ഈ സമയമാണ് ട്രംപിനൊപ്പം സെൽഫിയെടുക്കണമെന്ന മോഹം ബാലൻ അറിയിച്ചത്. സമ്മതം മൂളിയ ട്രംപ് ഒപ്പം നരേന്ദ്ര മോദിയെയും ക്ഷണിച്ചു. ബാലനൊപ്പം ചേർന്ന് ഇരുവരും സെൽഫിയെടുത്തു. ബാലനെ അഭിനന്ദിച്ചശേഷമാണ് ഇരുവരും മടങ്ങിയത്.

Memorable moments from #HowdyModi when PM @narendramodi and @POTUS interacted with a group of youngsters. pic.twitter.com/8FFIqCDt41
— PMO India (@PMOIndia) September 23, 2019

സെൽഫിയെടുക്കുന്ന വീഡിയോ പ്രധാനമന്ത്രിയുടെ ഔദ്യോഗിക ട്വിറ്റർ പേജിൽ ഷെയർ ചെയ്തിട്ടുണ്ട്. 22 സെക്കൻഡ് ദൈർഘ്യമുളള വീഡിയോ രണ്ടു ലക്ഷത്തോളം പേരാണ് ഇതുവരെ കണ്ടത്.