Latest News

കാബൂളില്‍ ഇരട്ട ചാവേര്‍ ആക്രമണത്തിൽ 16 പേര്‍ കൊല്ലപ്പെട്ടു

കാബുൾ നഗരത്തില്‍ രണ്ടിടങ്ങളിലായാണ് ചാവേർ ആക്രമണം ഉണ്ടായത്.

ചിത്രം: എപി

കാബൂള്‍: അഫ്ഗാന്‍ തലസ്ഥാനമായ കാബൂളില്‍ ഇന്നലെ രാത്രി ഉണ്ടായ ഭീകരാക്രമണങ്ങളില്‍ 16 പേര്‍ കൊല്ലപ്പെട്ടു. അൻപതോളം പേര്‍ക്ക് പരിക്കേറ്റിട്ടുണ്ട്. കാബുൾ നഗരത്തില്‍ രണ്ടിടങ്ങളിലായാണ് ചാവേർ ആക്രമണം ഉണ്ടായത്. പശ്ചിമ കാബൂളിലെ പൊലീസ് ആസ്ഥാനത്തേക്ക് ചാവേര്‍ കാര്‍ ബോംബ് ഇടിച്ചു കയറ്റുകയായിരുന്നു. ഇതിന് മുൻപ് ഭീകരർ പൊലീസിനു നേരെ വെടിയുതിര്‍ക്കുകയും ചെയ്തു.

അഫ്ഗാന്‍ ഇന്റലിജന്‍സ് ഏജന്‍സി ഓഫിസിനു മുന്നിലാണ് മറ്റൊരു സ്‌ഫോടനം ഉണ്ടായത്. ഇവിടെ ചാവേറുകളില്‍ ഒരാള്‍ തനിയെ പൊട്ടിത്തെറിച്ചപ്പോള്‍ മറ്റൊരാളെ പൊലീസ് വെടിവെച്ചു വീഴ്ത്തുകയായിരുന്നു. മരിച്ചവരിൽ ഭൂരിഭാഗവും സാധാരക്കാരായ ജനങ്ങളാണ്.

ആക്രമണത്തിന്റെ ഉത്തരവാദിത്തം താലിബാന്‍ ഏറ്റെടുത്തിട്ടുണ്ട്. വിദേശ സൈനികരെ രാജ്യത്തുനിന്ന് പുറത്താക്കണമെന്ന് ആവശ്യപ്പെട്ടാണ് താലിബാന്‍ ആക്രമണം നടത്തുന്നത്. യുഎസിന്റെ പിന്തുണയോടെ അധികാരത്തിലേറിയ സര്‍ക്കാരിനെ പുറത്താക്കണമെന്നും അവര്‍ ആവശ്യപ്പെടുന്നു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Bombing afghanistan kabul taliban

Next Story
മാസത്തിൽ നാലിൽ കൂടുതൽ ഇടപാട് നടത്തിയാൽ 150 രൂപ ഈടാക്കാൻ സ്വകാര്യ ബാങ്കുകൾ
The moderation of comments is automated and not cleared manually by malayalam.indianexpress.com