ന്യൂഡൽഹി: ഇന്ത്യയുൾപ്പടെയുള്ള വിവിധ രാജ്യങ്ങളുമായി ബാങ്ക്​ അക്കൗണ്ട്​ സംബന്ധിച്ച വിവരങ്ങൾ കൈമാറാമെന്ന്​ സ്വിറ്റ്​സർലാൻഡ്​. സ്വിസ്​ ഫെഡറൽ കൗൺസിലാണ്​ ഇത്​ സംബന്ധിച്ച തീരുമാനമെടുത്തത്​. 2018ൽ ഇത്​ നടപ്പിലാക്കാനാണ്​ പദ്ധതി. 2019ൽ സ്വിറ്റസർലാൻഡിൽ അക്കൗണ്ടുള്ള ഇന്ത്യക്കാരുടെ വിവരങ്ങൾ ലഭിച്ച്​ തുടങ്ങും.

അക്കൗണ്ട്​ വിവരങ്ങൾ കൈമാറുന്നതിനുള്ള തിയതി സ്വിറ്റ്​സർലാൻഡ് ഇന്ത്യൻ സർക്കാറിനെ അറിയിക്കുമെന്നാണ്​ സൂചന. വിവരങ്ങൾ കൈമാറുന്നതിന്​ സ്വിസ്​ ഫെഡറൽ കൗൺസിലിൽ എതിർപ്പുകളൊന്നും ഉയർന്നില്ല. അതുകൊണ്ട്​ തന്നെ തീരുമാനം നടപ്പിലാക്കുന്നത്​ വൈകാതെ ഉണ്ടാകുമെന്നാണ് വിലയിരുത്തപ്പെടുന്നത്.

ഇന്ത്യക്കാർക്ക്​ കൂടുതൽ കള്ളപണ നിക്ഷേപമുള്ള രാജ്യങ്ങളിലൊന്നാണ് സ്വിറ്റസർലാൻഡ്. ഇവിട​ത്തെ അക്കൗണ്ട്​ വിവരങ്ങൾ ലഭ്യമാകുന്നത്​ കള്ളപണത്തിനെതിരായ പോരാട്ടങ്ങൾക്ക്​ കൂടുതൽ കരുത്ത്​ പകരുമെന്നാണ് പ്രതീക്ഷിക്കുന്നത്.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook