Latest News
സംസ്ഥാനത്ത് മേയ് എട്ടു മുതൽ 16 വരെ സമ്പൂർണ ലോക്ക്ഡൗൺ

ഉത്തർപ്രദേശിൽ ബിജെപി വിരുദ്ധ മുന്നണി രൂപീകരിച്ചേക്കും; സൂചനയുമായി ഭീം ആർമി

കഴിഞ്ഞ ദിവസം മായാവതിയുടെ നേതൃത്വത്തിലുള്ള ബിഎസ്പിയിലെ മുന്‍ നേതാക്കളുമായും ആസാദ് കൂടിക്കാഴ്ച നടത്തിയിരുന്നു

Bhim Army, ഭീം ആർമി, Chandrashekhar Azad, ചന്ദ്രശേഖർ ആസാദ്, Bhim Army political party, Bhim Army uttar pradesh elections, UP polls, Suheldev Bhartiya Samaj Party, Bhim Army-SBSP alliance, Om Prakash Rajbhar, iemalayalam, ഐഇ മലയാളം

ലഖ്‌നൗ: ഭീം ആർമി മേധാവി ചന്ദ്രശേഖർ ആസാദ് തിങ്കളാഴ്ച സുഹെൽദേവ് ഭാരതീയ സമാജ് പാർട്ടി (എസ്ബിഎസ്പി) പ്രസിഡന്റ് ഓം പ്രകാശ് രാജ്ഭറിനെ സന്ദർശിച്ചു. 2022 ലെ നിയമസഭാ തെരഞ്ഞെടുപ്പിന് മുന്നോടിയായി ഉത്തർപ്രദേശിൽ പുതിയ രാഷ്ട്രീയ മുന്നണി രൂപീകരിക്കുന്നതിനെക്കുറിച്ച് ആസാദ് സൂചന നൽകി.

“ഒരു സഖ്യത്തിനായി, എന്തും സംഭവിക്കാം, രാഷ്ട്രീയത്തിൽ എല്ലായെപ്പോഴും സാധ്യതകളുണ്ട് എന്ന് ഞാൻ പറയുന്നു… വരും ദിവസങ്ങളിൽ, ശക്തമായ സഖ്യത്തോടെ ബിജെപിയെ നേരിടാൻ ഞങ്ങൾ മുന്നോട്ട് വരും. ഞങ്ങൾക്ക് ആരുടെയെങ്കിലും സഹായം ആവശ്യമുണ്ടെങ്കിൽ അവരുടെ സഹായവും ഞങ്ങൾ സ്വീകരിക്കും.”കഴിഞ്ഞ വർഷം ലോക്സഭാ തെരഞ്ഞെടുപ്പിന് മുന്നോടിയായി ബിജെപിയുമായി ബന്ധം വിച്ഛേദിച്ച രാജ്ഭറിനെ സന്ദർശിച്ചതിന് ശേഷം ആസാദ് മാധ്യമപ്രവർത്തകരോട് പറഞ്ഞു.

Read More: കൊറോണ: അമേരിക്കയിൽ മരണം ആറായി, ആഗോള തലത്തിൽ മരണ സംഖ്യ 3,125

കഴിഞ്ഞ ദിവസം മായാവതിയുടെ നേതൃത്വത്തിലുള്ള ബിഎസ്പിയിലെ മുന്‍ നേതാക്കളുമായും ആസാദ് കൂടിക്കാഴ്ച നടത്തിയിരുന്നു. ആ ദിവസം തന്നെ മുന്‍ ബിഎസ്പി നേതാക്കളായ രാംലഖന്‍, ചൗരസ്യ, ഇസാരുള്‍ ഹഖ്, അശോക് ചൗധരി എന്നിവര്‍ ഭീം ആര്‍മിയില്‍ ചേര്‍ന്നു.

“ദലിതരുടെയും മുസ്‌ലിംകളുടെയും ഒബിസികളുടെയും രാഷ്ട്രീയത്തെ സംബന്ധിച്ചിടത്തോളം, ഇത്തരത്തിലുള്ള രാഷ്ട്രീയമാണ് കാൻഷി റാം ജി ഉപയോഗിച്ചിരുന്നത്. അത് മുന്നോട്ട് കൊണ്ടുപോകേണ്ടത് ഞങ്ങളുടെ ഉത്തരവാദിത്തമാണ്,” ബിഎസ്പി സ്ഥാപകൻ കാൻഷി റാമിനെക്കുറിച്ച് ആസാദ് പറഞ്ഞു.

പൂർവഞ്ചൽ മേഖലയിലെ ജനസംഖ്യയുടെ 17-18 ശതമാനം വരുന്ന രാജ്ഭർ സമുദായമാണ് എസ്ബിഎസ്പിയുടെ പ്രധാന വോട്ടർമാരുടെ എണ്ണം. ഗാസിപൂർ, മൗ, വാരണാസി, ബല്ലിയ, മഹാരാജ് ഗഞ്ച്, ശ്രാവസ്തി, അംബേദ്കർനഗർ, ബഹ്‌റൈച്ച്, ചന്ദൗലി തുടങ്ങിയ ജില്ലകളിൽ എസ്‌ബി‌എസ്‌പിക്ക് സ്വാധീനമുണ്ട്.

ആസാദ് രാജ്ഭറിന്റെ നേതൃത്വത്തിലുള്ള എട്ട് രാഷ്ട്രീയ പാർട്ടികളുടെ മുന്നണിയായ ഭഗിദാരി സങ്കൽപ് മോർച്ചയുടെ ഭാഗമാകുമെന്നും റിപ്പോർട്ടുകളുണ്ട്.
“ഭീം ആർമിയും മുന്നണിയുടെ ഭാഗമാകും, അടുത്ത ദിവസങ്ങളിൽ ഔദ്യോഗിക പ്രഖ്യാപനം നടത്തും. ഇപ്പോൾ നടന്ന കൂടിക്കാഴ്ചയിലും ഈ വിഷയം ചർച്ചയായിട്ടുണ്ട്,” എസ്.ബി.എസ്.പി ജനറൽ സെക്രട്ടറി അരവിന്ദ് രാജ്ബാർ പറഞ്ഞു.

സ്വന്തം രാഷ്ട്രീയ സംഘടനയെക്കുറിച്ചുള്ള പ്രഖ്യാപനം മാർച്ച് 15 ന് ലഖ്‌നൗവിൽ നടക്കുമെന്ന് ആസാദ് പറഞ്ഞു. മുൻ എംപി, എം‌എൽ‌എ, എം‌എൽ‌സി എന്നിവരുൾപ്പെടെ നിരവധി പ്രമുഖർ പങ്കെടുക്കും. തിരഞ്ഞെടുപ്പിൽ ഒരു പ്രമുഖ രാഷ്ട്രീയക്കാരനെതിരെ എനിക്ക് മത്സരിക്കാനുള്ള സാധ്യത എപ്പോഴും ഉണ്ട്, ”ആസാദ് കൂട്ടിച്ചേർത്തു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Bhim army chief hints at forming anti bjp front in up

Next Story
കൊറോണ: അമേരിക്കയിൽ മരണം ആറായി, ആഗോള തലത്തിൽ മരണ സംഖ്യ 3,125Corona Confirms in UAE,death toll, ദുബായിൽ കൊറോണ, coronavirus, കൊറോണ വൈറസ്, coronivurs death toll, കൊറോണ വൈറസ് മരണ സംഖ്യ, disneyland shut, coronavirus death toll china, coronavirus in india, coronavirus symptoms, coronavirus causes, World news, Indian Express, iemalayalam, ഐഇ മലയാളം
The moderation of comments is automated and not cleared manually by malayalam.indianexpress.com