Latest News
‘ഉണ്ടായത് പരാതിപ്പെടാത്തതിലുള്ള ആത്മരോഷം’; ഖേദം പ്രകടിപ്പിച്ച് ജോസഫൈന്‍
സ്വര്‍ണക്കടത്ത് കേസ്: ജുഡീഷ്യല്‍ കമ്മിഷനെതിരെ ഇഡി ഹൈക്കോടതിയില്‍
നിർബന്ധിച്ചുള്ള വാക്സിനേഷൻ മൗലികാവകാശങ്ങളുടെ ലംഘനം: മേഘാലയ ഹൈക്കോടതി
ജോസഫൈനെതിരെ ഇടത് ഇടങ്ങളിലും പ്രതിഷേധം ശക്തം; കണ്ടില്ലെന്നു നടിക്കാനാവാതെ സിപിഎം
ജമ്മു കശ്മീർ: തിരഞ്ഞെടുപ്പ് നടക്കാൻ മണ്ഡല പുനർനിർണയം വേഗത്തിലാകണമെന്ന് പ്രധാനമന്ത്രി
ഇസ്രായേല്‍ എംബസിക്കു സമീപത്തെ സ്‌ഫോടനം: ലഡാക്കില്‍നിന്നുള്ള നാല് വിദ്യാര്‍ഥികള്‍ അറസ്റ്റില്‍
യൂറോയിൽ കോവിഡ് ഡെൽറ്റ വകഭേദം റിപ്പോർട്ട് ചെയ്തു; കാണികളോട് പരിശോധന നടത്താൻ സർക്കാർ
ഗൂഗിളുമായി സഹകരിച്ചു ജിയോഫോൺ നെക്സ്റ്റ് വരുന്നു; പ്രഖ്യാപനവുമായി അംബാനി
സംസ്ഥാനത്ത് ഇന്ന് മുതല്‍ ലോക്ക്ഡൗണില്‍ കൂടുതല്‍ ഇളവുകള്‍
ഇന്ധനനിരക്ക് വര്‍ധിച്ചു; കേരളത്തില്‍ സെഞ്ച്വറി കടന്ന് പെട്രോള്‍ വില

മുടി സ്ട്രൈറ്റനിങ് ചെയ്തതോടെ അമിതമായ മുടി കൊഴിച്ചില്‍; വിദ്യാര്‍ത്ഥിനി ആത്മഹത്യ ചെയ്തു

ദിനംപ്രതി മുടി കൊഴിയുന്നത് കാരണം ഇനി താന്‍ കോളേജിലേക്ക് പോവുന്നില്ലെന്ന് മകള്‍ പറഞ്ഞിരുന്നതായി മാതാവ്

ബെംഗളൂരു: മുടി സ്ട്രൈറ്റനിങ് ചെയ്തതിന് പിന്നാലെയുണ്ടായ അമിതമായ മുടി കൊഴിച്ചിലില്‍ മനംനൊന്ത് കൗമാരക്കാരി ആത്മഹത്യ ചെയ്തതായി റിപ്പോര്‍ട്ട്. ബ്യൂട്ടി പാർലറിൽ നടത്തിയ കേശാലങ്കാരം പാളിയതിനെ തുടർന്നുള്ള മനോവിഷമം മൂലമാണ് വിദ്യാര്‍ത്ഥിനി ആത്മഹത്യ ചെയ്തതെന്ന് ടൈംസ് ഓഫ് ഇന്ത്യ റിപ്പോര്‍ട്ട് ചെയ്യുന്നു.

മൈസൂരുവിൽ വിദ്യാർഥിനിയായ കുടക് സ്വദേശിനി നേഹ ഗംഗമ്മ (18) ആണ് നദിയിൽ ചാടി മരിച്ചത്. മൃതദേഹം കാവേരി ലക്ഷ്മണ തീർഥയിൽനിന്ന് കണ്ടെടുത്തു. സംഭവത്തില്‍ പെണ്‍കുട്ടിയുടെ മാതാപിതാക്കളുടെ പരാതിയില്‍ ബ്യൂട്ടി പാര്‍ലര്‍ അധികൃതര്‍ക്കെതിരെ പൊലീസ് കേസെടുത്തു.

മൈസൂരു വിവി മൊഹല്ലയിലെ ബ്യൂട്ടി പാർലറിൽ മുടി ‘സ്ട്രൈറ്റൻ’ ചെയ്ത പെണ്‍കുട്ടി അമിതമായി മുടി കൊഴിച്ചിൽ അനുഭവപ്പെടുന്നതായി മാതാപിതാക്കളെ അറിയിച്ചിരുന്നു. ‘ദിനംപ്രതി മുടി കൊഴിയുന്നത് കാരണം ഇനി താന്‍ കോളേജിലേക്ക് പോവുന്നില്ലെന്ന് മകള്‍ പറഞ്ഞിരുന്നു. മുടി സ്ട്രൈറ്റനിങ് ചെയ്തതിന് പിന്നാലെ തൊലിയിലും അലര്‍ജി കണ്ടുതുടങ്ങി. ക്ലാസില്‍ പോയാല്‍ മറ്റ് കുട്ടികള്‍ ചോദ്യം ചെയ്യുമെന്ന് നേഹ ആശങ്കപ്പെട്ടിരുന്നു’, നേഹയുടെ മാതാവ് പറഞ്ഞു.

മനോവിഷമം കാരണം കോളേജിൽ പോകാൻ കഴിയുന്നില്ലെന്നും നാട്ടിലേക്ക്​ മടങ്ങുകയാണെന്നും അറിയിച്ചെങ്കിലും നേഹ എത്തിയില്ല. തുടർന്ന് മാതാപിതാക്കൾ മൈസൂരു ജയലക്ഷ്മിപുരം പൊലീസിൽ പരാതിപ്പെടുകയായിരുന്നു. തുടർന്നുള്ള അന്വേഷണത്തിലാണ് നേഹയുടെ മൃതദേഹം കണ്ടെത്തിയത്.

സെപ്റ്റംബര്‍ 1നാണ് നേഹയുടെ മൃതദേഹം കണ്ടെത്തിയത്. ഓഗസ്റ്റ് 28ന് കാണാതായ നേഹ അന്ന് തന്നെ നദിയില്‍ ചാടിയെന്നാണ് നിഗമനം. ‘അന്വേഷണത്തിന് ആവശ്യമായ വിവരങ്ങള്‍ ശേഖരിച്ചിട്ടുണ്ട്. മുടിയുടെ സാമ്പിളും ശേഖരിച്ചു. നേഹയുടെ സ്ഥിതി മോശമാവാന്‍ കാരണം ബ്യൂട്ടി പാര്‍ലര്‍ അധികൃതര്‍ ഉപയോഗിച്ച കെമിക്കല്‍ ആണെന്ന് മാതാപിതാക്കള്‍ പരാതിപ്പെട്ടിട്ടുണ്ട്. ഫൊറന്‍സിക് പരിശോധനയ്ക്ക് അയച്ചതിന് ശേഷം കൂടുതല്‍ നടപടികള്‍ സ്വീകരിക്കും’, പൊലീസ് വ്യക്തമാക്കി. മൈസുരുവിൽ എംബിഎ ആദ്യ വര്‍ഷ വിദ്യാര്‍ത്ഥിനിയാണ് മരിച്ച നേഹ.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Bba student kills self over failed hair straightening treatment

Next Story
ഉത്തരാഖണ്ഡില്‍ മിനി ബസ് കൊക്കയിലേക്ക് മറിഞ്ഞ് 14 പേര്‍ മരിച്ചു
The moderation of comments is automated and not cleared manually by malayalam.indianexpress.com