Latest News

പൊലീസിൽനിന്നും രക്ഷപ്പെടാൻ പ്ലാസ്റ്റിക് സർജറി, 4 വർഷത്തിനുശേഷം കുപ്രസിദ്ധ കാർ മോഷ്ടാവ് പിടിയിൽ

ഡൽഹിയിലും സമീപനഗരങ്ങളിൽനിന്നുമായി 100 ലധികം കാറുകളാണ് കുണാൽ മോഷ്ടിച്ചത്

kunal, delhi police

ന്യൂഡൽഹി: പൊലീസിൽനിന്നും രക്ഷപ്പെടാൻ പ്ലാസ്റ്റിക് സർജറി നടത്തിയ കുപ്രസിദ്ധ കാർ മോഷ്ടാവ് ഒടുവിൽ പിടിയിൽ. സൗത്ത് ഡൽഹിയിൽനിന്നാണ് 35 കാരനായ കുണാൽ മഹേശ്വരി പിടിയിലായത്. 4 വർഷത്തിനുശേഷമാണ് ഇയാൾ പൊലീസിന്റെ പിടിയിലാകുന്നത്.

ഡൽഹിയിലും സമീപനഗരങ്ങളിൽനിന്നുമായി 100 ലധികം കാറുകളാണ് കുണാൽ മോഷ്ടിച്ചത്. ഇയാൾക്കെതിരെ 62 വാഹന മോഷണ കേസുകൾ റജിസ്റ്റർ ചെയ്തിട്ടുണ്ട്. ആഡംബര ജീവിതം നയിക്കുന്നതിനുവേണ്ടിയാണ് കാർ മോഷണം നടത്തിയിരുന്നതെന്ന് പിടിയിലായ ഇയാൾ പൊലീസിനോട് പറഞ്ഞു. പൊലീസിൽനിന്നും രക്ഷപ്പെടാനാണ് 4 വർഷങ്ങൾക്കു മുൻപ് താൻ പ്ലാസ്റ്റിക് സർജറി നടത്തിയതെന്നും ഇയാൾ പൊലീസിനോട് സമ്മതിച്ചു.

ഇയാളുടെ പക്കൽനിന്നും മോഷ്ടിച്ച 12 കാറുകൾ പൊലീസ് പിടിച്ചെടുത്തു. 2013 ൽ കാർ മോഷണത്തിന്റെ പേരിൽ പൊലീസ് കുണാലിനെ അറസ്റ്റ് ചെയ്തിരുന്നു. പിന്നീട് ഇയാൾ ജാമ്യത്തിൽ ഇറങ്ങി. പുറത്തിറങ്ങിയശേഷം 7 മാസത്തിനിടെ 100 ഓളം കാറുകൾ മോഷ്ടിച്ചുവെന്നും പൊലീസ് വ്യക്തമാക്കി.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Auto thief tried plastic surgery to avoid jail finally his luck ran out

Next Story
നാഥനില്ലാ കളരി; സംസ്ഥാനത്ത് പകുതിയോളം സര്‍ക്കാര്‍ കോളജുകളില്‍ പ്രിന്‍സിപ്പല്‍മാരില്ലprincipal, college
The moderation of comments is automated and not cleared manually by malayalam.indianexpress.com