Latest News
കോവിഡ്: പ്രതിദിന കേസുകളിൽ മുന്നിൽ കേരളം
ലോക്ക്ഡൗൺ ഇളവുകൾ ആൾക്കൂട്ടങ്ങൾക്ക് ഇടയാകരുത്, കേന്ദ്രത്തിന്റെ മുന്നറിയിപ്പ്
പ്രവാസികള്‍ക്കു പുതുക്കിയ വാക്സിനേഷന്‍ സര്‍ട്ടിഫിക്കറ്റ് നാളെ മുതല്‍; ബാച്ച് നമ്പറും തിയതിയും ചേര്‍ക്കും
ന്യൂസിലൻഡിന് ടോസ്; ഇന്ത്യയെ ബാറ്റിങിനയച്ചു
ഇന്ത്യയുടെ മിൽഖ, മിൽഖയുടെ ഇന്ത്യ
സുധാകരന്റെ കത്തി പരാമര്‍ശം വേദനിപ്പിക്കുന്നത്, മാപ്പ് പറയണം: ഫ്രാന്‍സിസിന്റെ മകന്‍

‘ആക്രമണം പ്രധാനമന്ത്രിയുടെ രാഷ്ട്രീയ ശൈലി’ ആക്രമണത്തിന് പിന്നിൽ ബിജെപിയെന്ന് രാഹുൽ ഗാന്ധി

പ്രധാനമന്ത്രിയുടെയും ആര്‍എസ്എസിന്റെയും രാഷ്ട്രീയ ശൈലിയാണ് ഇത്തരം ആക്രമണം

Rahul Gandhi, Saharanpur, UP, Cast clashes, Violence hit, ജാതി സംഘട്ടനം, ഉത്തർപ്രദേശ്, സഹരൻപൂർ, രാഹുൽ ഗാന്ധി

ന്യൂഡല്‍ഹി: തനിക്ക് നേരെ ഇന്നലെ ഗുജറാത്തില്‍ നടന്ന ആക്രമണത്തിന് പിന്നില്‍ ബിജെപിയാണെന്ന് കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി. പ്രധാനമന്ത്രിയുടെയും ആര്‍എസ്എസിന്റെയും രാഷ്ട്രീയ ശൈലിയാണ് ഇത്തരം ആക്രമണം. അതുകൊണ്ടാണ് പ്രധാനമന്ത്രിക്ക് അപലപിക്കാന്‍ കഴിയാത്തതെന്നും രാഹുല്‍ കൂട്ടിച്ചേര്‍ത്തു.

ഇന്നലെയാണ് രാഹുല്‍ ഗാന്ധിയുടെ വാഹനവ്യൂഹത്തിന് നേരെ കല്ലേറുണ്ടായത്. ബനസ്‌കന്ധ മേഖലയില്‍ പ്രളയ മേഖല സന്ദര്‍ശിക്കുന്നതിനിടെയാണ് സംഭവം. ആക്രമണത്തില്‍ രാഹുലിന്റെ സുക്ഷാ ഉദ്യോഗസ്ഥന് പരിക്കേറ്റു. ബി.ജെ.പിയാണ് ഇതിന് പിന്നിലെന്ന് കോണ്‍ഗ്രസ് വക്താവ് മനു അഭിഷേക് സിങ്‌വി ആരോപിച്ചിരുന്നു.

അതേസമയം, രാഹുൽ ഗാന്ധിക്കു നേരെ ഉണ്ടായെന്നു പറയപ്പെടുന്ന കല്ലേറിന്റെ പശ്ചാത്തലത്തിൽ, ജനങ്ങളുടെ സഹതാപം പിടിച്ചുപറ്റാനാണ് കോൺഗ്രസിന്റെ ശ്രമമെന്ന് ബിജെപി ആരോപിച്ചു. കല്ലേറിന്റെ പശ്ചാത്തലത്തിൽ ഗുജറാത്തിൽ രാഷ്ട്രീയ നാടകം കളിക്കുകയാണ് കോൺഗ്രസ് എന്നും ബിജെപി കുറ്റപ്പെടുത്തി.

ഗുജറാത്തിലെ തങ്ങളുടെ ജനപ്രതിനിധികളെ അവരുടെ മണ്ഡലങ്ങൾ സന്ദർശിക്കാനോ ജനങ്ങളുമായി ഇടപഴകാനോ അനുവദിക്കാതെ ഒളിപ്പിച്ചുവച്ചിരിക്കുന്നവരാണ് കോൺഗ്രസുകാരെന്നും ബിജെപി നേതാവ് ജി.എൽ.വി. നരസിംഹറാവും ചൂണ്ടിക്കാട്ടി. ഏതു രാഷ്ട്രീയ പാർട്ടിക്കുമെതിരായ ആക്രമണങ്ങൾ അപലപനീയമാണെന്ന് സമ്മതിച്ച റാവു, രാഹുലിനെതിരായ ആക്രമണത്തിന്റെ പശ്ചാത്തലവും കാരണവും വിശദമായി അന്വേഷിക്കേണ്ടതുണ്ടെന്നും അഭിപ്രായപ്പെട്ടു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Attack on my car carried out by bjp rss people says rahul gandhi

Next Story
കർണ്ണാടകയിൽ ബിജെപിയെ തിരിച്ചടിച്ച് മുഖ്യമന്ത്രി സിദ്ധരാമയ്യ; 17 നേതാക്കൾക്കെതിരെ കേസ്
The moderation of comments is automated and not cleared manually by malayalam.indianexpress.com