ലക്‌നൗ: ഉത്തർപ്രദേശിലെ ഷാംലിയിൽ വാതകചോർച്ച. പഞ്ചസാര മില്ലിൽ ഉണ്ടായ വാതകചോർച്ചയെ തുടർന്ന് സമീപത്തുള്ള സ്കൂളിലെ നൂറോളം കുട്ടികളെ ആശുപത്രിയിൽ പ്രവേശിപ്പിച്ചു. പലരുടേയും നില ഗുരുതരമാണ്.
സരസ്വതി ശിശു മന്ദിർ പബ്ലിക് സ്കൂളിന് സമീപമാണ് സംഭവമുണ്ടായത്. ചില കുട്ടികൾക്ക് കണ്ണിൽ നീറ്റലും മറ്റ് ശാരീരിക അസ്വസ്ഥതയും അനുഭവപ്പെട്ടു. ഇവരെ ആശുപത്രികളിലേക്ക് മാറ്റി. ജില്ലാ മജിസ്ട്രേറ്റും എസ്പിയും അടക്കമുള്ളവർ സ്കൂളിൽ എത്തിയിട്ടുണ്ട്.
സംഭവത്തെപ്പറ്റി വിശദമായ അന്വേഷണം നടത്താൻ മുഖ്യമന്ത്രി യോഗി ആദിത്യനാഥ് ഉത്തരവിട്ടു. പഞ്ചസാര മില്ലിന്‍റെ ഉടമസ്ഥൻ ഒളിവിലാണ്. സംഭവത്തിൽ പൊലീസ് അന്വേഷണം ആരംഭിച്ചു.
ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ
