ആസാമിൽ ഇന്റർസിറ്റി എക്‌സ്‌പ്രസിൽ സ്ഫോടനം; യാത്രക്കാർക്ക് പരിക്ക്

ഗോഹാട്ടി: ആസാമിൽ ഇന്റർസിറ്റി എക്‌സ്‌പ്രസിൽ നടന്ന സ്ഫോടനത്തിൽ മൂന്ന് പേർക്ക് പരിക്ക്. ആസാമിലെ ഉദൽഗുരിയിൽ ഇന്റർസിറ്റി പാസഞ്ചർ ട്രെയിനിലാണ് സ്ഫോടനം ഉണ്ടായത്. ട്രെയിൻ ഹരിസിങ്കിയ റെയിൽവെ സ്റ്റേഷനിൽ എത്തിയപ്പോഴാണ് സ്ഫോടനം നടന്നത്.

ഗുവാഹത്തിയിൽ നിന്നും 85 കിമീ ദൂരത്തുളളതാണ് ഈ നഗരം. പൊലീസ് ഉടൻ സംഭവ സ്ഥലത്തേക്ക് എത്തി. യാത്രക്കാരുടെ പരിക്ക് സാരമുളളതല്ലെന്ന് നോർത്ത് ഈസ്റ്റ് റെയിൽവെ വക്താവ് അറിയിച്ചു.

സ്ഫോടനത്തിന്റെ കാരണം എന്താണെന്നതിനെ സംബന്ധിച്ച് അന്വേഷണം ആരംഭിച്ചിട്ടുണ്ട്.