ന്യൂഡൽഹി: അരുണാചൽ പ്രദേശിൽ വ്യോമസേനയുടെ ഹെലികോപ്റ്റർ തർന്ന് 7 മരണം. മരിച്ചവരിൽ അഞ്ചുപേർ വ്യോമസേനാ ഉദ്യോഗസ്ഥരും രണ്ടുപേർ ഇന്ത്യൻ സൈനിക ഉദ്യോഗസ്ഥരുമാണ്. ഇന്നു രാവിലെ ആറു മണിയോടെയാണ് അപകടം ഉണ്ടായത്. പരീക്ഷണ പറക്കലിനിടെ എംഐ-17വി-5 ഹെലികോപ്റ്റർ തകർന്നുവീഴുകയായിരുന്നുവെന്നാണ് വ്യോമസേനാ വൃത്തങ്ങളിൽനിന്നും ലഭിക്കുന്ന വിവരം.

അരുണാചൽ പ്രദേശിലെ ഇന്ത്യ-ചൈന അതിർത്തിക്ക് സമീപമുളള തവാങ്ങിലാണ് ഹെലികോപ്റ്റർ തകർന്നുവീണത്. അപകടത്തിൽ ഗുരുതരമായി പരുക്കേറ്റ ഒരാള ആശുപത്രിയിൽ പ്രവേശിപ്പിച്ചു. സംഭവത്തിൽ വ്യോമസേന മന്ത്രാലയം അന്വേഷണത്തിന് ഉത്തരവിട്ടു.

അത്യാധുനിക സൗകര്യങ്ങളോടുകൂടിയ എംഐ-17വി-5 ഹെലികോപ്റ്ററുകൾ ലോകത്തിൽവച്ച് മികച്ചവയെന്നാണ് വിലയിരുത്തപ്പെടുന്നത്. 2016 ൽ റഷ്യിൽനിന്നാണ് ഇന്ത്യ ഹെലികോപ്റ്ററുകൾ വാങ്ങിയത്. 2008 ലാണ് റഷ്യയുമായി 80 ഹെലികോപ്റ്ററുകൾ വാങ്ങാനുളള കരാർ ഇന്ത്യ ഒപ്പിട്ടത്. 2011-13 ഓടെ കരാർ അനുസരിച്ചുളള ഹെലികോപ്റ്ററുകൾ റഷ്യ ഇന്ത്യയ്ക്ക് കൈമാറി. 2012-13 ലായി മൂന്നു കരാറുകൾ വീണ്ടും ഒപ്പിടുകയും 71 ഹെലികോപ്റ്ററുകൾ കൂടി ഇന്ത്യ വാങ്ങുകയും ചെയ്തു.

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ