Latest News
ബോക്സിങ്ങിൽ ഇന്ത്യയുടെ ലവ്‌ലിന ബോര്‍ഗോഹെയ്‌ന് വെങ്കലം

എച്ച്1ബി വിസ: അരുൺ ജയ്റ്റ്ലി അമേരിക്കൻ വാണിജ്യ സെക്രട്ടറിയുമായി ചർച്ച നടത്തി

ഉയർന്ന തൊഴിൽ വൈദഗ്ദ്ധ്യം ഉള്ള ഇന്ത്യാക്കാർ അമേരിക്കയുടെ വാണിജ്യ വികസനത്തിൽ വഹിക്കുന്ന പങ്ക് ചൂണ്ടിക്കാട്ടിയായിരുന്നു ഈ ചർച്ച

H1B visa, Arun Jaitley, US Commerce Secretary, Wilbur Ross-Arun Jaitley, International Monetary Fund

ന്യൂഡൽഹി: എച്ച്1ബി വീസ കാര്യത്തിലെ അമേരിക്കൻ നയം സംബന്ധിച്ച് കേന്ദ്ര ധനകാര്യ മന്ത്രി അരുൺ ജയ്റ്റ്ലി അമേരിക്കൻ വാണിജ്യകാര്യ വകുപ്പ് സെക്രട്ടറി വിൽബർ റോസുമായി ചർച്ച നടത്തി. ഉയർന്ന തൊഴിൽ വൈദഗ്ദ്ധ്യം ഉള്ള ഇന്ത്യാക്കാർ അമേരിക്കയുടെ വാണിജ്യ വികസനത്തിൽ വഹിക്കുന്ന പങ്ക് ചൂണ്ടിക്കാട്ടിയായിരുന്നു ഈ ചർച്ച.

ജയ്റ്റ്ലിയുടെ നേതൃത്വത്തിലുള്ള പ്രത്യേക സംഘം ഇന്നലെയാണ് അമേരിക്കയിൽ ഇന്റർനാഷണൽ മോണിറ്ററി ഫണ്ട് യോഗത്തിന് എത്തിയത്. ചർച്ചയിൽ, “എച്ച്1ബി വീസ കാര്യത്തിൽ ഇതുവരെ ട്രംപ് ഭരണകൂടം എടുത്ത നിലപാടുകൾ പുന:പരിശോധിച്ച് വരികയാണെന്ന്” റോസ് വ്യക്തമാക്കി.

ഇന്ത്യയുടെയും അമേരിക്കയുടെയും സാമ്പത്തിക വളർച്ചയിൽ മികച്ച പങ്ക് വഹിക്കുന്ന ഇന്ത്യാക്കാരെയും അവരുടെ തൊഴിൽ ശേഷിയെയും കണ്ടില്ലെന്ന് നടിക്കരുതെന്ന് ജെയ്റ്റ്ലി ആവശ്യപ്പെട്ടു. “ഇരു രാജ്യങ്ങൾക്കുമിടയിലെ സൗഹൃദം ശക്തമാക്കി മുന്നോട്ട് പോകാൻ ഈ നിലപാട് അത്യാവശ്യമാണെന്നും” അദ്ദേഹം പറഞ്ഞതായാണ് ഉന്നത ഉദ്യോഗസ്ഥരിൽ നിന്നുള്ള വിവരം.

രാജ്യത്ത് ഇതുവരെ അനുവദിച്ച​ എച്ച്1ബി വീസ ഉടമകളുടെ വിവരങ്ങൾ പുനപരിശോധിക്കണമെന്ന് ഡൊണാൾഡ് ട്രംപ് കഴിഞ്ഞയാഴ്ച ഉത്തരവിട്ടിരുന്നു.

അടുത്ത രണ്ട് ദിവസത്തിനുള്ളിൽ ആസ്ത്രേലിയ, ഫ്രാൻസ്, ഇന്തോനേഷ്യ, സ്വീഡൻ, അമേരിക്ക എന്നീ രാജ്യങ്ങളിലെ പ്രതിനിധികളുമായി ഉഭയകക്ഷി ചർച്ച അരുൺ ജയ്റ്റ്ലി നടത്തും.

ഉഭയകക്ഷി വ്യാപാരബന്ധത്തിലൂടെ അമേരിക്കയുമായി 5 ലക്ഷം കോടി യുഎസ് ഡോളറിന്റെ വ്യാപാരം നടത്താനുള്ള പദ്ധതിയാണ് ഇന്ത്യ മുന്നോട്ട് വയ്ക്കുന്നത്. അമേരിക്കയിലുള്ള ഇന്ത്യക്കാരിൽ പ്രമുഖരുമായി അദ്ദേഹം ഈ സന്ദർശന കാലത്ത് ചർച്ച നടത്തും.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Arun jaitley takes up h 1b visa issue with us commerce secretary wilbur ross

Next Story
ഇറാനെയും ആണവ കരാറിൽ കുരുക്കാനൊരുങ്ങി ഡൊണാൾഡ് ട്രംപ്america, national emergency, അമേരിക്ക, അടിയന്തരാവസ്ഥ, iemalayalam, ഐ ഇ മലയാളം, today news, ഇന്നത്തെ വാർത്ത news india, latest news, breaking news, ബ്രേക്കിങ്ങ് ന്യൂസ്, india news live, india news today, national news, ദേശീയ വാർത്ത, national news today, national news headlines, പ്രധാന വാർത്തകൾ, latest national news, വാർത്തകൾ, national news india, വാർത്ത ന്യൂസ്, today national news, breaking news india
The moderation of comments is automated and not cleared manually by malayalam.indianexpress.com
Best of Express