കോട്ട്​ ധരിച്ച്​ കൊണ്ട്​ കുളിക്കാൻ മൻമോഹനേ കഴിയു എന്ന്​ നരേന്ദ്രമോദിയുടെ പരിഹാസം

ന്യൂഡൽഹി: മുൻ പ്രധാനമന്ത്രി മൻമോഹൻ സിംങിനെതിരെ രൂക്ഷമായ പരിഹാസവുമായി പ്രധാന​മന്ത്രി നരേന്ദ്രമോദി. റെയിൻ കോട്ട്​ ധരിച്ച്​ കൊണ്ട്​ കുളിക്കാൻ മൻമോഹനേ കഴിയു എന്ന്​ മോദി പരിഹസിച്ചു. നോട്ട് നിരോധനത്തെ ആസൂത്രിത കൊള്ളയെന്ന മന്‍മോഹന്‍ സിങ്ങിന്റെ വിമര്‍ശനത്തിനാണ് പരിഹാസവുമായി മോദി എത്തിയത്. നോട്ട്​ പിൻവലിക്കലിനെ കുറിച്ച്​ നെഗറ്റീവ്​ ആയ സമീപനം സർക്കാറിനില്ല.

പൂർണമായും പോസിറ്റീവ്​ സമീപനമാണ്​ തീരുമാനത്തോട്​ സർക്കാറിനുള്ളത്​. മറ്റ്​ രാജ്യങ്ങൾ ഡിജിറ്റൽ സമ്പദ്​വ്യവസ്​ഥയിലേക്ക്​ മാറു​മ്പോൾ ഇന്ത്യക്ക്​ മാത്രം എങ്ങനെ മാറി നിൽക്കാൻ സാധിക്കുമെന്നും മോദി ചോദിച്ചു. സംഘടിത കൊള്ളപോലുള്ള ആ​രോ പണങ്ങൾ ഉന്നയിക്കു​മ്പോൾ അതിന്​ മറുപടി കേൾക്കാനുള്ള ത്രാണിയും കോൺഗ്രസ്​ ഉണ്ടാവണമെന്നും മോദി പറഞ്ഞു. മോദിയുടെ വാക്കുകളിൽ ​പ്രതിഷേധിച്ച്​ കോൺഗ്രസ്​ അംഗങ്ങൾ സഭ ബഹിഷ്കരിച്ചു.