ന്യൂഡൽഹി: കോൺഗ്രസ് നേതാവ് ശശി തരൂരിന്റെ പത്നി സുനന്ദ പുഷ്കറുടെ മരണവുമായി ബന്ധപ്പെട്ട കേസിൽ സമാന്തര അന്വേഷണവും വിചാരണയും നടത്തിയതിന് മാധ്യമപ്രവർത്തകൻ അർണബ് ഗോസ്വാമിയെ ഡൽഹി ഹൈക്കോടതി ചോദ്യം ചെയ്തു. സംയമനം പാലിക്കുന്നതിനും വാചാടോപങ്ങൾ കുറയ്ക്കുന്നതിനും അദ്ദേഹം ഉത്തരവാദിത്തം സ്വീകരിക്കണമെന്നും മാധ്യമപ്രവർത്തകനോട് കോടതി പറഞ്ഞു.

ആരെങ്കിലും മാധ്യമങ്ങളുടെ വായടപ്പിക്കണമെന്ന് പറയുന്നില്ലെന്നും അതേസമയം അന്വേഷണത്തിന്റെ പവിത്രത കാത്തുസൂക്ഷിക്കണമെന്നും ജസ്റ്റിസ് മുക്ത ഗുപ്ത പറഞ്ഞു.

“ദയവായി സംയമനം പാലിക്കുക. ക്രിമിനൽ കേസിൽ പോലീസ് അന്വേഷണം നടന്നുകഴിഞ്ഞാൽ, മാധ്യമങ്ങൾ സമാന്തര അന്വേഷണം നടത്താൻ പറ്റില്ല,” ജഡ്ജി പറഞ്ഞു, ആളുകൾ പത്രപ്രവർത്തനത്തിൽ ഏർപ്പെടുന്നതിന് മുൻപ് ക്രിമിനൽ വിചാരണയിൽ ഒരു കോഴ്‌സ് എടുക്കുകയും തുടർന്ന് ക്രിമിനൽ വിചാരണയിൽ ഒരു കോഴ്‌സ് എടുക്കേണ്ടതുണ്ടെന്നും കോടതി അഭിപ്രായപ്പെട്ടു.

Read More National News: അസംഘടിത മേഖലയുടെ നടുവൊടിച്ചു, മോദിയുടെ നയങ്ങൾ സമ്പൂർണ പരാജയം: രാഹുൽ ഗാന്ധി

“മാധ്യമങ്ങൾക്ക് ആരെയും ശിക്ഷിക്കാൻ കഴിയില്ല” അല്ലെങ്കിൽ അവൻ / അവൾ കുറ്റവാളിയാണെന്ന് വാദിക്കാനോ അല്ലെങ്കിൽ തെളിവില്ലാത്ത മറ്റേതെങ്കിലും അവകാശവാദങ്ങൾ ഉന്നയിക്കാനോ കഴിയില്ല. അന്വേഷണത്തിലോ വിചാരണയിലോ ഉള്ള കാര്യങ്ങളെക്കുറിച്ച് റിപ്പോർട്ടുചെയ്യുമ്പോൾ പ്രസ് ശ്രദ്ധയും ജാഗ്രതയും പാലിക്കണം,” എന്ന് 2017 ഡിസംബർ 1ലെ ഉത്തരവിനെ ഹൈക്കോടതി പരാമർശിച്ചു.

ഭാവിയിൽ അവർ സംയമനം പാലിക്കുമെന്നും അതോടൊപ്പം ‘വാചാടോപം’ ഒഴിവാക്കുമെന്നും മാധ്യമപ്രവർത്തകന്റേയും ചാനലിന്റേയും അഭിഭാഷകൻ കോടതിക്ക് ഉറപ്പ് നൽകിയതായി 2017 ലെ ഉത്തരവിൽ രേഖപ്പെടുത്തിയിട്ടുണ്ട്.

പ്രതികളെ (അർണബ് ഗോസ്വാമിയും അദ്ദേഹത്തിന്റെ ചാനലും) അവരുടെ അഭിഭാഷക വഴി ഇക്കാര്യത്തിൽ അടുത്ത ഹിയറിങ്ങിൽ പ്രസ്താവന സമർപ്പിക്കണമെന്നും കോടതി പറഞ്ഞു.

Read More National News: അവസാന അവസരം; മൊറട്ടോറിയത്തിൽ സുപ്രീം കോടതി കേന്ദ്രത്തോട് നിലപാട് തേടി

അവരുടെ പക്കൽ തെളിവുണ്ടെന്ന ചാനലിന്റെ അവകാശവാദം, ജഡ്ജി ചോദ്യം ചെയ്തു. “നിങ്ങൾ സ്ഥലത്തുണ്ടായിരുന്നോ? നിങ്ങൾ ഒരു ദൃക്സാക്ഷിയാണോ? അന്വേഷണവുമായി ബന്ധപ്പെട്ട് ചില പവിത്രതയുണ്ട്,” ജഡ്ജി പറഞ്ഞു. എയിംസിൽ നിന്ന് തെളിവുകൾ ഉണ്ടെന്നും അതിന്റെ അടിസ്ഥാനത്തിലാണ് ചില കാര്യങ്ങൾ സംപ്രേഷണം ചെയ്തതെന്നും അർണബിന്റെ അഭിഭാഷക മാൾവിക ത്രിവേദി പറഞ്ഞു.

ക്രിമിനൽ വിചാരണയിൽ തെളിവ് എന്താണെന്ന് തീരുമാനിക്കുന്നത് കോടതിയാണെന്നും പ്രസ്താവനകൾ തെളിവുകളല്ലെന്നും ജഡ്ജി പറഞ്ഞു.

“അന്വേഷണ ഏജൻസി സമർപ്പിച്ച കുറ്റപത്രത്തിനെതിരായ അപ്പീൽ പരിഗണിക്കാൻ മാധ്യമങ്ങൾക്ക് കഴിയുമോ,” ജഡ്ജി ചോദിച്ചു.

“ഇത് വാദിയുടെ (തരൂർ) എതിർ ഹരജിയല്ല, മറിച്ച് അന്വേഷണ ഏജൻസിയാണ്. സമാന്തര അന്വേഷണമോ വിചാരണയോ ഉണ്ടോ?കോടതികൾ സ്വന്തം കാര്യം ചെയ്യാൻ നിങ്ങൾ ആഗ്രഹിക്കുന്നില്ലേ? ”ജഡ്ജി പറഞ്ഞു.

തനിക്കരെതിരെ അപകീർത്തികരമായ പരാമർശം നടത്തുന്നതുമായി ബന്ധപ്പെട്ട് റിപ്പബ്ലിക് ടിവി എഡിറ്റർ ഇൻ ചീഫ് അർണബ് ഗോസ്വാമിക്കെതിരെ ഇടക്കാല ഉത്തരവ് ആവശ്യപ്പെട്ട് കോൺഗ്രസ് എംപി തരൂർ സമർപ്പിച്ച ഹർജിയായിരുന്നു ഹൈക്കോടതി പരിഗണിച്ചത്.

Read More National News: റഫാല്‍ യുദ്ധവിമാനങ്ങള്‍ വ്യോമസേനയുടെ ഭാഗം; ശക്തമായ സന്ദേശമെന്ന് രാജ്‌നാഥ് സിങ്

ജൂലൈ, ഓഗസ്റ്റ് മാസങ്ങളിൽ ടിവി ചാനലിൽ തന്നെക്കുറിച്ച് പരാമർശിച്ച് നടന്ന പരിപാടികളുടെ സംപ്രക്ഷേപണവുമായി ബന്ധപ്പെട്ടാണ് തരൂരിന്റെ പരാതി. സുനന്ദ പുഷ്കർ കേസ് പോലീസിനേക്കാൾ നന്നായി തങ്ങൾ അന്വേഷിച്ചുവെന്നും പുഷ്കർ കൊല്ലപ്പെട്ടുവെന്ന് തനിക്ക് ഇപ്പോഴും സംശയമില്ലെന്നും അർണബ് ആ പരിപാടിയിൽ അവകാശപ്പെട്ടിരുന്നു.

വസ്തുതാപരമായി ശരിയോ സ്ഥാപിതമോ ആയ കാര്യങ്ങൾ മാത്രം റിപ്പോർട്ട് ചെയ്യാൻ മാധ്യമപ്രവർത്തകനോട് നിർദ്ദേശിക്കണമെന്ന് അഭിഭാഷകരായ ഗൗരവ് ഗുപ്ത, മുഹമ്മദ് എ ഖാൻ എന്നിവർ മുഖേന തരൂർ സമർപ്പിച്ച അപേക്ഷയിൽ ആവശ്യപ്പെടുന്നുണ്ട്.

തരൂരിന്റെ അപേക്ഷയിൽ ഹൈക്കോടതി മാധ്യമപ്രവർത്തകന്റെ പ്രതികരണം തേടി, നവംബർ 20 ന് കൂടുതൽ വാദം കേൾക്കുന്നതിനായി പട്ടികപ്പെടുത്തി.

സുനന്ദയുടെ മരണവുമായി ബന്ധപ്പെട്ട് അർണബും ചാനലും സംപ്രേഷണം ചെയ്യുന്ന വാർത്തകൾക്കെതിരേ തരൂർ സമർപിച്ച മൂന്ന് പരാതികളിലായിരുന്നു 2017ലെ കോടതി ഉത്തരവ്. ഈ വാർത്തകളിൽ തനിക്കെതിരേ അപകീർത്തി പരാമർശങ്ങൾ ചാനലും മാധ്യമപ്രവർത്തകനും നടത്തുന്നുവെന്നായിരുന്നു പരാതിയിൽ തരൂർ ചൂണ്ടിക്കാട്ടിയത്.

Read More National News: പ്ലാസ്മ തെറാപ്പി മരണനിരക്ക് കുറയ്ക്കില്ലെന്ന് ഐസിഎംആർ പഠനം

2014 ജനുവരി 17 രാത്രി തെക്കൻ ദില്ലിയിലെ പഞ്ചനക്ഷത്ര ഹോട്ടലിന്റെ സ്യൂട്ട് റൂമിലാണ് സുനന്ദ പുഷ്കറെ മരിച്ച നിലയിൽ കണ്ടെത്തിയത്.

സുനന്ദ പുഷ്കറുടെ മരണവുമായി ബന്ധപ്പെട്ട വസ്തുതകൾ വ്യക്തമാക്കുന്ന വാർത്തകൾ മാധ്യമപ്രവർത്തകനും വാർത്താ ചാനലിനും നൽകാമെന്നും എന്നാൽ തിരുവനന്തപുരം എംപിയെ “കുറ്റവാളി” എന്ന് വിളിക്കാൻ കഴിയില്ലെന്നും കോടതി 2017 മെയ് 29 ന് പറഞ്ഞിരുന്നു.

Read More: Delhi HC questions Arnab Goswami for running parallel investigation in Sunanda Pushkar death case, asks to show restraint

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook