Latest News
സാമൂഹിക കണക്ഷന്‍ ‘നെറ്റ്‌വര്‍ക്ക്’ ആക്കി ഒരു സ്‌കൂള്‍; ഓണ്‍ലൈന്‍ പഠനത്തിന് ഒരുക്കുന്നത് 250 വൈഫൈ കേന്ദ്രങ്ങള്‍
ഡെല്‍റ്റ പ്ലസ് വകഭേദം: ഇന്ത്യയില്‍ 40 കേസുകള്‍ റിപ്പോര്‍ട്ട് ചെയ്തു
രാജ്യദ്രോഹ കേസ്: ഐഷ സുൽത്താനയെ ചോദ്യം ചെയ്യുന്നു
കോവിഡ് മരണം തടയുന്നതില്‍ ഒരു ഡോസ് വാക്സിന് 82 ശതമാനം ഫലപ്രദം

അര്‍ജുന രണതുംഗയെ അറസ്റ്റ് ചെയ്തു; കലങ്ങി മറിഞ്ഞ് ശ്രീലങ്ക

പുറത്താക്കപ്പെട്ട പ്രധാനമന്ത്രി റെനില്‍ വിക്രമസിംഗെയുടെ മന്ത്രിസഭയില്‍ പെട്രോളിയം മന്ത്രിയായിരുന്നു രണതുംഗ

കൊളംബോ: മുന്‍ ശ്രീലങ്കന്‍ ക്രിക്കറ്റ് ടീം ക്യാപ്റ്റനും മന്ത്രിയുമായ അര്‍ജുന രണതുംഗയെ ശ്രീലങ്കന്‍ പൊലീസ് അറസ്റ്റ് ചെയ്തു. കഴിഞ്ഞ ദിവസം നടന്ന വെടിവെപ്പുമായി ബന്ധപ്പെട്ടാണ് രണതുംഗയെ അറസ്റ്റ് ചെയ്തത്.

കൊളംബോ ക്രൈം ഡിവിഷനാണ് അദ്ദേഹത്തെ അറസ്റ്റ് ചെയ്തതെന്നും ഉടനെ തന്നെ കോടതിയില്‍ ഹാജരാക്കുമെന്നും പൊലീസ് വക്താവ് റുവാന്‍ ഗുണശേഖര പറഞ്ഞു.

പുറത്താക്കപ്പെട്ട പ്രധാനമന്ത്രി റെനില്‍ വിക്രമസിംഗെയുടെ മന്ത്രിസഭയില്‍ പെട്രോളിയം മന്ത്രിയായിരുന്നു രണതുംഗ. രണതുംഗെ പെട്രോളിയം ഓഫീസിലേയ്ക്ക് കടക്കാന്‍ ശ്രമിച്ചപ്പോള്‍ സ്ഥലത്ത് തൊഴിലാളികള്‍ വന്‍പ്രതിഷേധപ്രകടനം നടന്നിരുന്നു. തുടര്‍ന്ന് രണതുംഗയുടെ അംഗരക്ഷകര്‍ തൊഴിലാളികള്‍ക്ക് നേരെ വെടിവക്കുകയായിരുന്നു. വെടിവെപ്പില്‍ ഒരാള്‍ മരിയ്ക്കുകയും രണ്ട് പേര്‍ക്ക് ഗുരുതരമായി പരിക്കേല്‍ക്കുകയും ചെയ്തു.

ഇന്നലെയാണ് വിദേശപര്യടനത്തിലായിരുന്ന രണതുംഗ തിരിച്ചെത്തിയത്. ‘അവരെന്നെ കൊല്ലുമായിരുന്നു. ഞാനിന്ന് ജീവനോടെയുള്ളത് ദൈവകൃപ കൊണ്ടാണ്. രാജ്യത്തെ നിയമവ്യവസ്ഥ അട്ടിമറിയ്ക്കപ്പെട്ടിരിക്കുന്നു. ഇതിന് ജനങ്ങള്‍ മറുപടി പറയും’ എന്നായിരുന്നു വെടിവെപ്പിനെ കുറിച്ച് രണതുംഗയുടെ പ്രതികരണം.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Arjuna ranatunga arrested over shooting incident

Next Story
രാജ്യത്ത് 82 ശതമാനം പുരുഷന്മാരും 92 ശതമാനം സ്ത്രീകളും കൈപ്പറ്റുന്നത് വെറും 10,000 രൂപ ശമ്പളം
The moderation of comments is automated and not cleared manually by malayalam.indianexpress.com