Latest News
രാജി പ്രഖ്യാപിച്ച് കര്‍ണാടക മുഖ്യമന്ത്രി ബി.എസ്. യെദ്യൂരപ്പ
കൊടകര കുഴല്‍പ്പണക്കേസ്: പ്രതിക്ക് സുരേന്ദ്രനുമായി അടുത്ത ബന്ധമെന്ന് മുഖ്യമന്ത്രി നിയമസഭയില്‍
അമ്പെയ്ത്തില്‍ ഇന്ത്യന്‍ സംഘം പുറത്ത്; ബാഡ്മിന്റണിലും തോല്‍വി
മഴ: ആറ് ജില്ലകളില്‍ യെല്ലൊ അലര്‍ട്ട്; തീരദേശത്ത് ജാഗ്രതാ നിര്‍ദേശം
രാജ്യത്ത് 39,361 പേര്‍ക്ക് കോവിഡ്; 416 മരണം; ആശങ്കയായി കേരളം

തണുപ്പ് ഇല്ലാത്തത് കൊണ്ടാണോ ശീതകാല സമ്മേളനം വൈകുന്നത്?: പ്രകാശ് രാജ്

തിരഞ്ഞെടുപ്പിന് മുന്‍പ് ചോദ്യങ്ങള്‍ക്ക് ഉത്തരം പറയുക നിങ്ങള്‍ക്ക് ബുദ്ധിമുട്ടായിരിക്കുമെന്നും പ്രകാശ് രാജ്

ചെന്നൈ: ദേശീയ താത്പര്യമുളള പ്രശ്നങ്ങളില്‍ ശബ്ദം ഉയര്‍ത്തുന്നയാളാണ് തെന്നിന്ത്യന്‍ നടനായ പ്രകാശ് രാജ്. പ്രമുഖ്യ മാധ്യമപ്രവര്‍ത്തക ഗൗരി ലങ്കേഷ് കൊല്ലപ്പെട്ടപ്പോള്‍ മുഴങ്ങി കേട്ടതും അദ്ദേഹത്തിന്റെ ശബ്ദമാണ്. പിന്നീട് ദേശീയഗാന വിവാദം അടക്കമുളള വിഷയങ്ങളിലും അദ്ദേഹം നിലപാട് വ്യക്തമാക്കി.

പാര്‍ലമെന്റില്‍ ശീതകാല സമ്മേളനം വൈകുന്നതില്‍ പ്രതിഷേധം അറിയിച്ചാണ് അദ്ദേഹം ഇപ്പോള്‍ രംഗത്തെത്തിയിരിക്കുന്നത്. “എന്തുകൊണ്ടാണ് ശീതകാല സമ്മേളനം നടക്കാത്തത്. തണുപ്പ് അത്രയധികം ആകാത്തതുകൊണ്ടാണോ? അല്ലെങ്കില്‍ നിങ്ങളെല്ലാം മറ്റെവിടെ എങ്കിലും വലിയ തിരക്കിലാണോ? അതോ സമ്മേളനം ചൂടുപിടിക്കുമെന്ന് കരുതിയിട്ടോ ? തിരഞ്ഞെടുപ്പിന് മുന്‍പ് ചോദ്യങ്ങള്‍ക്ക് ഉത്തരം പറയുക നിങ്ങള്‍ക്ക് ബുദ്ധിമുട്ടായിരിക്കും , അതുകൊണ്ടാണോ?” ട്വിറ്ററില്‍ പോസ്റ്റ് ചെയ്ത കുറിപ്പിലാണ് 52കാരനായ ദേശീയ പുരസ്കാര ജേതാവ് രംഗത്തെത്തിയത്.

കുറച്ചു നാളുകളായി ഹാഷ്ടാഗ് ഉപയോഗിച്ച് അദ്ദേഹം സര്‍ക്കാരിനേയും നേതാക്കളേയും ചോദ്യം ചെയ്യുന്നുണ്ട്. നോട്ട് നിരോധനത്തിന്റെ ഒന്നാം വാര്‍ഷികത്തില്‍ സര്‍ക്കാരിനെതിരെ ആഞ്ഞടിച്ച് അദ്ദേഹം രംഗത്തെത്തിയിരുന്നു. ഈ കാലഘട്ടം കണ്ട ഏറ്റവും വലിയ മണ്ടത്തരത്തിന് മാപ്പു പറയാന്‍ ബന്ധപ്പെട്ടവര്‍ തയ്യാറാകുമോയെന്നായിരുന്നു അദ്ദേഹത്തിന്റെ അന്നത്തെ ചോദ്യം .

സമ്പന്നര്‍ക്ക് കളളപ്പണം തിളങ്ങുന്ന പുതിയ നോട്ടുകള്‍ ആക്കി മാറ്റിയെടുക്കാന്‍ സാഹചര്യം ഒരുങ്ങിയപ്പോള്‍ ലക്ഷക്കണക്കിന് പേര്‍ നിസ്സഹായരായി നട്ടംതിരിയുകയാണ് ചെയ്തതെന്ന് അദ്ദേഹം പറഞ്ഞു. നമ്മുടെ കാലഘട്ടത്തിലെ ഏറ്റവും വലിയ വിഢിത്തത്തിന് മാപ്പു പറയാന്‍ നിങ്ങള്‍ തയ്യാറാകുമോയെന്നും പ്രകാശ് രാജ് ചോദിച്ചു.

രാജ്യത്ത് ഹിന്ദു തീവ്രവാദം നിലനില്‍ക്കുന്നുണ്ടെന്ന് പറഞ്ഞ കമല്‍ഹാസന് പിന്തുണയുമായി നേരത്തേ പ്രകാശ് രാജ് രംഗത്തെത്തിയിരുന്നു. മതത്തിന്‍റെയും സംസ്കാരത്തിന്‍റെയും സദാചാരത്തിന്‍റെയും പേരില്‍ ഭീതിപടര്‍ത്തുന്നത് ഭീകരവാദമല്ലെങ്കില്‍ എന്താണ് ഭീകരവാദം എന്നാണ് പ്രകാശ് രാജ് ചോദിച്ചത്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Are you busy somewhere else actor prakash raj questions modi govt over delayed winter session

Next Story
പാക്കിസ്ഥാനില്‍ സംഘര്‍ഷം കനക്കുന്നു: സ്വകാര്യ ചാനലുകള്‍ക്ക് വിലക്ക്
The moderation of comments is automated and not cleared manually by malayalam.indianexpress.com
Best of Express