ഇസ്ലാമിക് സ്റ്റേറ്റ് ഡയറി: പാക്കിസ്ഥാൻ ഇറാഖിന്റെ വഴിയിൽ... ചരിത്രം ആവർത്തിക്കും..

1001 മാണ്ടിലെ ഇന്ത്യയെന്ന ലക്ഷ്യമാണ്  ടെലഗ്രാഫിലൂടെയുള്ള സംഭാഷണത്തിൽ ബെസ്റ്റിൻ വിൻസന്റ് എന്ന യഹിയ പങ്കുവച്ചത്. ആഡംഭരത്വത്തിന്റെ വഞ്ചനയും ഇരവാദവുമായിരുന്നു അയാളുടെ വാക്കുകളിൽ പ്രകടമായിരുന്നത്.

അഫ്‌ഗാനിസ്ഥാനും പാക്കിസ്ഥാനും ഇന്ത്യയുടെ പല ഭാഗങ്ങളും കൈവശപ്പെടുത്തി 1001 മാണ്ടിലെ രാജാവ് മഹമൂദ് അൽ ഖസ്‌നാവിയുടെ കാലത്തേക്ക് ഇന്ത്യയെ തിരിച്ച് കൊണ്ടുപോകുമെന്നാണ് മരിക്കുന്നതിന് വളരെ നാൾ മുൻപ് യഹിയ ഇന്ത്യൻ എക്സ്‌പ്രസിനോട് വ്യക്തമാക്കിയത്.

പാക്കിസ്ഥാനെതിരായി നടത്തിയ പ്രസ്താവനയിൽ, "അവർ ഇന്ന് സഹായിക്കുന്ന തീവ്രവാദ സംഘങ്ങൾ ഒരിക്കൽ അവർക്ക് തന്നെ തിരിച്ചടിയാകും"​എന്ന് യഹിയ പറഞ്ഞു. സാധാരണ രാഷ്ട്രീയ നേതൃത്വത്തേക്കാൾ ഉന്നതമായ ലക്ഷ്യങ്ങളാണ് തങ്ങൾക്കുള്ളതെന്ന് പറഞ്ഞ യഹിയ, "മുസ്ലിങ്ങൾക്കെതിരായി സമ്മർദ്ദം കൂട്ടുന്നത്, യുവാക്കളിൽ വിദ്വേഷം വർദ്ധിപ്പിക്കാനേ സഹായിക്കൂ" എന്ന് പറഞ്ഞു.

ഈ  ആരോപണങ്ങൾ, ഇന്ത്യൻ എക്സ്‌പ്രസിന് ഒറ്റയ്ക്ക് സ്ഥിരീകരിക്കാൻ സാധിക്കുന്നവയല്ല. കഴിഞ്ഞ വെള്ളിയാഴ്ച യഹിയയുടെ മരണവാർത്ത പിതാവിന് ലഭിച്ചു.

യഹിയയുടെ എഡിറ്റ് ചെയ്ത സംഭാഷണങ്ങൾ

പാക്കിസ്ഥാൻ ഇറാഖിന്റെ വഴി പിന്തുടരുന്നു

"സ്വന്തം വിശ്വാസങ്ങളെ തള്ളിക്കളഞ്ഞ രാജ്യമാണ് പാക്കിസ്ഥാൻ, അതേസമയം ഇന്ത്യ ആത്മീയ ശേഷിയെ ലൗകിക സുഖങ്ങൾക്ക് വേണ്ടി മാറ്റിവയ്ക്കുന്ന രാജ്യവും" യഹിയ കുറ്റപ്പെടുത്തി. "ചരിത്രം ആവർത്തിക്കും. പാക്കിസ്ഥാൻ ഇറാഖിന്റെ വഴി പിന്തുടരുകയാണ്.   ലഷ്കർ-ഇ-തോയ്ബയടക്കം അവർ വളർത്തുന്ന എല്ലാ ജിഹാദി സംഘങ്ങളും ഒരു കാലത്ത് ആ രാജ്യത്തിന് തന്നെ നാശമാകും. സുൽത്താൻ മഹമൂദ് അൽ ഗസ്നാവിയുടെ 1001 മാണ്ടിലെ ഭരണ കാലത്തെ ഇന്ത്യ ഒരിക്കൽ കൂടി കാണും. ആരും തന്നെ സമാധാനമായി ഉറങ്ങില്ല."

ഇസ്ലാമിക് സ്റ്റേറ്റിനെ ആരുമായും താരതമ്യം ചെയ്യാനാവില്ല

"ഇസ്ലാമിക് സ്റ്റേറ്റുമായി ആരെയും താരതമ്യം ചെയ്യാനാവില്ല. ഞങ്ങൾ മരണത്തിന് ശേഷമുള്ള ജീവിതത്തിന് വേണ്ടി നിൽക്കുമ്പോൾ അവർ മരണത്തിന് മുൻപുള്ള ജീവിതത്തിന് വേണ്ടിയാണ് നിൽക്കുന്നത്.  അവർ ജീവിതത്തെ പ്രണയിക്കുന്നത് പോലെയാണ് ഞങ്ങൾ മരണത്തെ പ്രണയിക്കുന്നത്. ആയിരക്കണക്കിന് വർഷങ്ങളായി പണത്തിനും മണ്ണിനും എല്ലാമായി യുദ്ധം ലോകത്ത് നടക്കുന്നുണ്ട്. അല്ലാഹുവിന്റെ നിയമത്തിന് അനുസൃതമായി ലോകത്തെ നയിക്കാനുള്ള യുദ്ധത്തിലാണ് ഞങ്ങളുള്ളത്. അല്ലാഹുവിന്റെ യുദ്ധത്തിന് വേണ്ടിയല്ലാത്ത മറ്റൊരു യുദ്ധവും നീതീകരിക്കാവുന്നതല്ല. ഞങ്ങളുടെ ലക്ഷ്യങ്ങൾ ഏറെ വലുതാണ്."

കേരളത്തിലെ ജനങ്ങൾക്ക് അറിവില്ല

"കേരളത്തിലുള്ളവർക്ക് തങ്ങൾക്ക് ചുറ്റിലും എന്താണ് നടക്കുന്നതെന്ന് അറിവില്ല. ഇസ്ലാം എന്താണെന്നോ, യുദ്ധം എന്താണെന്നോ അവർക്ക് അറിയില്ല. മുസ്ലിങ്ങൾക്ക് മുകളിൽ കൂടുതൽ സമ്മർദ്ദം ചെലുത്തുന്നത് അല്ലാഹുവിനെ ഭയക്കുന്ന യുവാക്കളുടെ മനസിൽ കൂടുതൽ വിദ്വേഷം പടർത്തും. അവരെ കൂട്ടിലടയ്ക്കാൻ ശ്രമിക്കും തോറും അവർ കൂടുതൽ അപകടകാരിയായി മാറും. ഇറാഖിലും സിറിയയിലും അഫ്‌ഗാനിസ്ഥാനിലും എന്ത് സംഭവിച്ചുവെന്ന് കണ്ടതല്ലേ. അവരാണാദ്യം ഇസ്ലാമിനെതിരായി യുദ്ധം ചെയ്തത്. അമേരിക്കയിലും പാരീസിലും സംഭവിച്ചതെന്താണ്? അവരും ഇസ്ലാമിനെതിരെ യുദ്ധം ചെയ്തു. ഇപ്പോൾ ഭീതിയുടെ നിഴലിൽ കഴിയുന്നു.

ജിഹാദിന് വിപണിയുടെ സ്വഭാവം

"ഒരു വിപണി പോലെയാണ് ജിഹാദ്. ഒരുപാട് നേരം അത് തുറനന്നിരിക്കില്ല. ആരാണോ ആദ്യം നിക്ഷേപിക്കുന്നത് അവർ കൂടുതൽ ലാഭം നേടും.  ഇത് അല്ലാഹുവുമായുള്ള ഒരു കച്ചവടമാണ്. നമ്മുടെ ജീവനും സമ്പത്തും അല്ലാഹുവിനും അവന്റെ വിശ്വാസപ്രമാണങ്ങൾക്കുമായി ചിലവഴിക്കുന്നു. അതിന് പകരമായി അല്ലാഹു നമുക്ക് സ്വർഗം നൽകും. എന്തൊരു നല്ല കച്ചവടം.

ഞങ്ങളുടെ ഭാഷ വ്യത്യസ്തമാണ്

"ഞാനൊന്ന് ചോദിച്ചോട്ടെ, എന്താണ് ഭീകരവാദം? ഞാൻ ഭീകരവാദിയല്ലെന്ന് പറഞ്ഞാൽ? ഞങ്ങൾക്കെല്ലാ സൗകര്യവുമുണ്ട്. പിന്നെന്തിന് ഞാൻ ഭീകരവാദിയാകണം?  സ്വന്തം നാടിന് വേണ്ടി പൊരുതുന്നവൻ പട്ടാളക്കാരനും മതത്തിന് വേണ്ടി പൊരുതുന്നവൻ ഭീകരവാദിയും ആകുന്നതെങ്ങിനെ? ഇന്ത്യയ്ക്കെതിരെ ഒരാൾ നീങ്ങുന്നുവെന്ന് കണ്ടാൽ ഭരണകൂടം അയാളെ ശിക്ഷിക്കില്ലേ?.....

"ഞങ്ങളുടെ ഉള്ളിലും ഹൃദയമുണ്ട്. ഞങ്ങൾക്കും വേദനിക്കുന്നുണ്ട്. പക്ഷെ ഞങ്ങളുടെ യാത്രയ്ക്ക് പുറകിൽ ഒരു കാരണമുണ്ട്. ഈ മലയിടുക്കകളിലേക്ക് ഞങ്ങൾ വന്നതിന് ഒഒരു കാരണമുണ്ട്. ഞങ്ങളുടെ കുടുംബങ്ങളെ വീട്ടിലുപേക്ഷിച്ചതിന് ഒരു കാരണമുണ്ട്."