scorecardresearch
Latest News

രഥയാത്രയ്ക്ക് അനുമതി തേടി ബിജെപി സുപ്രീം കോടതിയില്‍; വാദം അടിയന്തരമായി കേള്‍ക്കണമെന്ന് ആവശ്യം

കൊൽ​ക്ക​ത്ത ഹൈ​ക്കോ​ട​തി ഡി​വി​ഷ​ൻ ബെ​ഞ്ച് യാ​ത്ര​യ്ക്ക് അ​നു​മ​തി നി​ഷേ​ധി​ച്ചി​രു​ന്നു.

രഥയാത്രയ്ക്ക് അനുമതി തേടി ബിജെപി സുപ്രീം കോടതിയില്‍; വാദം അടിയന്തരമായി കേള്‍ക്കണമെന്ന് ആവശ്യം

ന്യൂഡല്‍ഹി: പശ്ചിമ ബംഗാളില്‍ രഥയാത്ര നടത്താന്‍ അനുമതി നിഷേധിച്ച കൊല്‍ക്കത്ത ഹൈക്കോടതി ഡിവിഷന്‍ ബെഞ്ച് വിധിക്കെതിരെ ബിജെപി സുപ്രീം കോടതിയെ സമീപിച്ചു. ഹര്‍ജിയില്‍ എത്രയും പെട്ടെന്ന് വാദം കേള്‍ക്കണമെന്ന് ബിജെപി ആവശ്യപ്പെട്ടു.

സുപ്രീം കോടതിയുടെ രജിസ്ട്രി ഇത് സംബന്ധിച്ച് സ്ഥിരീകരണം നടത്തി. പ്രത്യേക ഹര്‍ജി പരിഗണനയിലാണെന്നും രജിസ്ട്രി വ്യക്തമാക്കി. ലോ​ക്സ​ഭാ തി​ര​ഞ്ഞെ​ടു​പ്പി​നു മു​ന്നോ​ടി​യാ​യാണ് ബി​ജെ​പി അ​മി​ത് ഷാ​യു​ടെ നേ​തൃ​ത്വ​ത്തി​ൽ ബം​ഗാ​ളി​ൽ ര​ഥ​യാ​ത്ര ന​ട​ത്താ​നി​രു​ന്ന​ത്. എ​ന്നാ​ൽ വ​ർ​ഗീ​യ സം​ഘ​ർ​ഷ സാ​ധ്യ​ത ക​ണ​ക്കി​ലെ​ടു​ത്ത് സ​ർ​ക്കാ​ർ ര​ഥ​യാ​ത്ര​യ്ക്കു അ​നു​മ​തി നി​ഷേ​ധി​ച്ചു. ഇ​തി​നു പി​ന്നാ​ലെ കൊൽ​ക്ക​ത്ത ഹൈ​ക്കോ​ട​തി ഡി​വി​ഷ​ൻ ബെ​ഞ്ചും യാ​ത്ര​യ്ക്ക് അ​നു​മ​തി നി​ഷേ​ധി​ച്ചി​രു​ന്നു.

ബിജെപിയുടെ രഥയാത്രയ്ക്ക് ആദ്യം തടസവാദം ഉന്നയിച്ചത് ബംഗാൾ സർക്കാരാണ്. രഥയാത്ര വർഗ്ഗീയ കലാപങ്ങൾക്ക് കാരണമാകുമെന്ന പൊലീസ് റിപ്പോർട്ട് ചൂണ്ടിക്കാട്ടിയാണ് അനുമതി തടഞ്ഞത്. വെസ്റ്റ് ബംഗാളിൽ ലോക്സഭാ തിരഞ്ഞെടുപ്പിൽ നേട്ടമുണ്ടാക്കാനാണ് ബിജെപി ശ്രമിക്കുന്നത്.

ബിജെപിയുടെ രഥയാത്രയ്ക്ക് നിയന്ത്രണങ്ങളും ഹൈക്കോടതി ഏർപ്പെടുത്തി.  ഡിസംബർ 7, 9, 14 തീയതികളിലായി ബംഗാളിൽ മൂന്ന് രഥയാത്രകൾ നടത്താനായിരുന്നു ബിജെപി ആദ്യം പദ്ധതിയിട്ടിരുന്നത്. ഒക്ടോബറിൽ തന്നെ അനുമതിക്കായി പാർട്ടി നേതൃത്വം അപേക്ഷയും നല്‍കിയിരുന്നു. പ്രധാനമന്ത്രി നരേന്ദ്ര മോദിയും ബിജെപി ദേശീയ അദ്ധ്യക്ഷൻ അമിത് ഷായും രഥയാത്രയിൽ പങ്കെടുക്കുമെന്നായിരുന്നു പ്രഖ്യാപനം.

Stay updated with the latest news headlines and all the latest News news download Indian Express Malayalam App.

Web Title: Amit shahs bengal rath yatra bjp moves supreme court seeks urgent hearing