scorecardresearch
Latest News

‘ആ ബാർ ഞങ്ങളുടേത്’; സ്‌മൃതി ഇറാനിയുടെ മകൾക്കെതിരായ ആരോപണങ്ങൾക്കിടെ എക്സൈസിന് മറുപടി നൽകി ഗോവൻ കുടുംബം

സ്ഥാപനം തങ്ങളുടെ ബിസിനസ് സംരഭമാണെന്നും മറ്റൊരു വ്യക്തിക്കോ വ്യക്തികൾക്കോ അതിൽ പങ്കിലെന്നുമാണ് അറിയിച്ചിരിക്കുന്നത്

ഗോവയിലെ അസാഗാവോയിലെ ‘സില്ലി സോൾസ് കഫേ ആൻഡ് ബാർ’ കേന്ദ്രമന്ത്രി സ്മൃതി ഇറാനിയുടെ മകൾ നടത്തുന്നതാണെന്ന കോൺഗ്രസ് ആരോപണങ്ങൾക്കിടെ സ്ഥാപനത്തിന്റെ യഥാർത്ഥ ഉടമകൾ എന്ന് വ്യക്തമാക്കി ഒരു ഗോവൻ കുടുംബം ഇന്നലെ സംസ്ഥാന എക്സൈസിനെ സമീപിച്ചു. സ്ഥാപനം തങ്ങളുടെ ബിസിനസ് സംരഭമാണെന്നും മറ്റൊരു വ്യക്തിക്കോ വ്യക്തികൾക്കോ അതിൽ പങ്കിലെന്നുമാണ് അറിയിച്ചിരിക്കുന്നത്. സ്‌മൃതിയുടെ മകളുടെ സ്ഥാപനത്തിന്റെ ബാർ ലൈസൻസ് മരണപ്പെട്ട ഒരു വ്യക്തിയുടെ പേരിൽ പുതുക്കി നൽകി എന്നതടക്കമുള്ള ആരോപണങ്ങൾ കോൺഗ്രസ് ഉന്നയിച്ചു ദിവസങ്ങൾക്കകമാണ് ഗോവൻ കുടുംബം എക്സൈസ് കമ്മീഷണറോട് ഇക്കാര്യങ്ങൾ വ്യക്തമാക്കിയിരിക്കുന്നത്.

എക്‌സൈസ് കമ്മീഷണർ നാരായൺ എം ഗാഡ് നൽകിയ കാരണം കാണിക്കൽ നോട്ടീസിന് മറുപടിയായിട്ടായിരുന്നു ഉടമകളായ മെർലിൻ ആന്റണി ഡി ഗാമയുടെയും മകൻ ഡീൻ ഡി ഗാമയുടെയും വിശദീകരണം. “ഗോവ എക്‌സൈസ് ഡ്യൂട്ടി നിയമത്തിലെ ഒരു വ്യവസ്ഥയ്ക്കും വിരുദ്ധമായി പ്രവർത്തിച്ചിട്ടില്ലെന്നും അവർ പറഞ്ഞു”

2021 മേയിൽ അന്തരിച്ച ആന്റണി ഡി ഗാമയുടെ പേരിൽ ഭക്ഷണശാലയുടെ ബാർ ലൈസൻസ് അതേ വർഷം ജൂണിൽ പുതുക്കി നൽകിയെന്നാരോപിച്ച് അഭിഭാഷകനായ ഐറിസ് റോഡ്രിഗസ് നൽകിയ പരാതിയിലായിരുന്നു കാരണം കാണിക്കൽ നോട്ടീസ്. ബ്രിഹൻമുംബൈ മുനിസിപ്പൽ കോർപ്പറേഷൻ നൽകിയ മരണ സർട്ടിഫിക്കറ്റും പരാതിക്കൊപ്പമുണ്ടായിരുന്നു.

ഏഴ് ദിവസത്തിനുള്ളിൽ റെസ്റ്റോറന്റിൽ നിന്ന് മറുപടി തേടിയ എക്സൈസ് കമ്മീഷണർ വെള്ളിയാഴ്ച ഒരു മണിക്കൂറിലധികം ഇരുകക്ഷികളെയും കേട്ടു.

ആന്റണി ഡി ഗാമ മെർലിൻ്റെ ഭർത്താവാണെന്ന് ചൂണ്ടിക്കാട്ടി നൽകിയ രേഖാമൂലമുള്ള മറുപടിയിൽ, പരാതിയിൽ ഉന്നയിച്ച ആരോപണങ്ങൾ “തികച്ചും അടിസ്ഥാനരഹിതവും അടിസ്ഥാനരഹിതവുമാണെന്ന്” അമ്മയും മകനും പറഞ്ഞു.

“ഉടമസ്ഥാവകാശം കൈമാറ്റം ചെയ്യുന്നതിന്റെ ആവശ്യം ഉയരുന്നില്ലെന്നും പ്രതികരിക്കുന്നയാൾ നം. 1 (മെർലിൻ) പ്രസ്തുത വീടിന്റെയും വസ്തുവിന്റെയും സംയുക്ത ഉടമയാണ്, കൂടാതെ രണ്ടാമത്തെയാൾ. 2 (ഡീൻ) നിയമപരമായ അവകാശിയാണെന്നും. ഒന്നാമത്തെയാൾ മുഴുവൻ കുടുംബത്തിന് വേണ്ടിയാണു പ്രവർത്തിക്കുന്നതെന്നും,” അതിൽ പറയുന്നു.

2021 ഓഗസ്റ്റ് 20 മുതൽ കുടുംബത്തിന് വേണ്ടി പവർ ഓഫ് അറ്റോർണി കൈവശമുള്ള മെർലിനും ഡീനും ജൂൺ 22 ന് ആന്റണിയുടെ പേരിലുള്ള മദ്യ ലൈസൻസ് പുതുക്കാൻ അപേക്ഷിച്ചതായും അദ്ദേഹത്തിന്റെ മരണ സർട്ടിഫിക്കറ്റ് സമർപ്പിച്ചതായും അവർ പറഞ്ഞു. ആറ് മാസത്തിനകം ലൈസൻസ് കൈമാറുമെന്ന് ഉറപ്പ് നൽകാൻ ഡീൻ ആവശ്യപ്പെട്ടിരുന്നുവെന്നും അതിൽ പറയുന്നു.

എക്സൈസ് ലൈസൻസിനും പുതുക്കലിനും വേണ്ടിയുള്ള അപേക്ഷകളിൽ പിതാവ് ജീവിച്ചിരിക്കുമ്പോൾ തന്നെ ഡീൻ ഒപ്പിട്ടിരുന്നതായി മറുപടിയിൽ പറയുന്നു.

“ഞങ്ങൾ പോർച്ചുഗീസ് സിവിൽ കോഡിന് കീഴിലാണ്. കോഡ് പ്രകാരം, വസ്തുവിന്റെ ഉടമസ്ഥാവകാശം ആർട്ടിക്കിൾ 1117 (പോർച്ചുഗീസ് സിവിൽ കോഡ്, 1867) പ്രകാരം ഭർത്താവിന്റെയും ഭാര്യയുടെയും പേരിൽ സംയുക്തമായിട്ടാണ്. എന്നാൽ , നിയമത്തിന്റെ അടിസ്ഥാനത്തിൽ ഭരണം എപ്പോഴും ഭർത്താവിനാണ്. അതേസമയം, ഏതെങ്കിലും പങ്കാളി മരിക്കുമ്പോൾ, അത്മറ്റേ പങ്കാളിയിലേക്ക് പോകുന്നു. അതിനാൽ, ഇവിടെ പങ്കാളി അതിന്റെ ഉടമയായി മാറുന്നു. ഇനിയൊന്നും ചെയ്യാനില്ല.” ഗോവൻ കുടുംബത്തിന്റെ അഭിഭാഷകൻ ബെന്നി നസ്രത്ത് പറഞ്ഞു. റെസ്റ്റോറന്റിന് സ്‌മൃതി ഇറാനിയെ കുടുംബവുമായോ ബന്ധമില്ലെന്നും വ്യക്തമാക്കി.

തങ്ങൾക്ക് നൽകിയ പരാതിയും കാരണം കാണിക്കൽ നോട്ടീസും “സമ്മർദത്തിനും കടുത്ത മാനസിക പീഡനത്തിനും വേദനയ്ക്കും കാരണമായാതായി കുടുംബം ആരോപിച്ചു. ആന്റണിയുടെ മറ്റൊരു മകൻ ഡെയ്ൽ ഡി ഗാമയുടെ പേര് പ്രതിഭാഗം മറച്ചുവെച്ചതായി പരാതിക്കാരനായ റോഡ്രിഗസ് എക്‌സൈസ് കമ്മീഷണറെ അറിയിച്ചു. നിലവിൽ വ്യാജ രേഖകൾ സമർപ്പിക്കും തെറ്റിദ്ധരിപ്പിച്ചുമാണോ ലൈസൻസ് നേടിയതെന്നും, എക്സൈസ് ഉദ്യോഗസ്ഥരുടെ ഭാഗത്തുനിന്നുള്ള നടപടികളിൽ അപാകതകൾ ഉണ്ടായിട്ടുണ്ടോ എന്നുമാണ് എക്സൈസ് കമ്മീഷണർ പരിശോധിക്കുന്നത്. കേസിന്റെ വാദം ഓഗസ്റ്റ് 22ന് നടക്കും.

ജൂലൈ 23 നാണ് കോൺഗ്രസ് നേതാക്കൾ സ്‌മൃതിയുടെ മകൾക്കെതിരെ ആരോപണങ്ങൾ ഉന്നയിച്ചു അവരുടെ രാജി ആവശ്യപ്പെട്ടത്. ഇറാനിയുടെ മകളെ “യുവസംരംഭകയായി” കാണിച്ച് നടത്തിയ ഒരു അഭിമുഖത്തിന്റെ വീഡിയോ ക്ലിപ്പും പ്രചരിപ്പിച്ചിരുന്നു, കൂടാതെ സില്ലി സോൾസ് കഫേയും ബാറും അവരുടെ ഉടമസ്ഥതയിൽ ഉള്ള റെസ്റ്റോറന്റായും അവതരിപ്പിക്കപ്പെട്ടു.

തന്റെ 18 കാരിയായ മകൾ വിദ്യാർത്ഥിനിയാണെന്നും താൻ കോൺഗ്രസ് നേതാവ് രാഹുൽ ഗാന്ധിയെ ലോക്‌സഭാ തെരഞ്ഞെടുപ്പിൽ രണ്ട് തവണ പരാജയപ്പെടുത്തിയതിന്റെ പേരിൽ മാത്രമാണ് ആക്രമണമെന്നും ഇറാനി തിരിച്ചടിച്ചിരുന്നു.

Stay updated with the latest news headlines and all the latest News news download Indian Express Malayalam App.

Web Title: Amid row over allegations against iranis daughter goan family replies to excise we own the bar