ന്യൂഡല്‍ഹി: പുല്‍വാമ ഭീകരാക്രമണത്തിന് പിന്നാലെ രാജ്യത്ത് പലയിടത്തും കശ്മീരികള്‍ക്ക് നേരെ ആക്രമണം. ജ​മ്മു​വി​ലെ മു​സ്‌ലിം പ്ര​ദേ​ശ​ങ്ങ​ളി​ലും ബിഹാര്‍, ഡ​ൽ​ഹി, ഹ​രി​യാ​ന, ഉ​ത്ത​രാ​ഖ​ണ്ഡ്, ഛത്തീസ്ഗ​ഡ് എ​ന്നി​വി​ട​ങ്ങ​ളി​ലു​മാ​ണ് അ​ക്ര​മ​ങ്ങ​ൾ റി​പ്പോ​ർ​ട്ട് ചെ​യ്ത​ത്. കശ്മീരില്‍ നിന്നുളള വിദ്യാര്‍ത്ഥികളുടേയും താമസക്കാരുടേയും സുരക്ഷ ഉറപ്പാക്കണമെന്ന് സംസ്ഥാന സര്‍ക്കാരുകളോട് ആഭ്യന്തര മന്ത്രാലയം ആവശ്യപ്പെട്ടു.

ആഭ്യന്തരമന്ത്രി രാജ്നാഥ് സിങ് ഇത് സംബന്ധിച്ച സുരക്ഷാ കാര്യങ്ങള്‍ വിലയിരുത്താനായി ശനിയാഴ്ച യോഗം വിളിച്ചു. റോ, ഐബി എന്നിവരുടെയൊക്കെ ഉദ്യോഗസ്ഥര്‍ യോഗത്തില്‍ പങ്കെടുത്തു. സോഷ്യല്‍ മീഡിയയിലൂടെയുളള വര്‍ഗീയ പ്രചാരണങ്ങള്‍ തടയാനും അദ്ദേഹം നിര്‍ദേശം നല്‍കി.

ജമ്മുവിലെ ഗു​ജ്ജ​ർ ന​ഗ​റി​ൽ സം​ഘ​പ​രി​വാ​ർ പ്ര​വ​ർ​ത്ത​ക​ർ കൂ​ട്ടം​ചേ​ർ​ന്ന് മു​സ്‌ലിം പ്ര​ദേ​ശ​ങ്ങ​ളി​ലെ വാ​ഹ​ന​ങ്ങ​ൾ ക​ത്തി​ച്ചതായി ആരോപണമുണ്ട്. 50 വാ​ഹ​ന​ങ്ങ​ൾ അഗ്നിക്കിരയാക്കപ്പെട്ടെന്നാണ് പ്രാ​ഥ​മി​ക ക​ണ​ക്ക്. സം​സ്ഥാ​ന​ത്ത് ജാ​നി​പു​ർ, ഷാ​ഹി​ദി ചൗ​ക്, പു​രാ​നി മാ​ണ്ഡി, പെ​ക്ക ദം​ഗ, റി​ഹാ​ഡി, ന്യൂ ​പ്ലോ​ട്ട്, ഗു​മ്മ​ത്ത് എ​ന്നി​വി​ട​ങ്ങ​ളി​ലും ആ​ക്ര​മ​ണ​ങ്ങ​ളു​ണ്ടാ​യി.

ഡെ​റാ​ഡൂ​ണി​ൽ വി​ശ്വ​ഹി​ന്ദു പ​രി​ഷ​ത്ത്, ബ​ജ്റംഗ്‌ദ​ൾ പ്ര​വ​ർ​ത്ത​ക​ർ സം​ഘം ചേ​ർ​ന്നു കശ്മീരി വി​ദ്യാ​ർ​ഥി​ക​ളെ മ​ർ​ദി​ച്ചു. വി​ദ്യാ​ർ​ഥി​ക​ൾ താ​മ​സി​ച്ചി​രു​ന്ന ഹോ​സ്റ്റ​ലി​ൽ ക​ട​ന്നു​ക​യ​റി​യ അ​ക്ര​മി​ക​ൾ, ലോ​ക്ക​റു​ക​ളും അ​ല​മാ​ര​ക​ളും അ​ടി​ച്ചു ത​ക​ർ​ക്കു​ക​യും വി​ദ്യാ​ർ​ഥി​ക​ളു​ടെ വി​ല​പി​ടി​പ്പു​ള്ള വ​സ്തു​ക്ക​ൾ ക​വ​രു​ക​യും ചെ​യ്തു. ഹ​രി​യാ​ന​, റായ്പൂര്‍, രാ​ജ​സ്ഥാ​ൻ, ബി​ഹാ​ർ, കൊ​ൽ​ക്ക​ത്ത എ​ന്നി​വി​ട​ങ്ങ​ളി​ലും കശ്മീരികള്‍ക്ക് നേരെ അക്രമം നടന്നു.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook