Latest News

ആന്രണിക്ക് വസതിയിൽ വീണ് പരുക്ക്, റാം മനോഹർ ലോഹ്യ ആശുപത്രിയിൽ പ്രവേശിപ്പിച്ചു

ആന്രണിയുടെ ആരോഗ്യ നില തൃപ്തികരമെന്ന് ആശുപത്രി അധികൃതർ. പ്രതിപക്ഷ നേതാവ് നയിക്കുന്ന പടയൊരുക്കത്തിന്രെ സമാപനത്തിൽ ആന്രണി പങ്കെടുക്കാനുളള സാധ്യത മങ്ങി

ak antony

ഡൽഹി: മുൻ കേന്ദ്രമന്ത്രിയും കോൺഗ്രസ് നേതാവും രാജ്യസഭാ എം പിയുമായ എ കെ. ആന്രണി വസതിയിൽ വീണ് പരുക്കേറ്റതിനെ തുടർന്ന് ആശുപത്രിയിൽ പ്രവേശിപ്പിച്ചു.

ഡൽഹിയിലെ വസതയിലെ കുളിമുറിയിലാണ് രാവിലെ ആന്രണി വീണത്. രക്തത്തിലെ പഞ്ചസാരയിലെ അളവിലെ വ്യത്യാസത്തെ തുടർന്നാണ് അദ്ദേഹം വീണത്. വീഴ്ചയിൽ നെറ്റിയിൽ മുറിവേറ്റിട്ടുണ്ട്.

ഡൽഹിയിലെ റാം മനോഹർ ലോഹ്യ ആശുപത്രിയിൽ പ്രവേശിപ്പിച്ച അദ്ദേഹത്തിന്രെ നില തൃപ്തികരമാണെന്ന് ആശുപത്രി അധികൃതർ അറിയിച്ചു.

പ്രതിപക്ഷ നേതാവ് രമേശ് ചെന്നിത്തലയുടെ നേതൃത്വത്തിൽ കേന്ദ്ര, സംസ്ഥാന സർക്കാരുകൾക്കെതിരെ നടത്തുന്ന ജാഥയായ പടയൊരുക്കത്തിന്രെ സമാപന പരിപാടിയിൽ പങ്കെടുക്കുമെന്നായിരുന്നു നേരത്തെ അറിയിച്ചിരുന്നത്.

ഡിസംബർ ഒന്നിനും രണ്ടിനും കേരളത്തിൽ നടക്കുന്ന പടയൊരുക്കം പരിപാടിയിൽ രാഹുൽഗാന്ധിക്കൊപ്പം അദ്ദേഹം പങ്കെടുക്കുമെന്ന് നേരത്തെ അറിയിച്ചിരുന്നു. എന്നാൽ നിലവിലത്തെ സാഹചര്യത്തിൽ ആന്രണി ഈ പരിപാടിയിൽ പങ്കെടുക്കാനുളള സാധ്യത കുറവാണെന്ന് കോൺഗ്രസ് വൃത്തങ്ങൾ അറിയിച്ചു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Ak antony admitted to delhi hospital

Next Story
കുഞ്ഞുങ്ങളോടൊപ്പം സീരിയല്‍ കാണുന്ന അമ്മമാരുടെ ശ്രദ്ധയ്ക്ക്; ടിവി ഷോ കണ്ട് അനുകരിക്കാന്‍ ശ്രമിച്ച ഏഴു വയസ്സുകാരി വെന്തുമരിച്ചുSeriel, TV
The moderation of comments is automated and not cleared manually by malayalam.indianexpress.com
Best of Express