ഇന്ധന സ്വിച്ചിൽ തകരാർ: എയർ ഇന്ത്യ വിമാനം അടിയന്തരമായി നിലത്തിറക്കി

ന്യൂഡൽഹി: ഇന്ധന നിയന്ത്രണ സ്വിച്ചിലെ  സാങ്കേതിക തകരാറിനെത്തുടർന്ന് എയർ ഇന്ത്യ തങ്ങളുടെ ബോയിംഗ് 787 ഡ്രീംലൈനർ വിമാനം അടിയന്തരമായി നിലത്തിറക്കി. വിമാനത്തിന്റെ പ്രവർത്തന സുരക്ഷ ഉറപ്പാക്കുന്നതിന്റെ ഭാഗമായാണ് ഈ നടപടിയെന്ന് കമ്പനി അറിയിച്ചു.

Also Read:മുന്‍കരസേനാമേധാവി എം എം നരവനയുടെ പുസ്‌തകത്തെ ചൊല്ലി ഭരണ-പ്രതിപക്ഷ വാക്പോര്; ലോക്‌സഭയില്‍ നാടകീയ രംഗങ്ങള്‍

ബോയിംഗ് 787 വിമാനങ്ങളിലെ ഫ്യുവൽ കൺട്രോൾ സ്വിച്ചുകളിൽ ചില പ്രശ്‌നങ്ങൾ ശ്രദ്ധയിൽപ്പെട്ടതിനെത്തുടർന്ന് ആഗോളതലത്തിൽ തന്നെ പരിശോധനകൾ നടക്കുന്നുണ്ട്. ഇതിന്റെ ഭാഗമായാണ് എയർ ഇന്ത്യയും ഒരു വിമാനം നിലത്തിറക്കി വിശദമായ പരിശോധനകൾക്ക് വിധേയമാക്കുന്നത്.

വിമാനത്തിലെ എൻജിനുകളിലേക്കുള്ള ഇന്ധന വിതരണം നിയന്ത്രിക്കുന്ന സ്വിച്ചിലാണ് തകരാർ കണ്ടെത്തിയത്. ഇത് എൻജിൻ പ്രവർത്തനത്തെ ബാധിക്കാൻ സാധ്യതയുള്ളതിനാലാണ് മുൻകരുതൽ നടപടി സ്വീകരിച്ചത്.

Also Read:ലോക്‌സഭയിൽ ഭരണ - പ്രതിപക്ഷ ബഹളം, രാഹുലിനെ എതിർത്ത് അമിത് ഷാ

യാത്രക്കാരുടെ സുരക്ഷയ്ക്കാണ് പ്രഥമ പരിഗണനയെന്നും, ഡിജിസിഎ  നിർദ്ദേശിച്ച സുരക്ഷാ മാനദണ്ഡങ്ങൾ പാലിച്ച് വിമാനം പൂർണ്ണമായി പരിശോധിക്കുമെന്നും എയർ ഇന്ത്യ വക്താവ് അറിയിച്ചു.

സർവീസുകളെ ബാധിച്ചേക്കാം

വിമാനം നിലത്തിറക്കിയത് എയർ ഇന്ത്യയുടെ ചില രാജ്യാന്തര സർവീസുകളെ ചെറിയ രീതിയിൽ ബാധിച്ചേക്കാം. എന്നാൽ യാത്രക്കാർക്ക് ബദൽ യാത്രാ സൗകര്യങ്ങൾ ഒരുക്കുമെന്ന് കമ്പനി വ്യക്തമാക്കിയിട്ടുണ്ട്.

നേരത്തെയും ബോയിംഗ് വിമാനങ്ങളുടെ സുരക്ഷാ മാനദണ്ഡങ്ങളെക്കുറിച്ച് ആഗോളതലത്തിൽ ആശങ്കകൾ ഉയർന്നിരുന്നു. ഇതിനിടയിലാണ് പുതിയ സാങ്കേതിക പ്രശ്‌നം റിപ്പോർട്ട് ചെയ്തിരിക്കുന്നത്. സിവിൽ ഏവിയേഷൻ ഡയറക്ടറേറ്റ് ജനറൽ (ഡിജിസിഎ) ഈ വിഷയത്തിൽ എയർ ഇന്ത്യയിൽ നിന്ന് റിപ്പോർട്ട് തേടിയിട്ടുണ്ട്.

Also Read:എസ്ടിടി വർധനവ് തിരിച്ചടിയായി; നിഫ്റ്റിക്കും സെൻസെക്സിനും ആറ് വർഷത്തിനിടയിലെ ഏറ്റവും മോശം ബജറ്റ് ദിനം

നേരത്തെ അഹമ്മദബാദിൽ പറന്നുയരുന്നതിനിടെ തകർന്നുവീണതും ബോയിംഗ് ഡ്രീലൈനർ വിഭാഗത്തിൽപ്പെട്ട എയർ ഇന്ത്യയുടെ വിമാനമായിരുന്നു. അന്നത്തെ അപകടത്തിൽ 200-ഓളം ആളുകളാണ് കൊല്ലപ്പെട്ടത്.

Read More:അമേരിക്കൻ താരിഫുകളെ ചെറുക്കാൻ ബജറ്റിൽ പ്രതിരോധ കവചം: കയറ്റുമതി മേഖലയ്ക്ക് ആശ്വാസവുമായി നിർമല സീതാരാമൻ