scorecardresearch
Latest News

കോവാക്സിൻ പാതിവഴിയിൽ; കുത്തിവെപ്പിനെത്തിയ അഞ്ചിൽ ഒരാളിൽ ആന്റിബോഡി

സന്നദ്ധരായി 80 ലേറെ പേര്‍ എത്തിയെങ്കിലും സ്ക്രീനിങ് നടത്തി 16 പേരെ മാത്രമാണ് തിരഞ്ഞെടുത്തത്. കുറഞ്ഞതു 100 പേരില്‍ കുത്തിവയ്ക്കാനാണ് ഉദ്ദേശം. അതിന് ശേഷം രണ്ടാഴ്ചത്തേയ്ക്ക് ഇവർ നിരീക്ഷണത്തിലായിരിക്കും

covid vaccine, coronavirus vaccine, vaccine for coronavirus, astrazeneca plc, covid astrazeneca plc, astrazeneca plc covid, world news, indian express

ന്യൂഡൽഹി: ഇന്ത്യയിലെ ആദ്യത്തെ തദ്ദേശീയ കോവിഡ് -19 വാക്സിൻ, കോവാക്സിൻ ക്ലിനിക്കൽ പരീക്ഷണങ്ങൾക്കായി എയിംസുമായി സഹകരിക്കാൻ താൽപര്യം പ്രകടിപ്പിച്ചവരിൽ 20% പേരുടേയും ശരീരത്തിൽ ഇതിനകം കൊറോണ വൈറസിനെതിരായ ആന്റിബോഡികൾ രൂപപ്പെട്ടിട്ടുണ്ടെന്നും അതിനാൽ ഇവർ പരീക്ഷണങ്ങൾക്ക് യോഗ്യരല്ലെന്നും പുതിയ കണ്ടെത്തൽ.

സന്നദ്ധരായി 80 ലേറെ പേര്‍ എത്തിയെങ്കിലും സ്ക്രീനിങ് നടത്തി 16 പേരെ മാത്രമാണ് തിരഞ്ഞെടുത്തത്. കുറഞ്ഞതു 100 പേരില്‍ കുത്തിവയ്ക്കാനാണ് ഉദ്ദേശം. അതിന് ശേഷം രണ്ടാഴ്ചത്തേയ്ക്ക് ഇവർ നിരീക്ഷണത്തിലായിരിക്കും.

Read More: കോവിഡ് വാക്സിൻ: ഇന്ത്യയിൽ സെറം ഇൻസ്റ്റിറ്റ്യൂട്ടിന് ഓക്സ്‌ഫോർഡ് വാക്സിൻ മനുഷ്യ പരീക്ഷണ അനുമതി

ഹൃദയം, വൃക്ക, കരൾ, ശ്വാസകോശ സംബന്ധമായ അസുഖങ്ങൾ, അനിയന്ത്രിതമായ പ്രമേഹം രക്തസമ്മർദം എന്നീ രോഗങ്ങളില്ലാത്ത 18 നും 55 നും ഇടയിൽ പ്രായമുള്ളവർ പരീക്ഷണത്തിന് യോഗ്യരാണ്. ഇവരെ തിരഞ്ഞെടുക്കുന്നതിന് മുൻപായി കരൾ, വൃക്കകളുടെ പ്രവർത്തനം, കോവിഡ് -19 സാന്നിദ്ധ്യം, റാപ്പിഡ് ആന്റിബോഡി ടെസ്റ്റ് എന്നിവ നടത്തുന്നു.

“ആരോഗ്യമുള്ള സന്നദ്ധപ്രവർത്തകരെ മാത്രമേ പരീക്ഷണത്തിന് വിധേയരാക്കാൻ കഴിയൂ എന്നതിനാൽ ഒഴിവാക്കുന്നവരുടെ നിരക്ക് വളരെ ഉയർന്നതാണ്. ഏകദേശം 20% സന്നദ്ധപ്രവർത്തകരിൽ, ഞങ്ങൾ ആന്റിബോഡികൾ കണ്ടെത്തി. ഇതിനർത്ഥം അവർ ഇതിനകം രോഗബാധിതരായിരുന്നു എന്നാണ്. ശേഷിക്കുന്ന ആളുകൾക്ക് കരൾ അല്ലെങ്കിൽ വൃക്കകളുടെ പ്രവർത്തനം ഒപ്റ്റിമൽ അല്ല,” ആശുപത്രിയിലെ ഒരു മുതിർന്ന ഡോക്ടർ പറഞ്ഞു.

ആന്റിബോഡികൾ സൂചിപ്പിക്കുന്നത് ഒരു വ്യക്തി ഇതിനകം വൈറസ് ബാധിച്ച് സുഖം പ്രാപിച്ചു എന്നാണ്. “അതിനാൽ, വാക്സിനിലെ സ്വാധീനം പഠിക്കുന്നത് ബുദ്ധിമുട്ടാണ്,” ഡോക്ടർ പറഞ്ഞു.

മനുഷ്യ പരീക്ഷണങ്ങളിൽ പങ്കെടുക്കാൻ മെഡിക്കൽ ഇൻസ്റ്റിറ്റ്യൂട്ടിന് ഇതുവരെ 3,500 അപേക്ഷകളാണ് ലഭിച്ചത്.

“ജൂലൈ 24 ന് 30 വയസുള്ള ഒരു പുരുഷനാണ് ആദ്യമായി കോവാക്സിൻ ഡോസ് നൽകിയത്. ഇൻട്രാമുസ്കുലർ കുത്തിവയ്പ്പിലൂടെ അദ്ദേഹത്തിന് 0.5 മില്ലി നൽകി. അവർക്ക് ഇതുവരെ ഒരു അസ്വസ്ഥതയും റിപ്പോർട്ട് ചെയ്തിട്ടില്ല. വാക്സിൻ അടുത്ത ഡോസ് നൽകുന്നതിനുമുൻപ് അടുത്ത വെള്ളിയാഴ്ച വരെ അദ്ദേഹത്തെ നിരീക്ഷിക്കും,” ഡോക്ടർ പറഞ്ഞു.

നാഷണൽ ഇൻസ്റ്റിറ്റ്യൂട്ട് ഓഫ് വൈറോളജിയുടെയും ഇന്ത്യൻ കൗൺസിൽ ഓഫ് മെഡിക്കൽ റിസർച്ചിന്റെയും സഹകരണത്തോടെ ഹൈദരാബാദ് ആസ്ഥാനമായുള്ള ഫാർമസ്യൂട്ടിക്കൽ കമ്പനിയായ ഭാരത് ബയോടെക് ആണ് വാക്സിൻ വികസിപ്പിച്ചെടുത്തത്. ഡ്രഗ് കൺട്രോളർ ജനറൽ ഓഫ് ഇന്ത്യ നേരത്തെ ഘട്ടം 1, II ഹ്യൂമൻ ക്ലിനിക്കൽ പരീക്ഷണങ്ങൾക്ക് അംഗീകാരം നൽകി.

നാഷണൽ സെന്റർ ഫോർ ഡിസീസ് കൺട്രോളും സംസ്ഥാന ആരോഗ്യ അധികാരികളും സംയുക്തമായി നടത്തിയ ഒരു സീറോളജിക്കൽ സർവേയിൽ തലസ്ഥാനത്തെ 11 ജില്ലകളിൽ നിന്ന് ശേഖരിച്ച 21,387 സാംപിളുകളിൽ ഐജിജി ആന്റിബോഡികൾക്ക് 22.86 ശതമാനം സെറോപോസിറ്റിവിറ്റി നിരക്ക് റിപ്പോർട്ട് ചെയ്തിട്ടുണ്ട്.

Read in English: AIIMS trials: 1 in 5 who signed up for Covaxin trial already have antibodies

Stay updated with the latest news headlines and all the latest News news download Indian Express Malayalam App.

Web Title: Aiims trials 1 in 5 who signed up for covaxin trial already have antibodies