ന്യൂഡല്‍ഹി: അഖിലേന്ത്യാ കോൺഗ്രസ് കമ്മിറ്റി (എഐസിസി) അച്ചടക്ക സമിതി ചെയര്‍മാനായി മുതിർന്ന കോൺഗ്രസ് നേതാവും മുൻ പ്രതിരോധ മന്ത്രിയും കേരള മുൻ മുഖ്യമന്ത്രിയുമായ എ കെ ആന്റണിയെ നിയമിച്ചു. അഞ്ചംഗ സമിതിയെയാണ് കോൺഗ്രസ് നേതൃത്വം നിയമിച്ചത്.
അംബിക സോണി, താരിഖ് അൻവർ, ജയ്പ്രകാശ് അഗർവാൾ, ജി പരമേശ്വർ എന്നിവരാണ് സമിതിയിലെ അംഗങ്ങൾ. പുതിയ സമിതി യുദ്ധകാലാടിസ്ഥാനത്തിൽ നിലവിൽ വരുമെന്ന് എഐസിസി വാർത്താക്കുറിപ്പിൽ അറിയിച്ചു.
