Latest News
ബോക്സിങ്ങിൽ ഇന്ത്യയുടെ ലവ്‌ലിന ബോര്‍ഗോഹെയ്‌ന് വെങ്കലം

സുവേന്ദു അധികാരിയുടെ പിതാവ് ശിശിര്‍ അധികാരിയും ബിജെപിയില്‍

ബംഗാളിലെ പൂർബ മേദിനിപൂർ ജില്ലയിൽ ഗണ്യമായ സ്വാധീനം ചെലുത്തുന്ന അധികാരി കുടുംബത്തിലെ മുതിർന്ന ആളായ ശിശിർ

Sisir Aadhikari, Sisir Aadhikari joins BJP, Sisir Aadhikari TMC, Suvendu Adhikari, West Bengal polls

കൊൽക്കത്ത: പശ്ചിമ ബംഗാളിൽ നിയമസഭാ തിരഞ്ഞെടുപ്പിന് മുന്നോടിയായി ഞായറാഴ്ച എഗ്രയിൽ നടന്ന അമിത് ഷായുടെ റാലിയിൽ ടിഎംസി എംപി ശിശിർ അധികാരിയും ബിജെപിയിൽ ചേർന്നു.

മമതാ ബാനര്‍ജിയുടെ മുന്‍ വിശ്വസ്തനും മന്ത്രിയുമായിരുന്ന സുവേന്ദു അധികാരിയുടെ പിതാവാണ് ശിശിർ അധികാരി. നന്ദിഗ്രാമിൽ നിന്ന് മുഖ്യമന്ത്രി മമത ബാനർജിക്കെതിരെയാണ് സുവേന്ദു അധികാരി മത്സരിക്കുന്നത്.

അമിത് ഷായുമായി വേദി പങ്കുവെച്ച ശിശിർ അധികാരി പറഞ്ഞു, “ബംഗാളിനെ അതിക്രമങ്ങളിൽ നിന്ന് രക്ഷിക്കുക, ഞങ്ങൾ നിങ്ങളോടൊപ്പമുണ്ട്, ഞങ്ങളുടെ കുടുംബം നിങ്ങളോടൊപ്പമുണ്ട്. ജയ് സിയ റാം, ജയ് ഭാരത്. ”

ബംഗാളിലെ പൂർബ മേദിനിപൂർ ജില്ലയിൽ ഗണ്യമായ സ്വാധീനം ചെലുത്തുന്ന അധികാരി കുടുംബത്തിലെ മുതിർന്ന ആളായ ശിശിർ, ഭരണകക്ഷിയുടെ നേതാക്കൾ തന്നെ ഉപേക്ഷിച്ചതിനാൽ ക്യാമ്പ് മാറാൻ നിർബന്ധിതനായി എന്ന് പറഞ്ഞു. അദ്ദേഹത്തെയും മകൻ സുവേന്ദുവിനെയും ഭരണകക്ഷി അപമാനിച്ചുവെന്ന് ടിഎംസി എംപി നേരത്തെ ആരോപിച്ചിരുന്നു. പ്രശസ്‌ത ദിഘ-ശങ്കർപൂർ വികസന കൗൺസിൽ ചെയർമാൻ സ്ഥാനത്തു നിന്നും തൃണമൂലിന്റെ ജില്ലാ യൂണിറ്റിന്റെ പ്രസിഡന്റ് സ്ഥാനത്തു നിന്നും ശിശിർ അധികാരി നേരത്തെ നീക്കം ചെയ്യപ്പെട്ടിരുന്നു.

അധികാരി സീനിയർ ബിജെപിയിൽ ചേർന്നാൽ അതിശയിക്കാനില്ലെന്ന് നേരത്തെ തൃണമൂൽ പറഞ്ഞിരുന്നു. “മോദിയുടെ റാലിയിൽ പങ്കെടുക്കാൻ മകൻ ആവശ്യപ്പെട്ടാൽ അങ്ങനെ ചെയ്യുമെന്ന് ശിശിർ ബാബു പറഞ്ഞു. പോകാമെന്ന് മകൻ പറഞ്ഞിട്ടുണ്ട്. രക്തം വെള്ളത്തേക്കാൾ കട്ടിയുള്ളതാണെന്ന് നമുക്കറിയാം. അതിനാൽ, തന്റെ മകന്റെ ആഗ്രഹം അദ്ദേഹം നിറവേറ്റുമെന്ന് പ്രതീക്ഷിക്കുന്നു. ശിശിർ ബാബു ഒടുവിൽ മകന്റെ പാത പിന്തുടരുമെന്ന് ഞങ്ങൾക്കറിയാം. അതിൽ അതിശയിക്കാനില്ല,” തൃണമൂൽ എംപിയും മുതിർന്ന നേതാവുമായ സൗഗാത റോയ് പറഞ്ഞു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: After suvendu adhikari father sisir joins bjp at amit shahs rally in bengal

Next Story
അവശ്യ വസ്തു നിയമം നടപ്പാക്കാന്‍ നിര്‍ദേശിച്ച് കമ്മിറ്റി; പ്രതിപക്ഷ പാർട്ടികളുടേത് ഇരട്ടത്താപ്പെന്ന് കർഷകർFarmers protest, കർഷക പ്രക്ഷോഭം, Farm protest BJP Punjab, ബിജെപി, Punjab polls, Punjab BJP, Punjab political parties, BJP Punjab farmers protest, farm protest news, indian express news
The moderation of comments is automated and not cleared manually by malayalam.indianexpress.com
Best of Express