scorecardresearch

കാർഷിക ബില്ലിൽ പ്രതിഷേധം; എഎപി എംഎൽഎമാർ ഉറങ്ങിയത് സഭയിൽ

കേന്ദ്രത്തിന്റെ കാർഷിക നിയമങ്ങളെ മറികടക്കുന്ന ഒരു ബിൽ പാസാക്കാൻ വിളിച്ച പ്രത്യേക അസംബ്ലി സെഷന്റെ ആദ്യ ദിവസം, ആം ആദ്മി എം‌എൽ‌എമാർ ബില്ലുകളുടെ പകർപ്പുകൾ ആവശ്യപ്പെട്ടാണ് പ്രതിഷേധിച്ചത്

കാർഷിക ബില്ലിൽ പ്രതിഷേധം; എഎപി എംഎൽഎമാർ ഉറങ്ങിയത് സഭയിൽ

അമൃത്സര്‍: കാര്‍ഷിക നിയമത്തിന്റെ കരട് പകര്‍പ്പ് നല്‍കാത്തതില്‍ പ്രതിഷേധിച്ച് പഞ്ചാബില്‍ ആം ആദ്മി പാര്‍ട്ടിയുടെ എംഎല്‍എമാര്‍ നിയമസഭയില്‍ രാത്രി തങ്ങി. നിയമസഭ മന്ദിരത്തിന്റെ പല ഭാഗങ്ങളില്‍ ഇരുന്നാണ് എംഎല്‍എമാര്‍ പ്രതിഷേധിച്ചത്. കേന്ദ്രത്തിന്റെ കാർഷിക നിയമങ്ങളെ മറികടക്കുന്ന ഒരു ബിൽ പാസാക്കാൻ വിളിച്ച പ്രത്യേക അസംബ്ലി സെഷന്റെ ആദ്യ ദിവസം, ആം ആദ്മി എം‌എൽ‌എമാർ ബില്ലുകളുടെ പകർപ്പുകൾ ആവശ്യപ്പെട്ടാണ് പ്രതിഷേധിച്ചത്.

കേന്ദ്രസര്‍ക്കാരിന്റെ പുതിയ കര്‍ഷകനിയമങ്ങള്‍ക്ക് ബദലായി അമരീന്ദര്‍ സിങ് സര്‍ക്കാര്‍ ഇന്ന് നിയമസഭയില്‍ കാര്‍ഷിക ബില്‍ അവതരിപ്പിക്കാനിരിക്കെയാണ് ഈ സംഭവങ്ങള്‍.

കറുത്ത വസ്ത്രം ധരിച്ച് മുദ്രാവാക്യങ്ങളുയർത്തി എം‌എൽ‌എമാർ സഭയിൽ ഇരുന്നുകൊണ്ട് ഫെയ്സ്ബുക്ക് ലൈവ് സെഷനുകൾ നടത്തി. വൈകുന്നേരം 5 മണിയോടെ ബില്ലുകളുടെ പകർപ്പുകൾ നൽകുമെന്ന് സഭാ ഉദ്യോഗസ്ഥർ ഉറപ്പ് നൽകിയെങ്കിലും അത് സംഭവിച്ചില്ല. 2016 ൽ അന്നത്തെ എസ്എഡി-ബിജെപി സർക്കാരിനെതിരെ സഭയിൽ രാത്രിയിൽ നടന്ന കോൺഗ്രസ് പ്രതിഷേധത്തെ അനുസ്മരിപ്പിക്കുന്നതായിരുന്നു ആം ആദ്മി പ്രതിഷേധം.

Read More: പ്രതിദിന കോവിഡ് രോഗികൾ 50,000ത്തിൽ താഴെ; മൂന്ന് മാസത്തിനിടെ ആദ്യം

സര്‍ക്കാരിന്റെ കാര്‍ഷിക നിയമത്തെ തങ്ങള്‍ പിന്തുണയ്ക്കുന്നുവെന്നും എന്നാല്‍ ചര്‍ച്ച നടത്തി അംഗീകരിക്കേണ്ട വിഷയമായതിനാല്‍ തങ്ങള്‍ക്ക് അതിന്റെ പകര്‍പ്പ് ലഭിക്കണമെന്ന് പ്രതിപക്ഷനേതാവ് ഹര്‍പാല്‍ ചീമ വ്യക്തമാക്കി.

കേന്ദ്രത്തിന്റെ നിയമങ്ങൾക്കെതിരേ കൊണ്ടുവരാൻ ആഗ്രഹിക്കുന്ന നിയമനിർമ്മാണത്തിന്റെ കരട് ക്യാപ്റ്റൻ സർക്കാർ പ്രതിപക്ഷ പാർട്ടികളുമായോ കർഷകരുമായോ പങ്കിടാത്തതിൽ ഖേദമുണ്ടെന്ന് ആം ആദ്മി എം‌എൽ‌എമാർ പറഞ്ഞു.

“കർഷകരെ രക്ഷിക്കാൻ അവർ ഒരു നിയമവും കൊണ്ടുവരുന്നില്ല. 2022 ലെ തിരഞ്ഞെടുപ്പിൽ കോൺഗ്രസ് പാർട്ടിയെ രക്ഷിക്കാനാണ് അവർ ചില നിയമങ്ങൾ കൊണ്ടുവരുന്നതെന്നാണ് തോന്നുന്നത്.”

കേന്ദ്രസര്‍ക്കാരിന്റെ പുതിയ കര്‍ഷകനിയമങ്ങളില്‍ പ്രതിഷേധിച്ച് ശിരോമണി അകാലിദള്‍ എന്‍ഡിഎ സഖ്യം വിട്ടിരുന്നു. നവജ്യോത് സിംഗ് സിദ്ദുവും നിയമസഭാ സമ്മേളനത്തില്‍ പങ്കെടുക്കാനെത്തിയിരുന്നു. മന്ത്രിസഭയില്‍ നിന്ന് രാജി വെച്ച ശേഷം ആദ്യമായാണ് സിദ്ദു നിയമസഭാസമ്മേളനത്തിനെത്തുന്നത്

Read in English: AAP MLAs spend night inside Punjab Assembly in protest over farm Bill

Stay updated with the latest news headlines and all the latest News news download Indian Express Malayalam App.

Web Title: Aap mlas spend night inside punjab assembly in protest over farm bill