ആധാർ കാർഡിൽ വിർച്വൽ തിരിച്ചറിയൽ നമ്പറെന്ന പുതിയ മാറ്റത്തിന്രെ ആശയവുമായി യുണീക് ഐഡന്രിഫേക്കഷൻ അതോറിട്ടി ഓഫ് ഇന്ത്യ. ആധാർ വിവരങ്ങൾചോരുന്നുവെന്ന വാർത്തകൾ നിരവധിയായി വന്ന സാഹചര്യത്തിലാണ് ഈ ആശയം അവതരിപ്പിക്കപ്പെടുന്നത്.

ആധാറിലെ പന്ത്രണ്ടക്ക നമ്പറിന് പകരം വിർച്വൽ ഐഡിയിൽ പതിനാറ് അക്ക നമ്പരാണ് ഉണ്ടാകുക. തിരിച്ചറിയിലിനായി ചെറിയൊരു സമയത്തേയ്ക്ക് ഈ വിർച്വൽ ഐ ഡി ഉപയോഗിക്കാം. യു ഐ ഡി എ ഐ യുടെ വെബസൈറ്റിൽ നിന്നും ലഭിക്കുന്ന താൽക്കാലിക വിർച്വൽ ഐഡി നമ്പറും ബയോമെട്രിക് വെരിഫിക്കേഷനും ഉപയോഗിച്ച് തിരിച്ചറിയൽ സംവിധാനം നടപ്പാക്കാനാകും എന്നാണ് യു ഐ ഡി എ ഐ പറയുന്നത്. യു ഐ ഡി എ ഐ യുടെ പോർട്ടലിന് പുറമെ എൻറോൾമെന്ര് സെന്രർ, ആധാർ മൊബൈൽ ആപ്പ് എന്നിവയിൽ നിന്നും വിർച്വൽ ഐഡി ലഭിക്കും.

ഇങ്ങനെ ഉപയോഗിക്കുമ്പോൾ ആധാർ നമ്പർ കൈമാറ്റം ചെയ്യപ്പെടേണ്ടി വരില്ലെന്നും യ ഐ ഡി എ ഐ പറയുന്നു. മാത്രമല്ല, ഉപയോക്താക്കൾക്ക് വിർച്വൽ ഐഡികൾ ഉണ്ടാക്കുന്നതിന് പരിധിയുണ്ടാകില്ല. പുതിയ ഐഡി ഉണ്ടാക്കുമ്പോൾ പഴയ ഐ ഡി ഇല്ലാതാകും.
ഈ വർഷം മാർച്ച് ഒന്ന് മുതൽ വിർച്വൽ ഐഡി സ്വീകരിക്കുന്നത് ഔദ്യോഗികമാക്കും. ജൂൺ ഒന്ന് മുതൽ വിർച്വൽ ഐഡിയായിരിക്കും നിർബന്ധമാക്കുകയെന്നും പറയുന്നു.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook