ന്യൂ​ഡ​ൽ​ഹി: രാ​ജ്യ​ത്ത് വീടില്ലാതെ തെരുവിൽ കഴിയുന്ന ലക്ഷക്കണക്കിന് പേർക്ക് എങ്ങിനെ ആധാർ നൽകുമെന്ന് സുപ്രീം കോടതിയുടെ ചോദ്യം. വീ​ടി​ല്ലാ​ത്ത​വ​ർ​ക്ക് ആ​വ​ശ്യ​ത്തി​ന് രാ​ത്രി​കാ​ല അ​ഭ​യ​കേ​ന്ദ്ര​ങ്ങ​ൾ ഇ​ല്ലാ​ത്ത​തു സം​ബ​ന്ധി​ച്ച പൊതുതാത്പര്യ ഹർജി പരിഗണിക്കുമ്പോഴാണ് കോടതി ഇക്കാര്യം ചോദിച്ചത്.

“കി​ട​പ്പാ​ട​മി​ല്ലാ​ത്ത ദ​രി​ദ്ര​ർ​ക്ക് ആധാർ ഇല്ലാതെ ക്ഷേ​മ പ​ദ്ധ​തി​ക​ളുടെ ആനുകൂല്യം എങ്ങിനെ നൽകും? ആ​ധാ​ർ നി​ർ​ബ​ന്ധ​മാ​ക്കു​ന്പോ​ൾ ല​ക്ഷ​ക്ക​ണ​ക്കി​നു വ​രു​ന്ന വീ​ടും സ്ഥി​ര​മാ​യ മേ​ൽ​വി​ലാ​സ​വും ഇ​ല്ലാ​ത്ത​വ​ർ​ എന്താണ് ചെയ്യുക?” സു​പ്രീം​കോ​ട​തി ചോ​ദി​ച്ച​ത്.

രാജ്യത്ത് 2011ൽ നടത്തിയ അവസാന ജനസംഖ്യ കണക്കെടുപ്പ് പ്രകാരം 1.7 കോടി പേരാണ് വീടില്ലാതെ തെരുവിൽ കഴിയുന്നത്. വീ​ടി​ല്ലാ​ത്താ​വ​ർ ഇ​ന്ത്യ​ൻ സ​ർ​ക്കാ​രി​ന്‍റെ ഭാ​ഗ​മ​ല്ലെ​ന്നാ​ണോ ഇ​തു​കൊ​ണ്ട് അ​ർ​ഥ​മാ​ക്കു​ന്ന​തെ​ന്നാ​ണ് സു​പ്രീം​കോ​ട​തി സാ​മൂ​ഹ്യ​നീ​തി ബെ​ഞ്ച് അ​ധ്യ​ക്ഷ​നാ​യ ജ​സ്റ്റീ​സ് മ​ദ​ൻ ബി. ​ലോ​ക്കൂ​ർ ചോ​ദി​ച്ച​ത്.

വ​ട​ക്കേ ഇ​ന്ത്യ അതിശൈത്യത്തിൽ വിറച്ചുനിൽക്കുന്ന കാലത്ത് തെരുവിൽ കഴിയുന്നവരുടെ ബുദ്ധിമുട്ട് ചൂണ്ടിക്കാട്ടുകയായിരുന്നു അദ്ദേഹം. രാ​ത്രി​സ​ങ്കേ​ത​ങ്ങ​ളുടെ കുറവിൽ വി​ശ​ദീ​ക​ര​ണം ന​ൽ​കാ​ൻ സു​പ്രീം​കോ​ട​തി ഉ​ത്ത​ർ​പ്ര​ദേ​ശ് ചീ​ഫ് സെ​ക്ര​ട്ട​റി​യോ​ട് ആ​വ​ശ്യ​പ്പെ​ട്ടു.

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ