scorecardresearch

പെന്‍ഷന്‍ ലഭിക്കാന്‍ ആധാര്‍ കാര്‍ഡ്‌ നിര്‍ബന്ധമല്ലെന്ന് സര്‍ക്കാര്‍

ജീവനക്കാരുടെയും പെന്‍ഷന്‍കാരുടേയും ക്ഷേമത്തിന് വേണ്ടി സര്‍ക്കാര്‍ നിരവധി പദ്ധതികള്‍ക്ക് തുടക്കം കുറിച്ചിട്ടുണ്ടെന്ന് സിങ് പറഞ്ഞു

ന്യൂഡല്‍ഹി: കേന്ദ്ര സര്‍ക്കാര്‍ ജീവനക്കാര്‍ക്ക് പെന്‍ഷന്‍ ലഭിക്കാന്‍ ആധാര്‍ നിര്‍ബന്ധമല്ലെന്ന് സര്‍ക്കാര്‍. പ്രധാനമന്ത്രിയുടെ ഓഫീസ് ചുമതലയുള്ള സഹമന്ത്രി ജിതേന്ദ്ര സിങ് ആണ് ഇക്കാര്യം അറിയിച്ചത്. ബാങ്ക് അക്കൗണ്ടുകൾ ആധാര്‍ കാര്‍ഡുമായി ബന്ധപ്പെടുത്താത്തതിനെതുടര്‍ന്ന് പെന്‍ഷന്‍ ലഭിക്കാൻ വിരമിച്ച ജീവനക്കാർ ബുദ്ധിമുട്ടുകൾ നേരിടുന്നതായി റിപ്പോർട്ടുണ്ടായിരുന്നു. ഇതു കണക്കിലെടുത്താണ് സര്‍ക്കാര്‍ ജീവനക്കാര്‍ക്ക് പെന്‍ഷന്‍ ലഭിക്കുന്നതിനു ആധാര്‍ നിര്‍ബന്ധമല്ലെന്ന് വ്യക്തമാക്കിയത്.

ആധാര്‍ എന്നത് ബാങ്കുകളില്‍ പോകാതെ ടെക്നോളജി ഉപയോഗിച്ച് ലൈഫ് സർട്ടിഫിക്കറ്റ് സമർപ്പിക്കുന്നതിനുളള സംവിധാനമാണെന്ന് അടുത്തിടെ ജിതേന്ദ്ര സിങ് പറഞ്ഞിരുന്നു.

12 അക്ക നമ്പരുള്ള ആധാര്‍ യുഐഡിഎഐ (യൂണിക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ) ആണ് നൽകുന്നത്. തിരിച്ചറിയൽ രേഖയായിട്ടാണ് പ്രധാനമായും ആധാർ ഉപയോഗിക്കുന്നത്.

രാജ്യത്ത് ആകെമാനം 48.1ലക്ഷം കേന്ദ്ര സര്‍ക്കാര്‍ ജീവനക്കാരും 61.17 ലക്ഷം പെന്‍ഷന്‍കാരുമാണുള്ളത്. ജീവനക്കാരുടെയും പെന്‍ഷന്‍കാരുടേയും ക്ഷേമത്തിന് വേണ്ടി സര്‍ക്കാര്‍ നിരവധി പദ്ധതികള്‍ക്ക് തുടക്കം കുറിച്ചിട്ടുണ്ടെന്ന് സിങ് പറഞ്ഞു.

Stay updated with the latest news headlines and all the latest News news download Indian Express Malayalam App.

Web Title: Aadhaar not mandatory for getting pension govt