scorecardresearch
Latest News

98-ാം വയസിൽ മാസ്റ്റേർസ് ബിരുദം നേടിയ രാജ്‌കുമാറിന് ബിരുദപത്രം കൈമാറി

നളന്ദ ഓപ്പൺ സർവ്വകലാശാലയിൽ നിന്നാണ് ബിരുദാനന്തര ബിരുദം സ്വർണ്ണമെഡലോടെ പാസായത്

98-ാം വയസിൽ മാസ്റ്റേർസ് ബിരുദം നേടിയ രാജ്‌കുമാറിന് ബിരുദപത്രം കൈമാറി

പട്‌ന: നളന്ദ സർവ്വകലാശാലയിൽ നിന്ന് 98-ാം വയസിൽ മാസ്റ്റേർസ് ബിരുദം നേടിയ രാജ്‌കുമാർ വൈശ്യ എന്ന വിദ്യാർത്ഥിക്ക് ബിരുദ പത്രം കൈമാറി. നളന്ദ ഓപ്പൺ സർവ്വകലാശാലയുടെ 12-ാമത് കോൺവക്കേഷനിലാണ് രാജ്കുമാറിന് സർട്ടിഫിക്കറ്റ് നൽകിയത്.

പാട്‌നയിൽ നടന്ന ചടങ്ങിൽ മേഘാലയ ഗവർണർ ഗംഗാ പ്രസാദ് ആണ് ബിരുദപത്രം കൈമാറിയത്. 2015 ൽ സാമ്പത്തിക ശാസ്ത്രത്തിൽ ബിരുദാനന്തര ബിരുദത്തിന് അപേക്ഷിച്ച രാജ്കുമാർ, ഈ വർഷം ജൂലൈയിൽ പഠനം വിജയകരമായി പൂർത്തിയാക്കിയിരുന്നു.

“എനിക്കിപ്പോൾ വളരെയേറെ സന്തോഷമുണ്ട്. ഞാൻ എന്റെ മാസ്റ്റേർസ് സ്വപ്നം യാഥാർത്ഥ്യമാക്കി. കഠിനമായി പരിശ്രമിച്ചാണ് ഞാനീ വിജയം നേടിയത്. യുവാക്കൾ കരിയറിന് മാത്രമല്ല, പഠനത്തിനും പ്രാധാന്യം നൽകണം”, അദ്ദേഹം പറഞ്ഞു.

22100 പേർക്കാണ് ഈ വർഷം നളന്ദ ഓപ്പൺ യൂണിവേഴ്സിറ്റി ബിരുദം നൽകിയത്. അതിൽ 2780 പേർക്കാണ് സർവ്വകലാശാല നേരിട്ട് കോൺവക്കേഷൻ ചടങ്ങിൽ ആദരിച്ചത്. വൈശ്യ, സ്വർണ്ണമെഡൽ കരസ്ഥമാക്കിയ 29 പേരിൽ ഒരാളായിരുന്നു.

Stay updated with the latest news headlines and all the latest News news download Indian Express Malayalam App.

Web Title: 98 year old man receives masters degree from nalanda varsity