/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/uploads/2023/07/pulse-10.jpg)
എന്‍ഡിഎ യോഗത്തില്‍ 38 പാര്‍ട്ടികള്‍ പങ്കെടുക്കും; രാജ്യത്തെ ശക്തിപ്പെടുത്തുന്ന മികച്ച സഖ്യമെന്ന് ജെ പി നദ്ദ
ന്യൂഡല്‍ഹി: ദേശീയ ജനാധിപത്യ സഖ്യം (എന്‍ഡിഎ) രാജ്യത്തെ സേവിക്കുന്നതിനും ശക്തിപ്പെടുത്തുന്നതിനുമുള്ള മികച്ച സഖ്യമാണെന്ന് ബിജെപി അധ്യക്ഷന്‍ ജെ പി നദ്ദ തിങ്കളാഴ്ച ഡല്‍ഹിയില്‍ നടക്കുന്ന എന്‍ഡിഎ യോഗത്തില്‍ 38 പാര്‍ട്ടികള്‍ പങ്കെടുക്കുമെന്നും അദ്ദേഹം പറഞ്ഞു. എന്‍ഡിഎയുടെ വ്യാപ്തിയിലും വര്‍ഷങ്ങളായി വര്‍ധനവുണ്ടായിട്ടുണ്ടെന്നും അദ്ദേഹം അവകാശപ്പെട്ടു. നീണ്ട ഇടവേളയ്ക്ക് ശേഷം സഖ്യത്തിന്റെ യോഗം ഇന്ന് ചേരും, അതേ ദിവസം തന്നെ ബംഗളൂരുവില്‍ പ്രതിപക്ഷ ഐക്യ ചര്‍ച്ചകളും നടക്കുന്നുണ്ട്.
ഒരു അപൂര്‍വ വാര്‍ത്താ സമ്മേളനത്തെ അഭിസംബോധന ചെയ്തുകൊണ്ട്, 'നരേന്ദ്രമോദി സര്‍ക്കാരിന്റെ പദ്ധതികളുടെയും നയങ്ങളുടെയും നല്ല സ്വാധീനമാണ്' എന്‍ഡിഎയുടെ വിപുലീകരണത്തിന് കാരണമെന്ന് നദ്ദ പറഞ്ഞു. ബംഗളൂരുവില്‍ നടന്ന പ്രതിപക്ഷ യോഗത്തെയും അദ്ദേഹം വിമര്‍ശിച്ചു. പ്രതിപക്ഷ ഐക്യം 'പൊള്ളയാണ്.സ്വാര്‍ത്ഥതയില്‍ അധിഷ്ഠിതം' എന്നാണ് നദ്ദ വിശേഷിപ്പിച്ചത്. പ്രതിപക്ഷ ഐക്യത്തിന് ഒരു നേതാവോ നയമോ തീരുമാനങ്ങളെടുക്കാനുള്ള അധികാരമോ ഇല്ലായിരുന്നു, ബിജെപി ആസ്ഥാനത്ത് നടത്തിയ വാര്‍ത്താ സമ്മേളനത്തില്‍ നദ്ദ പറഞ്ഞു.
ബംഗളൂരുവില്‍ പ്രതിപക്ഷം ചര്‍ച്ചകള്‍ അവസാനിപ്പിക്കുന്ന സമയത്താണ് എന്‍ഡിഎ യോഗം ഇന്ന് വൈകുന്നേരം 4 മണിക്ക് ഡല്‍ഹിയില്‍ ആരംഭിക്കുന്നത്.
ചൊവ്വാഴ്ച ചര്‍ച്ചയില്‍ പങ്കെടുക്കാന്‍ പോകുന്ന 26 പാര്‍ട്ടികളുടെ പേരുകള്‍ പ്രതിപക്ഷം പുറത്തുവിട്ടിട്ടുണ്ടെങ്കില്‍, എന്‍ഡിഎ സമ്മേളനത്തില്‍ എഐഎഡിഎംകെ, ശിവസേന (ഷിന്‍ഡെ), എന്‍പിപി (നാഷണല്‍ പീപ്പിള്‍സ് പാര്‍ട്ടി, മേഘാലയ), എന്‍ഡിപിപി (നാഷണലിസ്റ്റ് ഡെമോക്രാറ്റിക് പ്രോഗ്രസീവ് പാര്‍ട്ടി, നാഗാലാന്‍ഡ്), എസ്‌കെഎം (സിക്കിം ക്രാന്തികാരി മോര്‍ച്ച), ജെജെപി (ജനനായക് ജനതാ പാര്‍ട്ടി), എജെഎസ്യു (ഓള്‍ ജാര്‍ഖണ്ഡ് സ്റ്റുഡന്റ്സ് യൂണിയന്‍), ആര്‍പിഐ (റിപ്പബ്ലിക്കന്‍ പാര്‍ട്ടി ഓഫ് ഇന്ത്യ), എംഎന്‍എഫ് (മിസോ നാഷണല്‍ ഫ്രണ്ട്), തമിഴ് മണില കോണ്‍ഗ്രസ്, ഇന്ത്യന്‍ മക്കള്‍ കല്‍വി മുന്നേറ്റ കഴകം തമിഴ്നാട്ടില്‍ നിന്നുള്ള (കങഗങഗ), കജഎഠ (ഇന്‍ഡിജിനസ് പീപ്പിള്‍സ് ഫ്രണ്ട് ഓഫ് ത്രിപുര), ബിപിപി (ബോഡോ പീപ്പിള്‍സ് പാര്‍ട്ടി), പിഎംകെ (പട്ടാളി മക്കള്‍ കച്ചി), എംജിപി (മഹാരാഷ്ട്രവാദി ഗോമന്തക് പാര്‍ട്ടി), അപ്നാ ദള്‍, എജിപി (അസോം ഗണ പരിഷത്ത്), രാഷ്ട്രീയ ലോക് ജന്‍ ശക്തി പാര്‍ട്ടി, നിഷാദ് പാര്‍ട്ടി, യുപിപിഎല്‍ (യുണൈറ്റഡ് പീപ്പിള്‍സ് പാര്‍ട്ടി ലിബറല്‍, അസം), എഐആര്‍എന്‍സി (ഓള്‍ ഇന്ത്യ എന്‍ആര്‍ കോണ്‍ഗ്രസ്, പുതുച്ചേരി), ശിരോമണി അകാലിദള്‍ (സംയുക്ത്, ധാഡിയാല്‍), ജനസേന (പവന്‍ കല്യാണ്‍), എന്‍സിപി (അജിത് പവാര്‍ ഗ്രൂപ്പ്), ലോക് ജനശക്തി പാര്‍ട്ടി (രാം വിലാസ് പാസ്വാന്‍), എച്ച്എഎം (ഹിന്ദുസ്ഥാനി അവാം മോര്‍ച്ച), ആര്‍എല്‍എസ്പി (രാഷ്ട്രീയ ലോക് സമതാ പാര്‍ട്ടി), വിഐപി (വികാശ്ശീല്‍ ഇന്‍സാന്‍ പാര്‍ട്ടി, മുകേഷ് സാഹ്നി), എസ്ബിഎസ്പി (സുഹേല്‍ദേവ് ഭാരതീയ സമാജ് പാര്‍ട്ടി, ഓം പ്രകാശ് രാജ്ഭര്‍) എന്നിവരും ഉള്‍പ്പെടുന്നു.
യുപിഎ സര്‍ക്കാരിന്റെ 10 വര്‍ഷത്തെ അഴിമതിയുടെയും ഭരണനിര്‍വ്വഹണത്തിന്റെയും ഭാഗമാണ് പ്രതിപക്ഷം, നദ്ദ പറഞ്ഞു. മുന്‍കാലങ്ങളില്‍ പാര്‍ട്ടി അഴിമതിക്കാരെന്ന് വിളിച്ച നിരവധി നേതാക്കളെ എന്‍ഡിഎയില്‍ ഉള്‍പ്പെടുത്തിയതിനെക്കുറിച്ചുള്ള ചോദ്യത്തിന്, കേസുകളില്‍ 'നിയമം അതിന്റേതായ വഴി സ്വീകരിക്കും' എന്ന് നദ്ദ പറഞ്ഞു, കൂടാതെ ബിജെപി അതിന്റെ പ്രത്യയശാസ്ത്രവും രാജത്തിന്റെ ലക്ഷ്യവും പിന്തുടരുന്നതില്‍ സ്ഥിരവും നിരന്തരമായും പരിശ്രമിക്കും നദ്ദ പറഞ്ഞു.
'ബി.ജെ.പി. നിലവില്‍ വന്നതിന് ശേഷം ആശയപരമായി പ്രശ്നങ്ങള്‍ പിന്തുടരുന്ന ഒരേയൊരു പാര്‍ട്ടിയാണ് - അത് രാമക്ഷേത്രമായാലും ആര്‍ട്ടിക്കിള്‍ 370 ആയാലും, ഞങ്ങള്‍ എല്ലായ്‌പ്പോഴും ശക്തമായ ഒരു രാഷ്ട്രത്തിനായി നിലകൊള്ളുന്നു. ഞങ്ങള്‍ ആണവ പരീക്ഷണങ്ങള്‍ക്ക് വേണ്ടിയായിരുന്നു, അടല്‍ജി (ബിഹാരി വാജ്‌പേയി) അവരോടൊപ്പം മുന്നോട്ട് പോയി… ഞങ്ങള്‍ സ്ഥിരത പുലര്‍ത്തി. അതൊരു പ്രത്യയശാസ്ത്ര യാത്രയാണ്… ചിലര്‍ ഇന്ന് നമ്മെ മനസ്സിലാക്കുന്നു, ചിലര്‍ നാളെ. ഇന്നല്ലെങ്കില്‍ അഞ്ചോ പത്തോ വര്‍ഷങ്ങള്‍ക്ക് ശേഷം നമുക്ക് അവ ലഭിക്കുമെന്നും നദ്ദ പറഞ്ഞു. കൂടുതല്‍ വായിക്കാന്‍
Stay updated with the latest news headlines and all the latest Lifestyle news. Download Indian Express Malayalam App - Android or iOS.