വാ​ഷിം​ഗ്ട​ൺ: മും​ബൈ ഭീ​ക​രാ​ക്ര​മ​ണ​ത്തി​ന്‍റെ മു​ഖ്യ ആ​സൂ​ത്ര​ക​നും അമേരിക്കന്‍ ഭീകരനുമായ ഡേ​വി​ഡ് കോ​ള്‍​മാ​ന്‍ ഹെ​ഡ്‌​ലി​ക്ക് നേ​രെ ഷിക്കാഗോ ജയിലില്‍ സ​ഹ​ത​ട​വു​കാ​രു​ടെ ആ​ക്ര​മ​ണമെന്ന് റിപ്പോര്‍ട്ട്. രണ്ട് തടവുകാരുടെ മര്‍ദ്ദനമേറ്റ ഹെഡ്ലി ഗുരുതരമായി പരുക്കേറ്റ് തീവ്രപരിചരണ വിഭാഗത്തിലാണെന്ന് ഇന്ത്യന്‍ ടിവി റിപ്പോര്‍ട്ട് ചെയ്യുന്നു.

ജൂ​ലൈ എ​ട്ടി​ന് ഷി​ക്കാ​ഗോ​യി​ലെ മെ​ട്രോ​പ്പൊ​ലി​റ്റ​ൻ ക​റ​ക്‌​ഷ​ന​ൽ സെ​ന്‍റ​റി​ൽ വ​ച്ചാ​ണ് ര​ണ്ടു ത​ട​വു​കാ​ർ ആ​ക്ര​മി​ച്ച​തെന്നാണ് റിപ്പോര്‍ട്ട്. ‘ഇരട്ട ഏജന്റ്’ ആയത് കൊണ്ടാണ് ഹെഡ്ലി ആക്രമിക്കപ്പെട്ടതെന്നാണ് റിപ്പോര്‍ട്ടില്‍ പറയുന്നത്. പാക്കിസ്ഥാന് വേണ്ടിയും ഭീകരവാദികള്‍ക്ക് വേണ്ടിയും അദ്ദേഹം ഒരേസമയം പ്രവര്‍ത്തിച്ചിട്ടുണ്ട്. 2013ൽ ​യു​എ​സ് ഫെ​ഡ​റ​ൽ കോ​ട​തി 35 വ​ർ​ഷം ത​ട​വു ശി​ക്ഷ വി​ധി​ച്ചി​രു​ന്നു. കു​റ്റ​ങ്ങ​ൾ ഹെ​ഡ്‌​ലി സ​മ്മ​തി​ച്ച​തി​നാ​ൽ ഇ​ന്ത്യ​ക്ക് കൈ​മാ​റി​ല്ലെ​ന്നും വ​ധ​ശി​ക്ഷ ന​ൽ​കി​ല്ലെ​ന്നും പ്രോ​സി​ക്യൂ​ഷ​ൻ ഉ​റ​പ്പ് ന​ൽ​കി​യി​രു​ന്നു.
ഗുരുതരമായി പരുക്കേറ്റ ഹെഡ്ലി 24 മണിക്കൂര്‍ നിരീക്ഷണത്തിലാണെന്ന് റിപ്പോര്‍ട്ടില്‍ പറയുന്നു. പൊലീസുകാരെ ആക്രമിച്ചതിന് ജയിലിലായ സഹോദരങ്ങളാണ് അക്രമം നടത്തിയത്.

2008 ന​വം​ബ​ർ 26നു 166 ​പേ​രു​ടെ മ​ര​ണ​ത്തി​ൽ ക​ലാ​ശി​ച്ച മും​ബൈ ആ​ക്ര​മ​ണ​ത്തി​നു​ശേ​ഷം 2009 ഒ​ക്ടോ​ബ​റി​ല്‍ ഷി​ക്കാ​ഗോ വി​മാ​ന​ത്താ​വ​ള​ത്തി​ല്‍ നി​ന്നാ​ണ് ഹെ​ഡ്‌​ലി​യെ പി​ടി​കൂ​ടി​യ​ത്. യു​എ​സ് പൌ​ര​ത്വ​മു​ള്ള പാ​ക് ഭീ​ക​ര​നാ​ണു ഹെ​ഡ്‌​ലി. ഭീ​ക​രാ​ക്ര​ണ​ങ്ങ​ള്‍ ന​ട​ത്താ​ന്‍ അ​ല്‍​ക്വ​യ്ദ​യു​മാ​യും സ​ഹ​ക​രി​ച്ചു പ്ര​വ​ര്‍​ത്തി​ച്ചി​രു​ന്നു.

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ