ന്യൂഡല്‍ഹി: സംഘടിത മേഖലകളില്‍ നൂറ് ജീവനക്കാരില്‍ താഴെയുള്ള സ്ഥാപനങ്ങളിലെ ജീവനക്കാരുടെ ഇപിഎഫിന്റെ 24 ശതമാനം കേന്ദ്രസര്‍ക്കാര്‍ അടയ്ക്കും. ജീവനക്കാരനും മുതലാളിയും അടയ്‌ക്കേണ്ട 12 ശതമാനം വീതമാണ് സര്‍ക്കാര്‍ അടയ്ക്കുക. 90 ശതമാനം ജീവനക്കാരും 15,000-ല്‍ താഴെ ശമ്പളം വാങ്ങിക്കുന്ന സ്ഥാപനങ്ങള്‍ക്കാണ് ഈ ആനുകൂല്യം ലഭിക്കുക. ഇപിഎഫില്‍ നിന്നും 75 ശതമാനം തുകയോ മൂന്ന് മാസത്തെ ശമ്പളത്തിന് തുല്യമായ തുകയോ പിന്‍വലിക്കാന്‍ അനുവദിക്കും. ഇതില്‍ ഏതാണോ കുറവ് ആ തുകയാണ് ലഭിക്കുക.

ബില്‍ഡിങ്‌സ് ആൻഡ് അദര്‍ കണ്‍സ്ട്രക്ഷന്‍ ആക്ട് പ്രകാരമുള്ള ഫണ്ട് ഉപയോഗിച്ച് കണ്‍സ്ട്രക്ഷന്‍ മേഖലയിലെ തൊഴിലാളികളെ സഹായിക്കാന്‍ കേന്ദ്രം സര്‍ക്കാരുകളോട് ആവശ്യപ്പെടും. 31,000 കോടി രൂപ ഈ ഫണ്ടില്‍ ഉണ്ട്. രജിസ്റ്റര്‍ ചെയ്ത 3.5 കോടി തൊഴിലാളികള്‍ക്കാണ് ഈ ഫണ്ടില്‍ നിന്നും സഹായം ലഭിക്കുക.

Read Also: കോവിഡ്-19: 1.7 ലക്ഷം കോടിയുടെ സാമ്പത്തിക പാക്കേജ് പ്രഖ്യാപിച്ച് കേന്ദ്ര സർക്കാർ

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook